ရတနာ ဗုဒ္ဓဘာသာဝင် ခံယူချက် (၄)ရပ်
9:24 PM | Author: sankooo
တချို့သော ဗုဒ္ဓဘာသာဝင်တွေက ဗုဒ္ဓ၊ ဓမ္မ၊ သံဃာကိုလည်း ကိုးကွယ်ကြပါတယ်..ဒါ့အပြင် တခြားသော အရာများကိုလည်း ရတနာ သုံးပါးနဲ့ အတူထားပြီး ထပ်ဆောင်းကိုးကွယ်ကြပါသေးတယ် ၊ ထပ်ဆောင်းပြီး ရှိခိုးနေကြပါသေးတယ်။ ဒီလို ထပ်ဆောင်း ရှိခိုး/ကန်တော့/ကိုးကွယ်နေကြတာကိုလည်းပဲ တချို့က မှန်တယ်လို့ ထင်ကြသေးတယ်။

ဒီလို ရတနာသုံးပါးနဲ့ တခြားဟာတွေနဲ့ ရောပြီး ပူးတွဲ ကိုးကွယ်နေလို့ကတော့ ဘယ်လိုမှ ရတနာ ဗုဒ္ဓဘာသာဝင် ဖြစ်မှာ မဟုတ်ပါဘူး..

ကျွန်တော် ကတော့  ဗုဒ္ဓ၊ ဓမ္မ၊ သံဃာ ကလွဲပြီး  တခြားဘာအရာကိုမှ ကန်တော့ လက်အုပ်ချီဦးမယ် ဆိုတဲ့စိတ် ဘယ်တော့မှ တခါမှ မဖြစ်ခဲ့ဖူးဘူး..ဒါ အမှန်ပါပဲ..ဗုဒ္ဓ၊ ဓမ္မ၊ သံဃာ သုံးပါးကိုပဲ ယုံကြည်တယ်။

သီတဂူဆရာတော်ဘုရားကြီးရဲ့ သရဏဂုံ သုံးပါး တရားတော် ကို နာထိုက်ပါတယ်။ ဒီတရားလေး နာလိုက်ရင် ရတနာသုံးပါး ကိုပဲ အသက်ထက်ဆုံး ကန်တော့ လက်အုပ်ချီရမယ် ဆိုတာ ထင်ထင်ရှားရှားကြီး သိပါလိမ့်မယ်။

ရတနာ ဗုဒ္ဓဘာသာဝင်ဖြစ်အောင် ခံယူချက်ထားတတ်ဖို့ ဆရာတော်ဘုရားကြီးက ဟောထားပါတယ်။ ဘယ်လိုခံယူချက်တွေထားရမလဲ ဆိုတော့
ဒီကနေ့ကစ..

  1. ငါ့အသက်/ ခန္ဓာ ကို ရတနာ သုံးပါးအား အပ်နှင်းပါ၏။ (အသက်/ခန္ဓာ စီးပွား ဥစ္စာ တွေကိုသာ အစွန့်ခံမယ် ရတနာ သုံးပါး အပေါ် ယုံကြည်ချက်ကတော့ ဘယ်တော့မှ မစွန့်ဘူး ဆိုတဲ့ စိတ်ဓာတ်ပါပဲ)

  2. ငါသည် ဆည်းကပ်စရာရှိလျင်/ အားကိုးစရာရှိလျင်/ မှီခိုစရာရှိလျင်/ ကိုးကွယ်စရာရှိလျင် ရတနာ သုံးပါးကိုသာလျင် မှီခို၊ အားကိုး၊ ဆည်းကပ်၊ ကိုးကွယ်တော့မယ်။ တခြား ဘာအရာကိုမှ မမှီခိုတော့ဘူး။

  3. အရိုအသေ ပြုစရာရှိရင်လည်း ရှိခိုးစရာရှိရင်လည်း ငါသည် ရတနာ သုံးပါးကိုပဲ ရှိခိုးကန်တော့ တော့မယ်။ တခြား ဘာအရာကိုမှ မရှိခိုးတော့ဘူး၊ မကန်တော့ တော့ဘူး။

  4. တပည့်အဖြစ် ချဉ်းကပ်ရမယ်ဆိုရင်လည်း ရတနာသုံးပါးထံမှာပဲ တပည့်ခံတော့မယ်။ တခြား ဘယ်အရာဆီမှာမှ တပည့်မခံတော့ဘူး။



ဒီလို ခံယူချက် (၄) ချက် ထားရှိရပါတယ်။ အသက်ထက်ဆုံး ဒီလို ခံယူချက် ထားရမှာပါပဲ။
ဗုဒ္ဓ၊ ဓမ္မ၊ သံဃာ (၃)ပါးအပေါ်မှာ ယုံကြည်မှု သဒ္ဓါ ရှိပြီး ၊ အထက်ပါ ခံယူချက် (၄) ချက် ရှိမှသာလျင် သမ္မာဒိဋ္ဌိ (Right Understanding) ဟာ တည်ပါတယ်။
အဲလို အမြင်မှန် နဲ့ ကိုးကွယ်မှ သာလျင် ဘေးအန္တရာယ်ဆိုတာ မဖြစ်နိုင်ပါဘူး။
ဒီလို ခံယူချက် (၄) ရပ် ရှိမှလည်းပဲ ရတနာ ဗုဒ္ဓဘာသာဝင် ဖြစ်ပါတယ်။
အဲလို မှ မဟုတ်ရင်တော့ စက်ဆုပ်စရာ ဗုဒ္ဓဘာသာဝင် ဖြစ်သွားပါလိမ့်မယ်။
ကျွန်တော်တို့ ထေရ၀ါဒ ဗုဒ္ဓဘာသာဝင်တွေဟာ ဒီလို ခံယူချက် ရှိကိုရှိသင့်ပါတယ်။ ဆရာတော်ဘုရားကြီး ဟောတဲ့ ဒီခံယူချက် (၄)ပါးကို မသိချင်ယောင်ဆောင်ပြီး တခြားဟာတွေလည်း ထပ်ပေါင်းကိုးကွယ်လိုက်ဦးမယ် ထပ်ဆောင်း ကန်တော့ နေမယ်ဆိုရင်တော့ လျော့ရိလျော့ရဲ ဗုဒ္ဓဘာသာဝင် ဖြစ်နေမှာပဲ။ ရတနာ ဗုဒ္ဓဘာသာဝင် ဖြစ်မှာမဟုတ်ပါဘူး။

ဒီလို ခံယူချက် တွေ ထားတာကိုပဲ တချို့က တယူသန်ကြီးပဲလို့ ထင်ချင် ထင်ကြလိမ့်ဦးမယ်။..

ဘယ်သူ ဘယ်လိုထင်ထင် ကျွန်တော် တို့ဟာ ဆရာတော် ဘုရားကြီးများ ဟောတာတွေကို အတိအကျချည်း မလိုက်နာ နိုင်ရင်တောင်မှပဲ အမှန်တွေပဲလို့ လက်ခံရမယ်။ ပရိယတ္တိ တတ်မြောက်တဲ့ ရဟန်းတော်များကို ဗုဒ္ဓရှင်တော်က “သုတဗုဒ္ဓ” ဆိုပြီး သတ်မှတ်ထားတာရှိပါတယ် (သူရသဒီမယ်တော်နှင့် ၃၇မင်းအကြောင်း - သီတဂူဆရာတော်ဘုရားကြီး ) ။ အဲတော့ ပရိယတ္တိ တတ်မြောက်တဲ့ ရဟန်းတော်များဟာ ကျွန်တော် တို့အတွက် ဘုရားတွေပါပဲ။

ဒီအချက်ကို ထောက်ပြီး ဆရာတော်ကြီးများ ဟောတာကို လက်ခံရမှာလား ဒါမှမဟုတ် ရတနာ သုံးပါးအပြင် တခြားအရာတွေကိုပါ ထပ်ပေါင်းလို့ပဲ ကိုးကွယ်နေဦးမလား ..ဘယ်အရာကို လုပ်ရမှာလည်း ဆိုတာ သိသာထင်ရှားပါတယ်။

သီတဂူဆရာတော်ဘုရားကြီး ၏ သရဏဂုံ(၃)ပါး တရားတော် မှ ကောက်နုတ်ဖော်ပြပါသည်။
|
This entry was posted on 9:24 PM and is filed under . You can follow any responses to this entry through the RSS 2.0 feed. You can leave a response, or trackback from your own site.

0 comments:

Post a Comment