မြတ်ဗုဒ္ဓ ကို ကြည်ညိုခြင်း (Reverence for Buddha)

ဘုရားရှင်ကိုယ်တော်မြတ်ကြီးဟာ.. ဘုရားလောင်းတော်ဘ၀အဖြစ်နဲ့ လေးအသင်္ချေ နှင့် ကမ္ဘာတစ်သိန်းကာလကြာအောင် ပါရမီတော်များကို ဖြည့်ကျင့်တော်မူခဲ့ပါတယ်။
ပါရမီ (Perfection) = လူမြတ်တို့လုပ်ငန်း (noble deed or noble task)
ထိုပါရမီတော်များကို ရေတွက်ပြသော်..

1	ဒါနပါရမီ (Generosity)	စွန့်ကြဲပေးကမ်းလှူဒါန်းခြင်း
2	သီလပါရမီ (Morality)	၅ပါး၊ ၈ ပါး စသော ၁၀ ပါးဆိုင်ရာသီလများကို စောင့်ထိန်းမှု
3	နိက္ခမပါရမီ (Renunciation)	စည်းစိမ်ကို စွန့်ခွာ၍ တောထွက်မှု
4	ပညာပါရမီ (Wisdom)	အရာရာ၌ တတ်သိနားလည်မှု
5	၀ီရိယပါရမီ (Energy/Perseverance)	ကုသိုလ်ကိစ္စတို့၌ မကြောက်မရွံ့သက်စွန့်ကြိုးပမ်းအားထုတ်မှု
6	ခန္တီပါရမီ (Patience)	သူတစ်ပါးက နှိပ်စက်လျှင် သည်းညည်းခံနိုင်မှု နှင့် အအေးအပူစသော ဒဏ်ကိုခံနိုင်မှု
7	သစ္စာပါရမီ (Truthfulness)	မှန်ကန်ဖြောင့်မတ်စွာ ပြောဆိုလုပ်ကိုင်မှု
8	အဓိဋ္ဌာန်ပါရမီ (Determination)	ရည်မှန်းသော ကောင်းသော အလုပ်၌ မဖြစ်မနေ စွဲစွဲမြဲမြဲ ဇွဲကောင်းမှု
9	မေတ္တာပါရမီ (Loving-kindness)	သတ္တ၀ါတို့အပေါ်၌ ချစ်ခင်သော အားဖြင့် ကောင်းကျိုးလိုလားမှု
10	ဥပေက္ခာပါရမီ (Equanimity)	မုန်းအောင် ပြုသည်ကိုလည်း မမုန်း၊ ချစ်ခင်အောင် ပြုသည်ကိုလည်း မချစ်ဘဲ လျစ်လျူရှုမှု

စာမျက်နှာ-၁၆/လူသားစစ်စစ် ဗုဒ္ဓ - ဦးဋ္ဌေးအောင် ၊ English translation by Ashin THITTILA, Buddhism Handbook - 76
ဘုရားလောင်းတော်သည် ထိုပါရမီတော်များကို အဆင့် (၃)ဆင့် ဖြင့် ဖြည့်ကျင့်ခဲ့ပါတယ်။ ဥပမာ ..
ဒါနပါရမီ - စွန့်ကြဲပေးကမ်းလှူဒါန်းမှု တွင်..

1. ခန္ဓာကိုယ်နှင့်မစပ်သော အပြင်ဘက်က ပစ္စည်းများကို ပေးကမ်းလှူဒါန်းခြင်း - မူလဒါန


2. မျက်စိ/နား/နှာစသော ခန္ဓာကိုယ်အစိတ်အပိုင်းများကိုစွန့်လွတ်၍ လှူဒါန်းခြင်း - ဥပဒါန


3. အသက်နှင့်ခန္ဓာကိုယ်ကိုစွန့်လွတ်၍ လှူဒါန်းခြင်း - ပရမတ္ထဒါန

ဒါကြောင့် ဒါနပါရမီဖြည့်ကျင့်ရာ၌ အဆင့်သုံးဆင့်ရှိနေတယ်..
ထို့အတူပါပဲ သီလပါရမီ ဖြည့်ကျင့်ရာမှာလည်းပဲ..

1. စီးပွား/ရာထူး အာဏာကို စွန့်၍ သီလစောင့်ထိန်းမှု (မူလသီလ)


2. ခန္ဓာကိုယ်အစိတ်အပိုင်းကို စွန့်၍ သီလစောင့်ထိန်းမှု (ဥပသီလ)


3. အသက်ကိုစွန့်၍ သီလစောင့်ထိန်းမှု (ပရမတ္ထသီလ)

..ဆိုပြီး အဆင့်သုံးဆင့် ရှိပါတယ်။ ဒီလိုပဲ တခြား ပါရမီများမှာလည်း ထိုအဆင့်သုံးဆင့်စီ ရှိကြပါတယ်..
ဒါကြောင့် ထိုအဆင့် (၃)ဆင့်ကို..

1. မူလပါရမီ


2. ဥပပါရမီ


3. ပရမတ္ထပါရမီ

ဟု ခေါ်ပါတယ်။
ထိုအဆင့် (၃)ဆင့်ဖြင့် ပါရမီ (၁၀)ပါး ကို မြှောက်သော် ပါရမီ အပါး (၃၀) ကို ရပါတယ်။ ဒါကြောင့် ပါရမီ ဆိုသည်မှာ.(၁၀)ပါးပင်ရှိသော်လည်းပဲ.. အဆင့် (၃)ဆင့်ဖြင့် အကျယ်ပွားပါက.. ပါရမီတော် အပါး (၃၀) ရရှိပါတယ်။
ဘုရားလောင်းတော်သည် ရည်ရွယ်ချက် (၈)ပါးထားရှိခဲ့ပြီး..ထိုပါရမီ အပါး (၃၀)ကို ဖြည့်ကျင့်ဆောင်ရွက်တော်မူခဲ့ပါတယ်။ ထို့သို့ ဆောင်ရွက်ရာမှာလည်း နည်း (၅)ပါး ကို အခြေခံပြီး ဆောင်ရွက်တော်မူခဲ့ပါတယ်။ ဘုရားလောင်းတော်ရဲ့ ရည်ရွက်ချက် (၈)ပါးကို ကျွန်တော် အရင်ပို့စ်မှာ ဖော်ပြခဲ့ပြီးပြီဖြစ်လို့..အခု နည်း (၅)ပါး ကို ဖော်ပြလိုက်ပါတယ်။

ဘုရားလောင်းတော်ဟာ သတ်မှတ်ထားပြီးသားရည်ရွယ်ချက်တို့ကို အတိမ်းအစောင်း မခံဘဲ ပါရမီတော်တို့ကို ပြည့်စုံတဲ့တိုင်အောင် အချိန်အကြာကြီးယူပြီးဆောင်ရွက်ခဲ့ပါတယ်။ ကောင်းမှုကုသိုလ်ကို လုပ်ရာမှာလည်း ခဏတဖြုတ်လေး ဟန်ပြလုပ်ရုံမျိုး မရှိခဲ့ဘဲ တကယ်ကို စိတ်ပါလက်ပါ အချိန်အကြာကြီး ဆောင်ရွက်တော်မူခဲ့ပါတယ်။ ပါရမီတော်များလုပ်ချိန်အတွင်းမှာလည်း ခဏတာ အနားယူ အပန်းဖြေခြင်း မရှိဘဲ ဆက်ကာဆက်ကာ ဆင့်ကာဆင့်ကာ ဆောင်ရွက်ခဲ့ပါတယ်။ ကောင်းမှုကုသိုလ်များကိုလည်း တစ်ခုတစ်လေမျှ ချန်လပ်ထားတာမျိုးမရှိဘဲ အားလုံးစုံအောင် ဆောင်ရွက်တော်မူပြန်ပါတယ်။ မိမိလုပ်နေခဲ့တဲ့ပါရမီဖြည့်ခြင်းကိုလည်း လေးလေးစားစား တန်ဖိုးထားခဲ့ပါတယ်။
ဒါကြောင့် ဘုရားလောင်းတော်ဟာ လေးသေင်္ချေ နှင့် ကမ္ဘာတစ်သိန်းကာလကြာအောင် ရည်ရွယ်ချက် (၈) ပါး၊
နည်း (၅) ပါးတို့နဲ့ ပါရမီပေါင်း (၃၀) ကို ကောင်းစွာ ဖြည့်ကျင့်ဆောင်ရွက်တော်မူခဲ့ပါတယ်။

ဘုရားလောင်းတော်ရဲ့ ဒီရည်ရွယ်ချက်တွေ၊ နည်းလမ်းတွေ ပါရမီတော်တွေကို ဖတ်ပြီး ကျွန်တော်တို့ ဂုဏ်တော်တွေ ဆင့်ပွားလို့ရပါတယ်..ဥပမာ..

ဆိုပြီး ဂုဏ်တော်အဖြစ်နဲ့ ပွားများလို့ရပါတယ်..ဒါဆို..သုဂတော ဂုဏ်တော်ကြီးထဲမှာ အကျုံးဝင်သွားပါလိမ့်မယ်။
(သီတဂူဆရာတော်ဘုရားကြီး ၏ ကဆုန်လပြည့်နေ့တရားတော်မှ ကောက်နုတ်ဖော်ပြပါသည်။)