Showing posts with label ထေရ၀ါဒ. Show all posts
Showing posts with label ထေရ၀ါဒ. Show all posts

ကျေးဇူးတော်ရှင် မင်းကွန်းဆရာတော်ဘုရားကြီး ဟောတော်မူသော
သာသနာ့ချိန်ခွင်ကြီး ၄လတ် MP3 တရားတော်များကို တင်ပေးသွားမှာ ဖြစ်ပါတယ်။
ဒီတရားတော်များကို တခြား web site တွေမှာ မတွေ့သေးတာရယ်၊ ကျွန်တော်မှာလည်း အဆင့်သင့်ရှိနေတာရယ်ကြောင့်..
တရားတော်များ နာယူနိုင်အောင် တင်ပေးသွားမှာပါ။
Download အဆင်ပြေအောင် MediaFire Link နဲ့ တင်ပေးထားပါတယ်။



သာသနာ့ချိန်ခွင်ကြီး ၄ လတ် တရားတော် - ကျေးဇူးတော်ရှင်မင်းကွန်းဆရာတော်ဘုရားကြီး
အပိုင်း (၁)

Download Links [Mediafire]

သာသနာ့ချိန်ခွင်ကြီး ၄ လတ်- ၀၁
သာသနာ့ချိန်ခွင်ကြီး ၄ လတ်- ၀၂
သာသနာ့ချိန်ခွင်ကြီး ၄ လတ်- ၀၃
သာသနာ့ချိန်ခွင်ကြီး ၄ လတ်- ၀၄
သာသနာ့ချိန်ခွင်ကြီး ၄ လတ်- ၀၅
ဗုဒ္ဓါနုဿတိ လင်္ကာ
3:59 PM | Author: sankooo


လက္ခဏာတော် ကြီးငယ် အသွယ်သွယ်ဖြင့်၊ သပ္ပါယ်လှစွာ ကိုယ်အင်္ဂါဝယ်၊

ပါရမီတော်အဟုန် ကိုယ်လုံးခြုံ၍၊ မွှမ်းထုံသင်းကြူ…...

သယမ္ဘူဟု ဥာဏ်တူကင်းလတ် အရဟတ်ဖြင့်၊

သတ်ဖြတ်ခပင်း ကိလေရှင်းသား…..

ဥာဏ်ရင်းမဟာ ကရုဏာနှင့် သမ္မာသမ္ဗောဓိ အစရှိလတ်၊

ဥာဏ်တော်မြတ်၏ ကိန်းဝပ်စံပျော်၊ ခန္ဓာပေါ်ဝယ်၊

ဘွဲ့တော် “ဗုဒ္ဓ” တင်ပါရသည်…...လောကထွဋ်ထား မြတ်ဘုရား။



[စာမျက်နှာ-၃၊ အရှင်ဇနကာဘိဝံသ-ဗုဒ္ဓါနုဿတိဘာဝနာ]
အကျဉ်းချုပ်အဓိပ္ပါယ်
  • လက္ခဏာတော်ကြီးငယ် အသွယ်သွယ်ဖြင့် အသပ္ပါယ်ဆုံးလည်းဖြစ်ခြင်း။
  • ကိုယ်အင်္ဂါအစိတ်အပိုင်းတိုင်း၌ ကောင်းမှုပါရမီတော်တို့က လွှမ်းခြုံ၍ မွှမ်းထုံထားခြင်း။
  • ရာဂ၊ ဒေါသ၊ မောဟ စသော ကိလေသာတို့ကို သတ်ဖြတ်နိုင်သော အရဟတ္တမဂ်ဥာဏ်တော်ကို ရခြင်း။
  • သတ္တ၀ါတို့၏ အပေါ်၌ သနား ကြင်နာကရုဏာကြီးမားခြင်း။
  • အလုံးစုံကို အကုန်သိနိုင်သော သဗ္ဗညုတဥာဏ်တော်ကို ရခြင်း။

ဤဂုဏ်တော်တို့၏ ကိန်းဝပ်စံပျော်ရာ ခန္ဓာကိုယ်ပေါ်၌သာ “ဗုဒ္ဓ” ဟု ဘွဲ့နာမည်တော်ကို တင်ထိုက်ပါသည်။
ထို့သို့ “ဗုဒ္ဓ” ဘွဲ့နာမည်တော် တင်ထိုက်သော ယောကျာ်းမြတ်သည်သာ လူ၊ နတ်၊ ဗြဟ္မာ သတ္တ၀ါတို့၏ အထွဋ်အထိပ်ထားရသော မြတ်ဘုရား ဖြစ်၏။

[ဤအဓိပ္ပါယ်ကို ဖတ်မှတ်၍ပြီးသောအခါ..တလောကလုံး၏ ကျေးဇူးတော်ရှင် ဗုဒ္ဓမြတ်စွာကို မှန်းဆ အာရုံပြု၍ လက်အုပ်ချီကာ ဖော်ပြခဲ့ပြီးသော လင်္ကာကို ရွတ်ဖတ်၍ ဂုဏ်တော်ပွားလိုက်လျင် အားရဖွယ်ကောင်း အရသာပို၍ ရှိပါလိမ့်မည်။]

ဒီလင်္ကာလေးက..ဗုဒ္ဓါနုဿတိဘာဝနာ (အရှင်ဇနကာဘိဝံသ) စာအုပ်လေးထဲက..ကျွန်တော် ဖတ်မှတ်ထားတာဖြစ်ပါတယ်။
ကျွန်တော် ဂုဏ်တော်ပွားတဲ့အခါ..ဒီလင်္ကာလေးကို ရွတ်ဖတ်ပြီး ဗုဒ္ဓမြတ်စွာကို အာရုံပြုပါတယ်။
ပြီးတော့မှ...

ကိလေသာ ကင်းစင်တော်မူသော မြတ်စွာဘုရား၊
ဗြဟ္မာ နတ် လူတို့၏ ပူဇော်အထူးကို ခံယူတော်မူထိုက်သော မြတ်စွာဘုရား၊
မဟာကာရုဏိကော- သနားခြင်းကြီးစွာ မဟာကရုဏာတော်နှင့် ပြည့်စုံတော်မူသော မြတ်စွာဘုရား၊
ဘုန်းတော် ၆ စုံ၊ ကျေးဇူးဂုဏ်နှင့် ပြည့်စုံတော်မူသော မြတ်စွာဘုရား၊
သစ္စာ ၄ပါး၊ တရားအလုံးစုံကို ကိုယ်တော်တိုင် မှန်ကန်စွာ သိမြင်တော်မူသော မြတ်စွာဘုရား၊.....


စသဖြင့်ပေါ့....ကိုယ်သိထား၊ မှတ်ထားတဲ့..ဗုဒ္ဓ ဂုဏ်တော်တွေကို မြန်မာလိုလေး ပွားများပါတယ်။

ဒီလိုလေး ပွားများလိုက်ရင်..ဗုဒ္ဓမြတ်စွာကို ကြည်ညိုသဒ္ဓါစိတ်တွေ အရင်ထက် ပိုအားကောင်းလာမယ်..
ပြီးတော့ ဘယ်လိုဦးတည်ချက်နဲ့ ဘုရားကို ကိုးကွယ်နေရတာလည်းဆိုတာ ပိုသိလာမယ်..လို့ ကျွန်တော်ယုံကြည်တယ်။
မြတ်စွာဘုရားကို ကိုးကွယ် ပူဇော်နေရခြင်း အကြောင်းဟာ..လောကီ စည်းစိမ် ရာထူးတွေ...အတွက် ဆုတောင်းဖို့ရာ...မဟုတ်ဘူး။
ကျွန်တော်တို့အတွက် သစ္စာ ၄ ပါးတရားတော်တွေကို ဟောပြောပေးထားခဲ့တဲ့ ကျေးဇူးတော်ကို အောက်မေ့ သတိရခြင်းနဲ့..
ကိုးကွယ် ပူဇော်နေရတာပါပဲ။
ကိုယ်ကံကောင်းဖို့ရာအတွက်ပဲ ဘုရားကို ပူဇော်နေခြင်းဟာ..ကိုယ့်အတွက် သာသနာပ ဆန်သွားမယ်၊
အဲလိုမဟုတ်ပဲ...တလောကလုံးအား.. သစ္စာတရားတွေ သိစေတဲ့ ကျေးဇူးတော်ရှင် မြတ်စွာဘုရားအဖြစ် ပူဇော်လိုက်မယ်ဆိုရင်..
ကိုယ်ဟာ.သာသနာတွင်းလူ ဖြစ်နေမှာပဲ။

ကိုယ့်အတွက် သာသနာတွင်း ဖြစ်ဖို့ရန်၊
မြတ်စွာဘုရားကို ပူဇော်နေခြင်းဟာ..အရင်ထက် ဦးတည်ချက်မှန်ကန်အောင် ဒီ ဗုဒ္ဓါနုဿတိဘာဝနာ လင်္ကာလေးကို ဖော်ပြလိုက်ပါတယ်။
The End


အပိုင်း (၉)

အပိုင်း (၈)

အပိုင်း (၇)

[youtube]http://www.youtube.com/watch?v=7t6cCFiZ5uo[/youtube]
အပိုင်း (၇)

[youtube]http://www.youtube.com/watch?v=7t6cCFiZ5uo[/youtube]
အပိုင်းး(၆)

[youtube]http://www.youtube.com/watch?v=9Q_C4w3MfLI[/youtube]
အပိုင်း (၅)

[youtube]http://www.youtube.com/watch?v=4kxOUcTiuxI[/youtube]
အပိုင်း(၄)

[youtube]http://www.youtube.com/watch?v=vF4iakSSjBM[/youtube]
အပိုင်း (၃)

[youtube]http://www.youtube.com/watch?v=iY8gwQddxbk[/youtube]
အပိုင်း (၂)

[youtube]http://www.youtube.com/watch?v=CpwIWvHq_hY[/youtube]
ကံ (၄)မျိုး
1:27 PM | Author: sankooo
သာမညအားဖြင့်၊ အပေါ်ယံအားဖြင့် ကံဆိုသည်ကို ပြုမှု ၊အလုပ် (action or deed) ဟု ဆိုကြပေမည်။ ကောင်းမှု ၊ မကောင်းမှု ပြုလုပ်ခြင်းဟုလည်း ဆိုကြမည်။

အဘိဓမ္မာသဘောတရားအရ..တိတိကျကျဆိုလျင်...
ကံဆိုသည်မှာ စေတနာဟူသော နာမ်တရားဖြစ်သည်။ ထိုစေတနာသည် စေ့ဆော် တိုက်တွန်းပေးတတ်သော သဘောရှိ၏။
ဘာကိုဘဲ ပြုပြု ထိုစေ့ဆော်ပေးတတ်သော စေတနာသည် ပါဝင်၏။ စေတနာအား ပြင်းမှုနှင့် နည်းမှုပင်ကွဲမည် ..မည်သည့်ကိစ္စပြုပြု ထိုစေတနာသည် ပါမြဲဖြစ်၏။
စိတ် ဖြစ်တိုင်းဖြစ်တိုင်း စေ့ဆော်မှု စေတနာပါသော်လည်း ကံဟုပြောဆိုသော ဤနေရာတွင် ကုသိုလ်စိတ် အကုသိုလ်စိတ် တို့နှင့် တွဲယှဉ်ဖြစ်သော စေတနာကို ဆိုသည်။
ထိုကြောင့် ကံ ကံ၏အကျိုး ၌ ကံဆိုသည်မှာ ကုသိုလ်ပြုသောအခါ၌လည်းကောင်း၊ အကုသိုလ်ပြုသောအခါ၌လည်းကောင်း ပါဝင်သော စေတနာပင်ဖြစ်သည်။
ထိုစေတနာ၏ စေ့ဆော်မှုဖြင့် ကိုယ်ဖြင့်လည်းပြုကြသည်၊ နှုတ်ဖြင့်လည်း ပြောကြသည်၊ စိတ်ဖြင့်လည်း ကြံစည်ကြသည်။
ထိုစေတနာ၏ စေ့ဆော်မှုဖြင့်ပင် ကောင်းမှုများကိုလည်း ပြုကြ၊ ပြောကြ၊ ကြံကြပေသည်။ မကောင်းမှုများကိုလည်း ပြုမိ၊ ပြောမိ၊ ကြံမိကြလေသည်။
ကောင်းမှု၊ မကောင်းမှုတို့နှင့်စပ်၍ ကာယကံ၊ ၀စီကံ၊ မနောကံ ဖြစ်မှုတို့၌ ထိုစေ့ဆော်မှု ပါဝင်သည်။
ထိုစေ့ဆော်မှု ကို စေတနာ ဟုခေါ်သည်။ ထို စေတနာ ကိုပင် ကံ ဟု ခေါ်၏။

ထိုစေတနာသည် နာမ်ဖြစ်သည်။ စေတသိက်ပေါင်း (၅၂)ခုတို့တွင် ပါဝင်သော စေတသိက်တစ်ခုဖြစ်၏။
ထိုစေတနာ စေတသိက်၌ ထူးခြားချက်ရှိ၏။
ရုပ်ဖြစ်စေ နာမ်ဖြစ်စေ ဖြစ်ပြီးလျှင် ချုပ် ပျက်သွားသည်ချည်းဖြစ်သည်။
ထိုကြောင့် စေတနာသည်လည်း နာမ်ဖြစ်သောကြောင့် ဖြစ်ပြီးလျှင် ပျက်မည်သာ ဖြစ်၏။
သို့ပေမယ့် အကျိုးပေးနိုင်သော အစွမ်းသတ္တိကိုတော့ စိတ်အစဉ်၌ ချန်ထားခဲ့လေသည်။
အကျိုးပေးရန် အခွင့်အခါသင့်သောအခါ အကျိုးပေးမည်ဖြစ်သည်။
ထိုအကျိုးပေးနိုင်သော သတ္တိအား မည်သည့်နေရာ၌ သိမ်းထားသည်ကို မပြောနိုင်ပေ။ အကျိုးပေးဖို့ရန် အစွမ်းသတ္တိကတော့ ရှိနေမည်သာ ဖြစ်၏။

ဥပမာ..သရက်ပင်၌ သရက်သီးများကို မည့်သည့်နေရာ၌ သိမ်းထား သိုထားသည်ကို မည်သို့မျှ မပြောနိုင်ပေ။ အသီး သီးဖို့ရန် ရာသီ အချိန်ကျသောအခါ၌ အသီးများ သီးလေတော့သည်။
ထိုအတူပင် စေတနာ ခေါ် ကံ ၏ အကျိုးသည်လည်း အကြောင်းညီညွတ် အခွင့်လမ်းသင့်သောအခါ၌ အကျိုးပေးပေလိမ့်မည် ဖြစ်၏။

ထိုသို့ အကျိုးပေးသောအခါ..ကာလနှင့် စပ်၍ ကံ (၄)မျိုးရှိလေသည်။

  1. ဒိဋ္ဌဓမ္မဝေဒနီယကံ - မျက်မှောက် ပစ္စုပ္ပန်ဘ၀၌ အကျိုးပေးသောကံ

  2. ဥပပဇ္ဇဝေဒနီယကံ- နောက် ဒုတိယဘ၀၌ အကျိုးပေးသောကံ

  3. အပရာပရိယဝေဒနီယကံ- တတိယဘ၀မှစ၍ နောက်ဆုံးဘ၀ (ပရိနိဗ္ဗာန်ပြုသည့်) တိုင်အောင် အကျိုးပေးသောကံ

  4. အဟောသိကံ- အကျိုးလုံးလုံး မပေးဖြစ်သောကံ


ဟူ၍ (၄)မျိုးရှိသည်။

အဘိဓမ္မာသဘောအရ ကောင်းမှုပြုပြု မကောင်းမှုပြုပြု ၀ီထိ ဆိုသော စိတ်အစဉ် ဖြစ်လေသည်။ ပုံမှန် အခြေအနေ ပြုမှုများ၌လည်း ၀ီထိ အစိတ်အစဉ် ရှိသည်။
တစုံတခုအား မြင်သည် ကြားသည် ဆိုသော အခါ၌လည်း ၀ီထိ - စိတ်အစဉ် ရှိလေသည်။
ထို စိတ်အစဉ်၌ ဇော ဆိုသော အခိုက်အတန့်သည် အရေးကြီး၏။
အာရုံတခုအား ပိုင်ပိုင် နိုင်နိုင် တွေ့ကြုံ ခံစားမိသောအခါသည် ထို ဇော အခိုက်အတန့်ပင် ဖြစ်သည်။
ဇောအခိုက်အတန့်ကျမှသာလျင် စိတ်သည် အားရှိသည်။ အားရမှုရှိသည်။
ထိုဇောစိတ်သည် (၇)ကြိမ် ဖြစ်သည်။ ထို ဇောစိတ်(၇)ကြိမ်တို့တွင်လည်း စေတနာ တခု တခုစီ ပါဝင်သည်။
ထို့ကြောင့် စေတနာသည်လည်း (၇)ကြိမ်ရှိမည်။

ပထမဇောနှင့် အတူတူဖြစ်သော စေတနာ (ပထမဇော စေတနာ)သည် ယခုဘ၀ မျက်မှောက်ဘ၀၌ အကျိုးပေးမည်။
မျက်မှောက်ဘ၀၌ အကျိုးသောကံကို ဒိဋ္ဌဓမ္မဝေဒနီယကံ ဟုခေါ်သည်။

သတ္တမဇောနှင့် ယှဉ်တွဲဖြစ်သော စေတနာ (သတ္တမဇော စေတနာ)သည် ဒုတိယဘ၀၌ အကျိုးပေးမည်။
ဒုတိယဘ၀၌ အကျိုးပေးသောကံကို ဥပပဇ္ဇဝေဒနီယကံ ဟုခေါ်သည်။

ကျန်သော အလယ်ဇော ၅-ချက် စေတနာသည် တတိယဘ၀မှစ၍ နိဗ္ဗာန်ရသော နောက်ဆုံးဘ၀တိုင်အောင် အကျိုးပေးပေလိမ့်မည် ဖြစ်သည်။
တတိယဘ၀မှစ၍ နောက်ဆုံးဘ၀တိုင်အောင် အကျိုးပေးသောကံကို အပရာပရိယဝေဒနီယကံ ဟုခေါ်သည်။

မျက်မှောက်ဘ၀၌ အကျိုးပေးရမည့်ကံသည် အကြောင်းမညီညွတ်သောကြောင့် အကျိုးမပေးဖြစ်သောအခါ.. အချည်းအနှီး အလကား ဖြစ်ပေမည်။
ထိုအတူ ဒုတိယဘ၀၌ အကျိုးပေးရမည့်ကံသည်လည်း အခွင့်အခါမသင့်သောကြောင့် အကျိုးမပေးဖြစ်လျှင် အချည်းအနှီး အလကားပင် ဖြစ်ပေလိမ့်မည်။
ထိုသို့ အချည်းအနှီး ဖြစ်သွားသောကံကို အဟောသိကံ ဟုခေါ်၏။

အလယ်ဇော ၅ချက် စေတနာကြောင့် အကျိုးသည် ..အမြဲ အကျိုးပေးဖို့ရန် ရှိနေမည်သာဖြစ်၏။ ဘ၀တခုခု၌ အခွင့်သင့်လျှင် အကျိုးပေးမည်သာ ဖြစ်၏။

သတ္တ၀ါသည် တိရိစ္ဆာန်ဘ၀မှသေ၍ လူ့ဘ၀သို့လည်း ရောက်ရှိနိုင်သည်။
လူ့ဘ၀မှသေ၍ တိရိစ္ဆာန်ဘ၀သို့လည်း ကျရောက်သွားနိုင်ပေသည်။

အောက်ဘုံ၌ ကျရောက်နေသော သူလည်း လွတ်မြောက်ပြီး..အထက်ဘုံသို့ တက်နိုင်သည်။
အထက်ဘုံမှသူလည်း အောက်ဘုံသို့ ကံဆိုးပြီး..ကျရောက်သွားနိုင်လေသည်။
ဥပမာ.. တိရိစ္ဆာန်ဘ၀၌ ကျရောက်နေသော သတ္တ၀ါသည် မည်သည့်ကံကြောင့် လူဖြစ်နိုင်သနည်း။
အမှန်တကယ် တိရိစ္ဆာန်ဘ၀၌ ကုသိုလ်ကောင်းမှု ပြုဖို့ရန် မည်သို့မျှ မဖြစ်နိုင်ပေ။ မကောင်းမှုများပင် သိသာထင်ရှားစွာ ပြုနေရပေမည်။
သို့ပေမယ့် ထိုတိရိစ္ဆာန်သည်လည်း သေပြီး ကံကောင်း၍ လူဘ၀သို့ ပြန်ရောက်နိုင်သေးသည်။ ထိုသို့ အထက်ဘုံသို့ ရောက်နိုင်အောင် အကျိုးပေးမှုမှာ..
အလယ်ဇော ၅-ချက် စေတနာကြောင့် ပင် ဖြစ်၏။ ယခင် အတိတ် ဘ၀တခုခု၌ ပြုခဲ့သော ကောင်းမှုပြုစဉ် အလယ်ဇော ၅-ချက် စေတနာကြောင့် တိရိစ္ဆာန် ဖြစ်ပါလျက်နှင့်
သေသောအခါ..အထက် ကောင်းရာ လူဘ၀၌ လူဖြစ်ရပြန်သည်။

ထိုကြောင့် တခါတရံ လက်ရှိဘ၀၌ မိမိကိုယ်တိုင်က.မကောင်းမှုများ မလုပ်ပါလျက်နှင့်..
မကောင်းကျိုးများ ခံစားနေရသောအခါလည်းကြုံရမည်။ ထိုအခါ.စိတ်ထဲ..အလွန်ပင်..မခံမရပ်နိုင်အောင် ခံပြင်းနေမည်ဖြစ်သည်။
အဘယ်ကြောင့် ယခုဘ၀၌ မကောင်းတာမလုပ်မိပါဘဲ မကောင်းကျိုးခံစားရပါသနည်းဟု..စဉ်းစားကြပေလိမ့်မည်။ စိတ်ရှုပ်နေပေလိမ့်မည်။
အဖြေကား..အတိတ်ဘ၀တခုခု၌ မကောင်းမှုပြုခဲ့စဉ် အလယ်ဇော ၅-ချက် စေတနာကြောင့် မကောင်းကျိုးကို ခံစားရခြင်းဖြစ်ပေ၏။

ကံ ကံ၏အကျိုးနှင့်ပက်သက်၍..ကောင်းတာလုပ်လျင် ကောင်းသော အကျိုးရမည် မကောင်းတာလုပ်လျင် မကောင်းသောအကျိုးရမည်.
ထိုမျှလောက်သိထားရုံဖြင့် မလုံလောက်သေးပေ။
အကျိုးပေးရာကာလနှင့် ကံ (၄)မျိုးကိုလည်း အထက်ပါအတိုင်း သိထားအပ်ပေသည်။

ထိုသို့ မသိထားလျင် ရံဖန်ရံခါ မိမိစိတ်ထဲ ကံ ကံ၏အကျိုးနှင့်စပ်၍ ဘ၀င်မကျမှုများ သံသယများ ဖြစ်ပေါ်နေပေလိမ့်မည်။
ထိုဘ၀င်မကျ သံသယများ ရှင်းနိုင်ရန် ယခုကဲ့သို့ ကံ ၄-မျိုးနှင့် အကျိုးပေးရာကာလတို့ကို ဖော်ပြလိုက်ရပါသည်။

အောက်ပါတရားတော်မှ နာယူမှတ်သားပြီး ရေးသားခြင်းဖြစ်သည်။
အပိုင်း ၁၁၊ ဗုဒ္ဓဘာသာအခြေခံတရားတော်များ - ဒေါက်တာသီလာနန္ဒာဘိဝံသ
ကံ ကံ၏ အကျိုး.. အကြောင်း ဆိုလျင် စူဠကမ္မ၀ိဘင်္ဂသုတ် ကို ရှေးဦးစွာ ပြောဆိုရမည်ဖြစ်သည်။ ကံ ကံ၏ အကျိုးနှင့် ပက်သက်လျင် ထိုတရားတော်မှာ အခြေခံလည်း ဖြစ်သလို အရေးလည်းကြီးပေသည်။
ထိုတရားတော်တွင် ကံ ကံ၏ အကျိုး သဘောတရားများကို သင်ကြားထားခြင်းဖြစ်သည်။
ထိုတရားတော်ကို မြတ်ဗုဒ္ဓကိုယ်တော်တိုင် ဟောတော်မူခဲ့၏။ တောဒေယျပုဏ္ဏား၏ သားဖြစ်သော သုဘလုလင်အား အကြောင်းပြု၍ ဟောတော်မူခဲ့ခြင်းဖြစ်၏။
သုဘလုလင်သည် မြတ်ဗုဒ္ဓအား မေးခွန်း ပြဿနာ (၁၄)ချက်ကို မေးလျှောက်ခဲ့၏။
သူမေးလျှောက်သော မေးခွန်းပြဿနာများမှာ...


  1. လူချင်းတူပါလျက် အဘယ်ကြောင့် အချို့မှာ အသက်တို၍

  2. အချို့မှာ အသက်ရှည်ပါသနည်း။

  3. လူချင်းတူပါလျက် အဘယ်ကြောင့် အချို့မှာ အနာရောဂါထူများ၍

  4. အချို့မှာ အနာရောဂါ ကင်းဝေးရပါသနည်း။

  5. လူချင်းတူပါလျက် အဘယ်ကြောင့် အချို့မှာ အရုပ်ဆိုး၍

  6. အချို့မှာ အဆင်းလှပါသနည်း။

  7. လူချင်းတူပါလျက် အဘယ်ကြောင့် အချို့မှာ ခြွေရံစိုးမိုး တန်ခိုးအာဏာ နည်းပါး၍

  8. အချို့မှာ တန်ခိုးအာဏာ ကြီးမားရပါသနည်း။

  9. လူချင်းတူပါလျက် အဘယ်ကြောင့် အချို့မှာ ဥစ္စာမဲ့မွဲ ဆင်းရဲ၍

  10. အချို့မှာ ဥစ္စာပြည့်စုံ ကုံလုံကြွယ်ဝပါသနည်း။

  11. လူချင်းတူပါလျက် အချို့မှာ အမျိုးယုတ်ညံ့၍

  12. အချို့မှာ အမျိုးမြတ်ပါသနည်း။

  13. လူချင်းတူပါလျက် အချို့မှာ အသိ အလိမ္မာ ဉာဏ်ပညာ နည်းပါး၍

  14. အချို့မှာ ဉာဏ်ပညာ ကြီးမားရပါသနည်း။



ထို မေးခွန်း ပြဿနာ (၁၄)ချက်တို့ဖြစ်၏။ ထိုမေးခွန်းများသည် လွန်ခဲ့သော နှစ်ပေါင်း (၂၅၅၄)ကျော်အထက်က..သုဘလုလင်က..မြတ်ဗုဒ္ဓအား မေးလျှောက်ခဲ့ခြင်းဖြစ်၏။
ယခုခေတ်အခါတွင်လည်း ထိုမေးခွန်းများကိုပင် နေ့စဉ်နေ့တိုင်း အကြောင်းတခုခုနှင့် စပ်လျဉ်း၍ လူအများတို့ မိမိဘာသာ စဉ်းစားနေခြင်းဖြင့်လည်းကောင်း အပေါင်းအသင်းများနှင့်
အပြန်အလှန်အားဖြင့်လည်းကောင်း မေးမြန်းနေကြစမြဲဖြစ်၏။
သဗ္ဗညုတ ဉာဏ်ပိုင်ရှင် မြတ်ဗုဒ္ဓသည် လွန်ခဲ့သော နှစ်ပေါင်း များစွာအထက်ကပင် ထိုမေးခွန်းများကို တိကျပြည့်စုံစွာ ဖြေဆိုထားပြီးသားဖြစ်၏။

သုဘလုလင်၏ အမေးများအား မြတ်ဗုဒ္ဓက..အကျဉ်းချုပ် ဤသို့ ဟောတော်မူခဲ့၏..


လုလင်
သတ္တ၀ါတို့သည် ကံသာလျှင် မိမိဥစ္စာရှိကုန်၏။
ကံ၏ အမွေခံတို့ ဖြစ်ကုန်၏။
ကံသာလျှင် အကြောင်း ရှိကုန်၏။
ကံသာလျှင် ဆွေမျိုး ရှိကုန်၏။
ကံသာလျင် မှီခိုရာ ရှိကုန်၏။
ကံသည်သာလျှင် သတ္တ၀ါတို့ကို အယုတ်အမြတ် ဖြစ်ခြင်းငှါ ခွဲခြမ်း ဝေဖန်၏။ ....

ဟု ဟောတော်မူလေ၏။

မြတ်ဗုဒ္ဓ၏ ထို့သို့ အကျဉ်းချုပ်ဟောတော်မူချက်ကို သုဘလုလင်က..နားမလည်သဖြင့် အနက်အဓိပ္ပါယ်နှင့်တကွ ဝေဖန်ဖြေကြားပေးပါရန် တောင်းပန်လျောက်ထားပြန်၏။..
ထိုအခါ မြတ်ဗုဒ္ဓသည် သုဘလုလင်၏ အမေး (၁၄)ချက်တို့ကို ဤသို့ဟောတော်မူလေသည်..

သုဘလုလင်အမေး....
၁။ လူချင်းတူပါလျက် အဘယ်ကြောင့် အချို့မှာ အသက်တို၍
၂။ အချို့မှာ အသက်ရှည်ပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် အသက်ကို သတ်ဖြတ်လေ့ရှိ၏။ ကြမ်းကြုတ်၏။ သွေးစွန်းသော လက်ရှိ၏။ ထိုသူမျိုး သေလျှင် ငရဲသို့ ရောက်ရတတ်၏။
(ရှေးက ကုသိုလ်ကံ တစုံတခု၏ အထောက်အပံ့ကြောင့်) ငရဲသို့ မကျဘဲ လူ့ပြည်သို့ ရောက်ရစေကာမူ ကြာရှည်နေခွင့် မရပါဘဲ အသက်တိုရတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် အသက် သတ်ခြင်းမှ ရှောင်ကြဉ်ကြ၏။ သူ့အသက်သတ်ရမည်ကို ရှက်ခြင်းရှိ၏။ သနားကြင်နာကြ၏။ ထိုသူမျိုး သေလျှင်
နတ်ပြည်သို့ ရောက်ရတတ်၏။ နတ်ပြည်သို့ မရောက်ဘဲ လူ့ပြည်သို့ ရောက်သော်လျှင်ပင် အသက်ရှည်စွာ နေရတတ်လေသည်။

သုဘလုလင်အမေး....
၃။ လူချင်းတူပါလျက် အဘယ်ကြောင့် အချို့မှာ အနာရောဂါထူများ၍
၎။ အချို့မှာ အနာရောဂါ ကင်းဝေးရပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် တစ်ပါးသော သတ္တ၀ါအား လက်ဖြင့်လည်းကောင်း၊ ခဲ တုတ် ဓား စသော လက်နက်များဖြင့်လည်းကောင်း ညှဉ်းဆဲလေ့ရှိ၏။
ထိုသူမျိုး သေလျှင် ငရဲကျတတ်၏။ ငရဲမကျဘဲ လူ့ပြည်သို့ရောက်စေကာမူ ရောဂါထူပြော အနာပေါများတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် ထိုသို့ ညှဉ်းဆဲ နှိပ်စက်ခြင်း မရှိ။ ထိုသူမျိုး သေလျှင် နတ်ပြည်သို့ ရောက်ရတတ်ပေသည်။
နတ်ပြည်မရောက်ဘဲ လူ့ပြည်ရောက်လျှင်ကား အနာရောဂါ ကင်းဝေးကြရပေ၏။


သုဘလုလင်အမေး....
၅။ လူချင်းတူပါလျက် အဘယ်ကြောင့် အချို့မှာ အရုပ်ဆိုး၍
၆။ အချို့မှာ အဆင်းလှပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် အလွန် ဒေါသကြီးကြ၏။ စကားပြောစရာရှိလျှင်ပင် သူတပါးအား ထိပါးပုတ်ခတ်၍ ပြောလေ့ရှိ၏။
ထိုသူမျိုး သေလျှင် ငရဲသို့ကျရောက်တတ်၏။ ငရဲမကျပါဘဲ လူ့ပြည်သို့ ရောက်ရလျှင်ပင် မျက်နှာပုပ်သိုး အရုပ်ဆိုးတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် အမျက် ဒေါသ ထွက်လေ့မရှိ။ ထိုသို့ ဒေါသမကြီးသူသည် သေလျှင် နတ်ပြည်သို့ ရောက်ရတတ်၏။
နတ်ပြည်မရောက်ဘဲ လူ့ပြည်သို့ ရောက်ရလျှင်ပင် ကြည်လင်လှပသော အဆင်းကို ရပေသည်။


သုဘလုလင်အမေး....
၇။ လူချင်းတူပါလျက် အဘယ်ကြောင့် အချို့မှာ ခြွေရံစိုးမိုး တန်ခိုးအာဏာ နည်းပါး၍
၈။ အချို့မှာ တန်ခိုးအာဏာ ကြီးမားရပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် ဣဿာအားကြီးကြ၏။ ထိုသူမျိုး သေလျှင် ငရဲသို့ ကျရောက်ရတတ်သည်။ ငရဲမကျဘဲ လူ့ပြည်သို့ ရောက်စေကာမူ
ခြွေရံစိုးမိုး တန်ဖိုးနည်းပါးတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် ဣဿာ မရှိ။ သူတပါးအပေါ် မနာလိုခြင်း မရှိ။ ထိုသူမျိုးသေလျှင် နတ်ပြည်သို့ရောက်ရတတ်ပေသည်။ နတ်ပြည်သို့ မရောက်ဘဲ လူ့ပြည်သို့
ရောက်ရလျှင်ပင် နာမည်ကျော်ကြား ခြွေရံပေါများ၍ တန်ခိုးအာဏာ သြဇာကြီးမားတတ်လေသည်။
(သူတပါး၏ ကံ ဉာဏ် ၀ီရိယ အားလျော်စွာ စည်းစိမ်ဥစ္စာပေါခြင်း၊ ဂုဏ်သိန်ကြီးမားခြင်း၊ ကျော်စောခြင်း စသည်တို့ကို မနာလိုမှု၊ စောင်းမြောင်းမှု၊ ငြူစူမှု စသည်တို့သည် ဣဿာပင်ဖြစ်၏။)


သုဘလုလင်အမေး....
၉။ လူချင်းတူပါလျက် အဘယ်ကြောင့် အချို့မှာ ဥစ္စာမဲ့မွဲ ဆင်းရဲ၍
၁၀။ အချို့မှာ ဥစ္စာပြည့်စုံ ကုံလုံကြွယ်ဝပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် စွန့်ကြဲပေးကမ်း လှူဒါန်းလေ့မရှိကြ။ မစ္ဆေရတရား အားကြီးကြ၏။ ထိုသူမျိုး သေလျှင် ငရဲသို့ ရောက်ရတတ်၏။
ငရဲမကျ လူ့ပြည်သို့ ရောက်ရလျှင်ပင် ဥစ္စာမဲ့မွဲ ဆင်းရဲရတတ်သည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် မစ္ဆေရမရှိဘဲ စွန့်ကြဲပေးကမ်း လှူဒါန်းလေ့ရှိကြသည်။ ထိုသူမျိုး သေလျှင် နတ်ပြည်သို့ ရောက်ရတတ်သည်။ နတ်ပြည်သို့မရောက်ဘဲ
လူ့ပြည်သို့ ရောက်ပြန်လျှင်ပင် ဥစ္စာပြည့်စုံ ကုံလုံကြွယ်ဝ ရပေသည်။
(မိမိ၌ ရှိသော ပစ္စည်းများကို သူတပါးနှင့် မဆက်ဆံစေလိုမှု၊ မပေးကမ်း မလှူဒါန်းလိုမှုများကို လည်းကောင်း၊ မိမိ၏ စည်းစိမ်မျိုးကို သူတပါးရမည်ကို စိုးခြင်းသည်လည်းကောင်း မစ္ဆေရပင်ဖြစ်၏။)


သုဘလုလင်အမေး....
၁၁။ လူချင်းတူပါလျက် အချို့မှာ အမျိုးယုတ်ညံ့၍
၁၂။ အချို့မှာ အမျိုးမြတ်ပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် အလွန်မာနကြီးကြ၏။ သူတပါးကို အထင်သေး၏။ ကိုယ့်ကိုယ်ကို အထင်ကြီး၏။ ရိုသေလေးစားထိုက်သူကိုပင်
ရိုသေရမှန်းမသိတတ်။ ထိုသူမျိုးသေလျှင် ငရဲသို့ရောက်ရတတ်၏။ ငရဲမကျဘဲ လူ့ပြည်သို့ ရောက်ရလျှင်လည်း အောက်ကျ နောက်ကျနှင့် ယုတ်ညံ့သော အမျိုး၌ ဖြစ်ရတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် မာန်မာန မကြီး။ ရိုသေလေးစားထိုက်သူတို့ကို ရိုသေလေးစား၏။ ထိုသူမျိုး သေလျှင် နတ်ပြည်သို့ ရောက်ရတတ်၏။
နတ်ပြည်မရောက်ဘဲ လူ့ပြည်သို့ ရောက်လျှင်လည်း မြင့်မြတ်သော အမျိုး၌ ဖြစ်ရတတ်ပေသည်။


သုဘလုလင်အမေး....
၁၃။ လူချင်းတူပါလျက် အချို့မှာ အသိ အလိမ္မာ ဉာဏ်ပညာ နည်းပါး၍
၁၄။ အချို့မှာ ဉာဏ်ပညာ ကြီးမားရပါသနည်း။


မြတ်ဗုဒ္ဓ၏အဖြေ....
ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် ပညာရှိထံ ချဉ်းကပ်၍ ကုသိုလ် အကုသိုလ်ကိုလည်းကောင်း၊ အပြစ်ရှိ မရှိ၊ မှီဝဲထိုက် မမှီဝဲထိုက်ကိုလည်းကောင်း၊
နောင်သံသရာဝယ် အကျိုးပေးမည့် တရားအချက်တို့ကို လည်းကောင်း မေးမြန်းလေ့ မရှိကြပေ။ ထင်မိ ထင်ရာဖြင့် ဒုစရိုက်များ ပြုတတ်၏။
ထိုသူမျိုးသေလျှင် ငရဲသို့ ရောက်ရတတ်၏။ ငရဲမကျဘဲ လူ့ပြည်သို့ရောက်စေကာမူ အသိ လိမ္မာ ဉာဏ်ပညာကင်း လူဖျင်း လူအ လူမိုက် ဖြစ်ရတတ်လေသည်။

ဤလောက၌ မိန်းမဖြစ်စေ၊ ယောက်ျားဖြစ်စေ အချို့သောသူတို့သည် တရားကို နှစ်သက်ကြည်ဖြူနာယူကြသည်။ ကုသိုလ် အကုသိုလ်နှင့် စပ်၍လည်းကောင်း
မှီဝဲထိုက် မမှီဝဲထိုက်ကိုလည်းကောင်း၊ သံသရာဝယ် အကျိုးပေးမည့် တရားအချက်များနှင့် စပ်၍လည်းကောင်း မေးမြန်းလေ့ ရှိကြသည်။ ထိုသူမျိုး သေလျှင် နတ်ပြည်သို့ ရောက်ရတတ်၏။
နတ်ပြည်မရောက်ဘဲ လူ့ပြည်ရောက်လျှင်လည်း အသိ အလိမ္မာ ဉာဏ်ပညာ ထက်မြက်သူ ဖြစ်ရတတ်ပေသည်။


မြတ်ဗုဒ္ဓ၏ ထိုတရားတော်အဆုံးတွင် သုဘလုလင်သည် တရားတော်အား လွန်စွာ နှစ်သက်အားရကျေနပ်မှု ဖြစ်ကာ..
ဘုရား(ဗုဒ္ဓ)၊ တရား(ဓမ္မ)၊ သံဃာ..ရတနာ(၃)ပါးအား ကိုးကွယ်ဆည်းကပ်သော ဥပါသကာ ဖြစ်လေသည်။

မှတ်မိလွယ်ရန် ဆောင်ပုဒ်များ

  1. သူများအသက် သတ်သည့်တွက် အသက်ကိုယ့်မှာတို။

  2. မသတ်ရှောင်ရှား ထိုသူများ ရှည်လျားအသက်ကို။

  3. နှိပ်စက်ကလူ ညှဉ်းဆဲသူ ပြောထူရောဂါဆို။

  4. သနားစိတ်သွင်း မနှိမ်နင်း ကင်းရှင်းရောဂါကို။

  5. ထန်ပြင်းဒေါသ ကြီးတတ်က အလှပျက်မည်ဆို။

  6. ဒေါသကင်းစင် မေတ္တာယှဉ် ကြည်လင်လှသကို။

  7. မနာလိုပြန် ဣဿာထန် ခြံရံကင်းမည်ဆို။

  8. ဣဿာမထား ၀မ်းမြောက်ငြား ပေါများခြွေရံကို။

  9. မလှူမဒါန်း မပေးကမ်း ခြောက်ခန်းဥစ္စာဆို။

  10. စွန့်ကြဲလေ့တုံ ပြုပါကုန် ကုံလုံကြွယ်ဝလို။

  11. မာန်မာနကြွယ် ထိုသူဝယ် မျိုးနွယ်ညံ့မည်ဆို။

  12. ထိုက်သူရိုကျိုး မာန်ကိုချိုး အမျိုးမြတ်သကို။

  13. သိဖွယ်ဟူသမျှ မမေးက ဖျင်းအ ပညာဆို။

  14. ကြားမြင်များအောင် မေးလေ့ဆောင် ခုနောင်တတ်သိလို။


(စာ-၂၇၈၊ ရတနာ့ဂုဏ်ရည်- အရှင်ဇနကာဘိဝံသ)

အောက်ပါတရားတော်နှင့် စာမျက်နှာ မှရေးသားထားပါသည်။
အပိုင်း(၁၀)၊ ဗုဒ္ဓဘာသာအခြေခံတရားတော်များ- ဒေါက်တာသီလာနန္ဒာဘိဝံသ
စာမျက်နှာ-၂၇၃၊ ရတနာ့ဂုဏ်ရည် - အရှင်ဇနကာဘိဝံသ
ကိလေသာ သုံးမျိုး
12:54 AM | Author: sankooo
လူတို့သည် ဘာသာအယူဝါဒများကို ယုံကြည်ရာ ကိုးကွယ်ဆည်းကပ်ကြလေသည်။
..အဓိကမှာတော့..ဆင်းရဲငြိမ်းချင်၍ ဖြစ်၏။
ကိုယ်ဆင်းရဲ စိတ်ဆင်းရဲ မဖြစ်ချင်ဘဲ.ကိုယ်ချမ်းသာ စိတ်ချမ်းသာ ဖြစ်ချင်သောကြောင့် ဖြစ်၏။
ကိုယ်၊စိတ် ဆင်းရဲ ငြိမ်းချင်သော ရည်ရွယ်ချက်ဖြင့် ဆိုင်ရာဆိုင်ရာ ဘာသာအယူဝါဒများကို ကိုးကွယ်ယုံကြည်ကြသည်။ အားကိုးကြ၏။

ကိုယ်ဆင်းရဲမှု နှင့် စိတ်ဆင်းရဲမှု တွင်လည်း..
စိတ်ဆင်းရဲမှု ငြိမ်းဖို့က..ပဓာနကြ၏။
ကိုယ်ဆင်းရဲမှုဖြစ်သည်မှာ..စိတ်မချမ်းသာ စိတ်မသက်သာ စိတ်ထဲတွင် မခံသာ၍ ဖြစ်လာခြင်းသည် အကြောင်းရင်း ဖြစ်၏။

စိတ်ကို ပူလောင်အောင် မသက်သာအောင် ဖြစ်စေသော အရာများသည် စေတသိက်ဆိုးများပင် ဖြစ်၏။

စေတသိက်ဆိုသည်မှာ..စိတ်ကို ခြယ်လှယ်သောသဘောရှိ၏။
စိတ်ဆိုသည်မှာတော့ အာရုံကို သိရုံသာ သိတဲ့သဘော ရှိ၏။ အကောင်း အဆိုး မကွဲပြားသေးပေ။
စေတသိက်ဆိုးတွေ ခြယ်လှယ်သောအခါ စိတ်ဆိုးရယ်လို့ ဖြစ်လာတော့၏။

လိုချင်သော လောဘ..
ကြမ်းတမ်းသော ဒေါသ..
မဟုတ်တာတွေသိ၊ ဟုတ်တာတွေကိုမသိတတ်တဲ့ မောဟ တို့သည် စေတသိက်ဆိုးများပင် ဖြစ်ကြ၏။

လိုချင်မှုလေးဖြစ်သောအခါတွင်လည်း စိတ်ကို ပူလောင်စေ၏။
တယောက်ယောက်အပေါ်မှာ မကျေနပ် မုန်းတီးလိုက်သောအခါတွင်လည်း စိတ်ကို ပူလောင်စေ၏။
စိတ်ကို ဆင်းရဲစေတတ်သော အရာများပင်ဖြစ်၏။

မောဟသည်..အမှန်ကို အမှားဟုထင်သည်၊ ဟုတ်တာကို မဟုတ်ဟု ထင်သည်.အကောင်းကို အဆိုးဟုထင်သည်...ပြောင်းပြန်.တလွဲတွေချည်း သိနေတတ်ပါသည်..
အမှန်သဘာဝကို ပြောင်းပြန်ချည်းပဲ.သိနေသောမောဟကို အခြေခံတဲ့လုပ်ရပ်တို့သည် ဆင်းရဲကြောင်းတွေချည်းဖြစ်၏။

ထို့ကြောင့်
လောဘ ဒေါသ မောဟ တို့သည် ဆင်းရဲစေတဲ့စိတ်(စေတသိက်) နှိပ်စက်တဲ့စိတ်(စေတသိက်) တို့ဖြစ်၏။
ထိုအတူ ကိလေသာ..၁၄ပါးလုံးသည်...ဆင်းရဲစေတဲ့စိတ်(စေတသိက်) နှိပ်စက်တဲ့စိတ်(စေတသိက်) ညစ်နွမ်းစေတတ်တဲ့စိတ်...စိတ်ဆိုးစိတ်မိုက်တို့ဖြစ်၏။

ကိလေသာတွေ ရှိနေသမျှ စိတ်ဆင်းရဲနေမယ် စိတ်ပူလောင်နေမည်..
စိတ်ဆင်းရဲတော့ ကိုယ်ပါ ဆင်းရဲတော့၏။

ထို ကိလေသာတွေ ရှိနေသမျှ အပြစ်မကင်းတာများကို လုပ်မိသည်...အပြစ်မကင်းတာတွေလုပ်မိတော့ ဆင်းရဲ၏။

ကိလေသာ နည်းနည်းဖြစ်လျင် နည်းနည်းဆင်းရဲ၏..များများဖြစ်လျင် များများဆင်းရဲ၏။

ကိလေသာကို အဆင့်ခွဲလျင် သုံးမျိုး ရှိ၏...

  1. ကြမ်းတမ်းတဲ့အဆင့် ၀ီတိက္ကမကိလေသာ
  2. သာမာန်ကြမ်းတမ်းရုံမျှအဆင့် ပရိယုဋ္ဌာနကိလေသာ
  3. အနုညံ့ဆုံး အသိမ်မွေ့ဆုံးအဆင့် အနုသယကိလေသာ


ဝီတိက္ကမကိလေသာသည်..ကိုယ်၊ နှုတ် မှတဆင့် လွန်ကျူးမှု ဖြစ်စေတတ်သော ကိလေသာ ဖြစ်၏။
ပရိယုဋ္ဌာနကိလေသာဖြစ်သောအခါ...စိတ်ထဲတွင်ပင် လိုချင်မှု စိတ်ဆိုးမှု တပ်မက်မှု ဘ၀င်မြင့်မှုများ ဖြစ်နေလေသည်။ စိတ်ထဲမှာတင် ပူလောင် နေသောအဆင့် ဖြစ်၏။
အနုသယကိလေသာဆိုသည်မှာ သတ္တ၀ါတို့ သန္တာန်တွင် အမြဲ ကိန်းနေ ၀ပ်နေတဲ့ ကိလေသာဖြစ်၏။ အစဉ်တစိုက် ကိန်းနေ တည်နေသော ကိလေသာ ဖြစ်သည်။
အစ မထင် သံသရာမှ စ၍ ကိန်းနေ တည်နေသော ကိလေသာ ဖြစ်၏။

အနုသယကိလေသာကို ကိလေသာ မျိုးစေ့လို့လဲ ခေါ်၏။
အသိမ့်မွေ့ဆုံးကိလေသာ ဖြစ်သောကြောင့် ပယ်ပစ်ဖို့ရန် ခက်ခဲသော ကိလေသာဖြစ်လေသည်။

အနုသယကိလေသာကို မဂ်ဥာဏ်နဲ့ ပယ်နိုင်ပါမှ အမြစ်ပြတ် ပျောက်ကင်းနိုင်၏။
မဂ်ဥာဏ်နဲ့ မပယ်နိုင်သမျှ အစဉ်ကိန်းနေနိုင်သည်မှာ အနုသယကိလေသာ ပင်ဖြစ်ပေ၏။

မှတ်မိလွယ်ရန် ဆောင်ပုဒ်မှာ
လွန်ကျူး ထကြွ စဉ်ကိန်းက သုံးဝကိလေသာ။
ကိုယ် နှုတ် နှစ်ဝ လွန်ကျူးက ၀ီတိက္ကမကိလေသာ
စိတ်တွင်ထကြွဖြစ်ပေါ်က..ပရိယုဋ္ဌာနကိလေသာ
မဂ်မပယ်ရ စဉ်ကိန်းက အနုသယကိလေသာ
(ချမ်းမြေ့ဆရာတော်)


ထိုကိလေသာ သုံးမျိုးတို့ကို သီလ သမာဓိ ပညာ သိက္ခာသုံးပါးဖြင့် ဆိုင်ရာဆိုင်ရာ ပယ်ဖျောက်ရပေသည်။

သီလသည် ကိုယ် နှုတ် (၂)ပါးမှတဆင့် အပြစ်များကို မကျူးလွန်မိအောင် ထိန်းထားခြင်းဖြင့် ၀ီတိက္ကမကိလေသာကို ပယ်ဖျောက်သည်။
သမာဓိသည် စိတ်ကို တည်ကြည်စေခြင်းဖြင့် ပရိဋ္ဌာနကိလေသာကို ပယ်ဖျောက်သည်။
ပညာသည် စိတ်ကို အပြီးတိုင် သန့်ရှင်းစေခြင်းဖြင့် အနုသယကိလေသာကို ပယ်ပစ်နိုင်ပေသည်။

သီလစောင့်ခြင်း သမာဓိတည်အောင် အားထုတ်ခြင်း ၀ိပဿနာရှုမှတ်ခြင်း တို့သည်..ထိုကိလေသာ သုံးရပ်ကို ပယ်ဖျောက်ဖို့ဖြစ်ပါသည်။

ပညာတွင်လည်း (၂)မျိုးရှိ၏။

  1. ၀ိပဿနာပညာ
  2. မဂ် ဖိုလ် ပညာ ..တို့ ဖြစ်၏။


ဝိပဿနာပညာသည် ခန္ဓာ၏ သဘောမှန်ကို ဥာဏ်ဖြင့်သိမြင်ခြင်း ဖြစ်၏။ ခန္ဓာ၏ သဘောမှန်ဆိုသည်မှာ အနိစ္စ ဒုက္ခ အနတ္တ တို့ပင်ဖြစ်၏။ ခန္ဓာ၏ အရှိအတိုင်း သဘောကို အမှန်အတိုင်း ဥာဏ်ဖြင့်သိမြင်ခြင်းသည်ပင် ၀ိပဿနာပညာ ဖြစ်၏။
ငိပဿနာပညာကို လောကီပညာဟုလည်း ခေါ်၏။

မဂ် ဖိုလ် ပညာသည် မဂ် ဖိုလ်ရမှသာလျင် ရရှိနိုင်သော ပညာဖြစ်၏။
မဂ် ဖိုလ် ပညာသည် သစ္စာ(၄)ပါးကို အမှန်အတိုင်း သိ၏။

ဆင်းရဲခြင်းအမှန်တရား (ဒုက္ခသစ္စာ)
ဆင်းရဲကြောင်းအမှန်တရား (သမုဒယသစ္စာ)
ဆင်းရဲချုပ်ငြိမ်းခြင်းအမှန်တရား (နိရောဓသစ္စာ)
ဆင်းရဲချုပ်ငြိမ်းကြောင်း အကျင့်လမ်း အမှန်တရား (မဂ္ဂသစ္စာ)
ထိုသစ္စာလေးတို့ကို မဂ်ပညာသည် မှန်မှန်ကန်ကန် သိလေတော့၏။
ထိုပညာကို လောကုတ္တရာပညာဟုလည်း ခေါ်၏။

ပညာ(၂)မျိုးရှိသလို အနုသယကိလေသာသည်လည်း (၂)မျိုးရှိလေ၏။

  1. အာရမ္မဏာနုသယ နှင့်
  2. သန္တာနာနုသယ တို့ဖြစ်လေသည်။


အာရုံကို အကြောင်းပြုပြီး ၀င်လာ တည်လာ ကိန်းလာ ရှိလာနိုင်သော ကိလေသာကို အာရမ္မဏာနုသယ ကိလေသာဟု ခေါ်၏။
အာရုံတခုခုကို စိတ်ထဲတွင် ကြိုက်မိ ချစ်မိလိုက်လျင် ပရိဋ္ဌာနကိလေသာ ဖြစ်လေသည်။
ထို့နောက် နောင်တချိန်ချိန်ကျတော့ ပြန်လည်၍ အမှတ်ရ တမ်းတလိုချင်နေမိတော့၏။ အဘယ်ကြောင့်ဆိုသော် ထိုအာရုံကို ချစ်မိ ကြိုက်မိ၍ စိတ်ထဲ ပရိဋ္ဌာနကိလေသာဖြစ်လိုက်စဉ်ကပင်...အာရမ္မဏာနုသယကိလေသာပါ ၀င်လာ တည်ရှိလာသောကြောင့် ဖြစ်၏။ ထို့ကြောင့် ပြန်လည်၍ အမှတ်ရ လိုချင်နေမိလေသည်။
ထိုသို့ အာရုံအကြောင်းပြု၍ ၀င်လာ ကိန်းလာနိုင်သော ကိလေသာသည် အာရမ္မဏာနုသယကိလေသာပင်ဖြစ်၏။

ခန္ဓာအစဉ်တွင် အမြဲကိန်းနေသော ကိလေသာကို သန္တာနာနုသယကိလေသာဟု ခေါ်လေ၏။

ပညာ(၂)ရပ်ဖြင့် ထိုကိလေသာ (၂)မျိုးကို ပိုင်ပိုင်နိုင်နိုင် ပယ်နိုင်လေသည်။
ဝိပဿနာပညာသည် အာရမ္မဏာနုသယကိလေသာကို ပယ်နိုင်လေသည်။
မဂ်ပညာသည် သန္တာနာနုသယကိလေသာကို အပြီး ပယ်နိုင်၏။

ဗုဒ္ဓဘာသာတို့၏ တရားအားထုတ်ခြင်း ရည်ရွယ်ချက်မှာ ကိလေသာအမျိုးမျိုးတို့ကို ပယ်ပစ်ဖို့ပင်ဖြစ်၏။
ကိလေသာ အမျိုးဖြုတ်ဖို့ရန်ဖြစ်၏။ ကိလေသာ အမျိုးဖြုတ်ခြင်းလုပ်ငန်းသည်ပင် စိတ်ကို သန့်ရှင်းအောင် ပြုလုပ်ခြင်းဖြစ်၏။

စိတ်သန့်ရှင်းသူဖြစ်ပါမှလည်း အမှန်တကယ် အောင်နိုင်သူဖြစ်လေသည်။
စိတ်သန့်ရှင်းအောင် ရည်ရွယ်သော နည်းလမ်းသည်ပင် ဓမ္မ ဖြစ်ပေသည်။
ထို့ကဲသို့သော ဓမ္မကို ညွှန်ပြပေးနိုင်သောသူမှာလည်း မြတ်ဗုဒ္ဓပင် ဖြစ်လေသည်။

အောက်ပါတရားတော်မှ ကောက်နုတ်ရေးသားထားပါသည်....

သိက္ခာသုံးပါးဖြင့် ကိလေသာ သုံးပါးကို ပယ်ပုံ - အရှင်ဇနကာဘိဝံသ (ချမ်းမြေ့ဆရာတော်ဘုရားကြီး)
သရဏဂုံတရားတော်များ နာဖြစ်တဲ့အတွက် ဒီပို့စ်လေးကို ရေးဖြစ်လိုက်ပါတယ်......

သရဏ ဆိုသည်မှာ
ဘေးအန္တရာယ်ကို တားဆီး ကာကွယ်ပေးတတ်သော၊ ပယ်ဖျောက်ပေးတတ်သော အရာ/ပုဂ္ဂိုလ် ဟု အဓိပ္ပါယ်ရပေသည်။
ဘေးအန္တရာယ်ဆိုသည်မှာ

  1. ၀ဋ်ဘေး (ကိလေသာဝဋ်၊ ကမ္မ၀ဋ်၊ ၀ိပါက၀ဋ်)
  2. စိတ်ပူလောင်မှု

  3. ကိုယ်ဆင်းရဲမှု

  4. ဒုဂ္ဂတိဘုံဆင်းရဲမှု တို့ကို ဆိုလိုသည်။


ထို(၄)မျိုးသော ပင်ပန်းဆင်းရဲမှုတို့ကို ပယ်ဖျောက်ပေးတတ်သော၊ တားဆီးကာကွယ်ပေးတတ်သော အရာ/ပုဂ္ဂိုလ် သည် သရဏ ဖြစ်ပေ၏။
တနည်းအားဖြင့် ကိလေသာ စိတ်အပူတို့ကို သက်သာ လျော့ပါးသွားစေမှသာလျင် သရဏ ဖြစ်ပေသည်။ ထို့ကြောင့် သရဏ ဆိုသည်မှာ ကိုးကွယ်ရာပင်ဖြစ်၏။
ထိုသို့ (၄)မျိုးသော ပင်ပန်းဆင်းရဲမှု စိတ်ပူလောင်မှု တို့ကို မသက်သာစေနိုင်သော၊ ကာကွယ်တားဆီးခြင်းငှာ မစွမ်းနိုင်သော အရာတို့သည် သရဏ မမည်ပေ။ သရဏ မဖြစ်လျင် ကိုးကွယ်ရန်မထိုက်၊ ကြည်ညိုရန်မထိုက်ပေ။ ကိုးကွယ်ရာ မဖြစ်ပေ။

ဗုဒ္ဓ သည် သရဏ ဖြစ်၏။ ဓမ္မ သည်လည်း သရဏ ဖြစ်၏။ သံဃာ သည်လည်း သရဏ ဖြစ်၏။

ဗုဒ္ဓ သည် ဘေးဒုက္ခများကို တားမြစ်ပေးတတ်၏။ အကျိုးစီးပွားမဲ့ကို တားဆီးပေးတတ်သည်။
ကောင်းရာကို လမ်းညွှန်ပေး၏။ အကျိုးစီးပွားကောင်းကိုလည်း ဖြစ်စေတတ်သည်။
ဘေးဒုက္ခများမဖြစ်စေရန် မကောင်းမှုတို့ကို မပြုလုပ်ရန်၊ မပြောဆိုရန်၊ မကြံစည်ဖို့ရန် ဆုံးမ ပေးခြင်းဖြင့်လည်းကောင်း၊ ကောင်းကျိုးချမ်းသာများရစေရန် ကောင်းမှုတို့ကို ပြုလုပ် ပြောဆို ကြံစည်ကြဖို့ရန်လည်းကောင်း လမ်းညွှန်ပေးလေသည်။
ထိုကြောင့် သရဏ ဖြစ်ပေ၏။

ဓမ္မ ဆိုသည်မှာ မဂ်လေးတန်၊ ဖိုလ်လေးတန်၊ နိဗ္ဗာန် ဟူသော လောကုတ္တရာကိုးပါး နှင့် သုတ္တန်၊ ၀ိနည်း၊ အဘိဓမ္မာ ဟူသော ပဋိကတ် သုံးပုံတို့ ပင်ဖြစ်ပေ၏။
ထိုဓမ္မ သည် ဘ၀ကန္တာရခရီးခဲမှ လွန်မြောက်စေသည်၊ ထုတ်ဆောင်ပေးတတ်သည်။ ဘ၀အခက်အခဲများကို လွန်မြောက်စေတတ်သည်။ ကိုယ်ဆင်းရဲမှု စိတ်ဆင်းရဲမှုတို့ကို သက်သာစေသည်။ ထို့ကြောင့် သရဏ ဖြစ်ပေ၏။

သံဃာအား နည်းနည်းလေး လှူရုံမျှဖြင့် ကြီးကျယ် များပြားသော အကျိုးထူးများကို ရစေတတ်သည်။ မြတ်သော အလှူကို ထိုက်တန်တော်မူခြင်းသည် အရိယာသံဃာ၏ ဂုဏ်ရည် ဖြစ်၏။ ထို့ကြောင့် သံဃာသည်လည်း သရဏ မည်ပေ၏။ သံဃံ သရဏံ ဂစ္ဆာမိ တွင် သံဃာသည် အရိယာသံဃာကို ရည်ရွယ်ခြင်းဖြစ်သည်။ ထို့ကြောင့် “သံဃံ သရဏံ ဂစ္ဆာမိ” (သံဃာကို ကိုးကွယ်ဆည်းကပ် ပါ၏) ဟု ဆိုရာ၌ သမုတိသံဃာ (ပုထုဇဉ် ရဟန်း သံဃာ) များမှ တဆင့် အရိယာသံဃာတို့၏ ဂုဏ်ရည်တို့ ကို သတိရ အမှတ်ရလျက် ရည်မှန်းလျက် ရွတ်ဆိုရပေမည်။
ဥပမာ..စေတီတော်၊ ဆင်းတုတော်များကို ရှိခိုးတိုင်း ထိုဆင်းတုတော်မှတဆင့် ဘုရားရှင်၏ ဂုဏ်တော်များကို ထွင်းဖောက် အာရုံပြုရပါသည်။ ထို့အတူပါပဲ ပုထုဇဉ် ရဟန်း သံဃာတို့ကို ဆင်းတုတော်များကဲ့သို့ သဘောထားလျက် အရိယာ ဖြစ်ပြီးသော ရဟန်းသံဃာများ၏ ဂုဏ်ရည်ထိအောင် ရည်မှန်းလျက် ကိုးကွယ် ဆည်းကပ်နိုင်ပါမှ သံဃံ သရဏံ ဂစ္ဆာမိ စစ်စစ်ကို ရပေမည်။ သံဃာကို သင်ပေးနေတဲ့ ဆရာပဲလို့ ဆရာ အဆင့်လောက် သတ်မှတ်ရုံမျှဖြင့် သံဃံ သရဏံ ဂစ္ဆာမိ မဖြစ်သေးပေ။ သရဏဂုံ စစ်စစ် ရအောင် အရိယာ သံဃာထိအောင် ရည်မှန်း ပူဇော် ကိုးကွယ်ရပေမည်။

သရဏဂုံ = သရဏ + ဂမန
သရဏဂုံ ဆိုသည်မှာ သရဏ နှင့် ဂမန ပေါင်းစပ်ထားခြင်းဖြစ်၏။ ဂမန ဆိုသည်မှာ အသိအမှတ်ပြုခြင်းဖြစ်သည်။
ထိုသရဏသုံးပါး ဗုဒ္ဓ ဓမ္မ သံဃာ ၏ အထက်ပါ အရည်အသွေး ဂုဏ်ရည်များကို အာရုံပြုပြီး ကြည်ညိုလေးမြတ်သော ယုံကြည်မှု သဒ္ဓါဖြစ်ဖို့ရန် လိုပေသည်။ ထိုသဒ္ဓါကို အခြေခံလျင် သမ္မာဒိဋ္ဌိ ဖြစ်လေတော့သည်။ ထို မှန်ကန်သော ယုံကြည်မှု သဒ္ဓါ သည်ပင်လျင် ဂမန မည်ပေသည်။
ထိုကြောင့် သရဏဂမန(သရဏဂုံ) သည် ရတနာသုံးပါးအပေါ် ရောက်နေသော ယုံကြည်မှုသဒ္ဓါ နှင့် အသိမှန် (သမ္မာဒိဋ္ဌိ) ဖြစ်၏။
လွယ်လွယ်ဖြင့် တိုတိုဆိုရလျင် ကိုးကွယ်ရာအဖြစ် သိမှတ်ခြင်း ဟုလည်း အဓိပ္ပါယ်ရပေသည်။ ကိုးကွယ်ရာအဖြစ် သိမှတ်ရာ၌ ထိုမှန်ကန်သော ယုံကြည်မှုသဒ္ဓါ သည် ရှေးဦးစွာ အရေးကြီးပေသည်။ ထိုကဲ့သို့သော မှန်ကန်သော သဒ္ဓါဖြစ်ပါမှ သရဏဂုံတည်သော ဗုဒ္ဓဘာသာ စစ်စစ် ဖြစ်ပေတော့မည်။

သရဏဂုံ အမျိုးအစား (၂) မျိုးရှိလေသည်။
လောကုတ္တရာသရဏဂုံ နှင့်
လောကီသရဏဂုံ
တို့ဖြစ်၏။

လောကုတ္တရာသရဏဂုံ ဆိုသည်မှာ သစ္စာလေးပါးကို သိမြင်ပြီးသူ၏ သန္တာန်၌ဖြစ်သော ရတနာသုံးပါးအပေါ် ကိုးကွယ်ဆည်းကပ်သောစိတ်ဖြစ်၏။ သစ္စာသိသူ၏ သရဏဂုံ ဖြစ်သည်။ လောကုတ္တရာသရဏဂုံသည် ပျက်စီးခြင်းမရှိ၊ ညစ်ညူးခြင်းလည်း မရှိတော့ပေ။ မဂ်စိတ်နှင့် အတူတူဖြစ်သော ရတနာသုံးပါးအပေါ် ကိုးကွယ် ဆည်းကပ်စိတ် ဖြစ်ပေသည်။ ထို့ကြောင့် အရိယာပုဂ္ဂိုလ်ဖြစ်မှသာလျင် လောကုတ္တရာသရဏဂုံကို ရပေမည်။ ပုထုဇဉ်အဖြစ်နှင့် ဘယ်သောအခါမှ မရနိုင်ပေ မဖြစ်နိုင်ပေ။

ပုထုဇဉ်တို့သန္တာန်၌ဖြစ်သော ရတနာသုံးပါးအပေါ် ယုံကြည် အားကိုးမှု စိတ်သည် လောကီသရဏဂုံဖြစ်၏။ လောကီသရဏဂုံနှင့် ကိလေသာတို့ကို ခေတ္တ ခဏမျှ ပယ်နိုင်လေသည်။ တဒင်္ဂပဟာန်ဖြင့် ကိလေသာကို ပယ်ခြင်းဖြစ်၏။

လောကီသရဏဂုံသည် ညစ်ညူးတတ်သည် ပျက်စီးတတ်ပေသည်။
ရတနာသုံးပါးအပေါ် နားမလည်ခြင်း(အ၀ိဇ္ဇာ)၊ ရတနာသုံးပါး၏ ဂုဏ်ရည်တို့ကို ဟုတ်မှ ဟုတ်ပါ့မလားဟု သံသယဖြစ်နေခြင်း (၀ိစိကိစ္ဆာ) တို့သည် လောကီသရဏံဂုံ ညစ်နွမ်းတတ်ပေသည်။ တကယ် နားလည်ပြီး ကိုးကွယ် ဆည်းကပ်နိုင်ပါမှလည်း သန့်ရှင်း စင်ကြယ်သော လောကီသရဏဂုံ စစ်စစ်ကို ရပေမည်။

လောကီသရဏဂုံသည် ပျက်စီးတတ်ပေသည်။ ပျက်စီးရာ၌လည်း အပြစ်ရှိသော ပျက်စီးခြင်း နှင့် အပြစ်မရှိသော ပျက်စီးခြင်းဟု (၂)မျိုးရှိ၏။
အပြစ်ရှိသော ပျက်စီးခြင်းမှာ…ဘာသာပြောင်း ကိုးကွယ်သွားခြင်း ဖြစ်သည်။ တနည်းအားဖြင့် သရဏ မဟုတ်သော အရာများကို လက်ခံချင်သော (တဏှာ) နှင့် ထို သရဏ မဟုတ်သော အရာများကို မှန်တယ်ထင်သော (ဒိဋ္ဌိ) ရှိလျင် အပြစ်ရှိသော ပျက်ခြင်း ဖြစ်လေသည်။

အပြစ်မရှိသော ပျက်စီးခြင်းမှာတော့..သေဆုံးသွားသောအခါ ဖြစ်ပါသည်။ သေသောအခါ စိတ်မရှိတော့သောကြောင့် ဆောက်တည်ထားသော လောကီသရဏဂုံ ပျက်စီးသွားတော့သည်။ အပြစ်မရှိသော ပျက်စီးခြင်း ဖြစ်ပေသည်။

ဘာသာခြား ပုဂ္ဂိုလ်တဦးအား မိမိ၏ ဆရာဖြစ်သောကြောင့် လည်းကောင်း၊ ဆွေမျိုး ဖြစ်သောကြောင့် လည်းကောင်း၊ ကြောက်သော အားဖြင့်လည်းကောင်း၊ ကျေးဇူးတင်သော အားဖြင့် လည်းကောင်း ကန်တော့ လျင် လောကီသရဏဂုံ မပျက်စီးနိုင်ပါ။ ဒါကြောင့် ယခုခေတ် အထက်လူကြီး ဖြစ်နေလို့ ကြောက်လို့ လက်အုပ်ချီသောအားဖြင့်လည်း ကိုယ်ဆောက်တည်ထားသော သရဏဂုံ မပျက်စီးနိုင်ပါဘူး။
အချုပ်အားဖြင့်တော့ သရဏမဟုတ်တော့အရာတို့ကို သဒ္ဓါဖြင့် ကိုးကွယ်လျင် သရဏဂုံ ညစ်နွမ်း ပျက်စီး ပါတော့သည်။

သရဏဂုံ ဆောက်တည်ရာမှာ..မြန်မာလို အဓိပ္ပါယ်ဖြင့်လည်း ဆောက်တည်နိုင်ပါသည်…


  1. တပည့်တော်၏ အသက် နှင့် ခန္ဓာကို ဗုဒ္ဓ ဓမ္မ သံဃာ တို့အား လှူဒါန်းပါ၏။ (ဘယ်လိုအခြေအနေမျိုးဖြစ်နေပါစေ ရတနာ သုံးပါးတို့အပေါ်၌ ထားရှိသော ယုံကြည်မှု ဆည်းကပ်မှု သဒ္ဓါကို ဘယ်တော့မှ မစွန့်ဘူး ဟု အဓိပ္ပါယ်ရပေသည်။)
  2. မှီခိုစရာ အားကိုးစရာ ဆည်းကပ်စရာ အလုပ်အကျွေးပြုစရာ ရှိပါက..ရတနာသုံးပါးတို့အတွက်ပဲ ပြုမည်။
  3. လက်အုပ်ချီ အရိုအသေပြု ရှိခိုးတဲ့အခါမှာလည်း ရတနာသုံးပါးကိုပဲ ရှိခိုး ကန်တော့ မည်။
  4. တပည့်အဖြစ် ချဉ်းကပ် သော အခါမှာလည်း ရတနာသုံးပါးထံမှာပဲ တပည့်ခံ ချဉ်းကပ်မည်။


ထိုသို့ ရွတ်ဆိုခြင်းအားဖြင့်လည်း လောကီသရဏဂုံကို ဆောက်တည်ရာရောက်ပါသည်။

အထက်ပါတို့မှာ..သရဏဂုံကို ဆောက်တည်ခြင်းနဲ့ ပက်သက်သော အလေး အနက်ထားရမည့် အချက်များဖြစ်ပါသည်။ သရဏဂုံကို စစ်စစ်ကို ရကြစေခြင်းအကျိုးငှာ ရေးသားလိုက်ခြင်း ဖြစ်ပါသည်။

အောက်ပါတရားတော်များအား နာကြားမှတ်သားပြီး ရေးသားထားပါသည်

ဗုဒ္ဓဘာသာအခြေခံတရားတော်များ - ဒေါက်တာ သီလာနန္ဒာဘိဝံသ
သရဏဂုံ(၃)ပါးတရားတော် - ဒေါက်တာအရှင်ဥာဏိဿရ
သရဏဂုံတရားတော် - အရှင်ကောသလ္လ (ဓမ္မစေတီ)
ချမ်းမြေ့ဆရာတော် အရှင်ဇနကာဘိဝံသ ရဲ့ သာသနာတော်အရှည်တည်တံ့ကြောင်းတရားတော် ကို နာဖြစ်ခဲ့ပါတယ်..ဒီတရားထဲမှာ ဆရာတော် သင်ပေးလိုက်တဲ့ မှတ်သားဖွယ်စာပိုဒ်လေးများကို ဒီပို့စ်မှာ ချရေးလိုက်ပါတယ်။
BC (543) (သို့) မဟာသက္ကရာဇ် (၁၄၈)၊ ကဆုန်လပြည့်နေ့ ညပိုင်းအချိန်
မလ္လာမင်းတို့အင်ကြင်းဥယျာဉ် မှာ..
မြတ်စွာဘုရား အင်ကြင်းပင်ပျို (၂)ပင်အကြား ညောင်စောင်းလေးပေါ်မှာ..လျောင်းတော်မူနေပါတယ်။
အားတော်လည်း နည်းပါးပြီး ပရိနိဗ္ဗာန် စံဝင်ခါနီးဆဲဆဲ ပါပဲ။
ဒီအချိန်မှာ သုဘဒ္ဒ အမည်ရှိတဲ့ ပရိဗိုဇ်ဟာ..ဘုရားရှင်ထံသို့ ရောက်ရှိလာပါတယ်။
သူမှာ့ မေးလျောက်စရာမေးခွန်းရှိနေလို့ပါ။
ဘုရားရှင်ထံကို ၀င်တွေ့ခွင့်ရအောင် အရှင်အာနန္ဒာ မထေရ်ထံမှာ အကြိမ်ကြိမ်ခွင့်တောင်းခဲ့ပါတယ်။
နောက်တော့ ၀င်ဖူးတွေ့ခွင့်ရသွားပြီး..ဘုရားထံကို ချဉ်းကပ်ခဲ့ပါတယ်။

သူရဲ့ မေးလျောက်တဲ့မေးခွန်းက..
သူဟာ အရင်က..တိတ္ထိဆရာကြီးများထံမှာ..
တပည့်ခံပြီး သူတို့ရဲ့ နည်းလမ်းများနဲ့ ကျင့်ကြံအားထုတ်နေကြောင်း..ဒါပေမယ့် ယခုချိန်ထိလည်း ဘာတရားထူးကိုမှ မရသေးကြောင်း
ထိုဆရာကြီးများကလည်း သူတို့ဟာ ရဟန္ဒာကြီးများဖြစ်ပါတယ်လို့ ပြောကြောင်း..
အဲဒါ သူတို့ပြောတာ မှန်၏ မမှန်၏ သိချင်လွန်းတဲ့အတွက်..ဘုရားရှင်ထံမှာ မေးလျောက်တာဖြစ်ပါတယ်.

ဘုရားရှင်က သုဘဒ္ဒ ပရိဗိုဇ်ကိုးကွယ်နေခဲ့တဲ့ ဆရာကြီးတွေ မှန်တယ်/မှားတယ် မဟောဘဲ..ဘာသာအယူဝါဒအစ်အမှန်ကိုခွဲခြားစိစစ်နိုင်ဖို့.
ဘုရားအစစ်အမှန် ဟုတ်မဟုတ် ခွဲခြားနိုင်ဖို့..မှတ်ကျောက်အဖြေလေးကို ဟောလိုက်ပါတယ်..
အဲဒါကတော့..
“မဂ္ဂင် (၈)ပါး အကျင့်တရား မရှိရာ ဘာသာအယူဝါဒ၌ ကိလေသာ ငြိမ်းသူမရှိ၍ ဆင်းရဲငြိမ်းသူမရှိနိုင်”

ဒီစကားကို တမျိုးပြန်ပြောမယ်ဆိုရင်..
“မဂ္ဂင် (၈)ပါး အကျင့်တရား ရှိရာ ဘာသာအယူဝါဒ၌ ကိလေသာ ငြိမ်းသူရှိ၍ ဆင်းရဲငြိမ်းသူရှိနိုင်သည်”

မြတ်စွာဘုရားဟောခဲ့တဲ့ စကားတော်ပေါ်မှာ အခြေတည်ပြီး ဆရာတော်ဘုရား နုတ်တိုက်သင်ပေးလိုက်တဲ့စာပိုဒ်လေးများကတော့..


  1. ဘာသာ မှန်/မမှန် စိစစ်ရန် စံမှန်/စံကောင်း ရှိပါသလော..
    ဘာသာ မှန်/မမှန် စိစစ်ရန် စံမှန်/စံကောင်း ရှိပါသည်။

  2. သာသနာ မှန်/မမှန် ခွဲဝေဖန် တင်ရန် မှတ်ကျောက် ရှိပါသလော..
    သာသနာ မှန်/မမှန် ခွဲဝေဖန် တင်ရန် မှတ်ကျောက် ရှိပါသည်။

  3. မဂ္ဂင် ရှစ်တန် စံကောင်းမှန် တင်ရန် မှတ်ကျောက် ဖြစ်ပါသည်။

  4. ရှစ်ဖြာမဂ္ဂင် ဘောင်မ၀င် ကျင့်စဉ် မှားလှသည်။

  5. ရှစ်ဖြာမဂ္ဂင် ဘောင်၌၀င် ကျင့်စဉ် မှန်လှသည်။

  6. ကျင့်စဉ်မှန်မှ ၀ဋ်ဒုက္ခ မုချ ငြိမ်းစေသည်။

  7. ဒုက္ခငြိမ်းမှ ထိုဝါဒ မုချ စစ်မှန်သည်။

  8. ဗုဒ္ဓသာသနာ မဂ် (၈)ဖြာ သေချာရှိပါသည်။

  9. ထို့ကြောင့် ဗုဒ္ဓ ယူဝါဒ ဒုက္ခ ငြိမ်းစေသည်။

  10. ထို့ကြောင့် ဗုဒ္ဓ ယူဝါဒ မုချ စစ်မှန်သည်။

  11. မဂ္ဂင် ရှစ်ထွေ ကျင့်သူတွေ ကိလေ ငြိမ်းကြသည်။

  12. ကိလေငြိမ်းမှ ၀ဋ်ဒုက္ခ မုချ ငြိမ်းလေသည်။

  13. ဒုက္ခငြိမ်းမှ ထိုဝါဒ မုချ စစ်မှန်သည်။

  14. မဂ္ဂင် ရှစ်ထွေ မကျင့်ပေ ကိလေ မငြိမ်းပြီ။

  15. ကိလေမငြိမ်း ဆင်းရဲကိန်း ငြိမ်းအေး ချမ်းသာ မရပြီ။

  16. ချမ်းသာမဆောင် တရားယောင် ဝေးအောင်ရှောင်ရမည်။



မြတ်စွာဘုရားဟောခဲ့တဲ့ မှတ်ကျောက် အဖြေလေးအပေါ်မှာ ဆရာတော်ဘုရားက..
မှတ်မိလွယ်အောင် နုတ်တိုက်သင်ပေးလိုက်တာလေးတွေက တကယ်ကို တန်ဖိုးရှိတယ်။
မဂ္ဂင် ရှစ်ပါး အကျင့်မြတ်ရှိတဲ့သာသနာ အယူဝါဒသာလျင် ကျွန်တော်တို့အားလုံး အတွက်..
ကောင်းကျိုးချမ်းသာအစစ်အမှန်ကို ပေးနိုင်လို့ပါပဲ။
ဘာလို့လဲဆိုတော့ မဂ္ဂင် ရှစ်ပါး အကျင့်မြတ်ကို လိုက်နာမည်ဆိုရင် ကိလေသာ အပူမီးတွေကနေ အမှန်တကယ် ကင်းဝေးပြီး ဒုက္ခတွေအားလုံးကနေ အမှန်တကယ် လွတ်မြောက်နိုင်တဲ့အတွက်ကြောင့်..ဖြစ်ပါတယ်။
ချမ်းမြေ့ဆရာတော်ဘုရားကြီး အရှင်ဇနကာဘိဝံသ သာသနာတော်အရှည်တည်တံ့ကြောင်းတရားတော် မှ ကောင်နုတ်ဖော်ပြလိုက်ပါတယ်။
ဒီနေ့က ကဆုန်လပြည့်နေ့ ဗုဒ္ဓနေ့ဖြစ်ပါတယ်။ ကျွန်တော် ရှစ်ပါးသီလ ယူပြီး တရားတွေနာဖြစ်ပါတယ်။
သီတဂူဆရာတော်ဘုရားကြီးရဲ့ ဗုဒ္ဓရတနာ့ဂုဏ်ရည် တရားကို နာဖြစ်ပါတယ်။
အခု ကျွန်တော် ရေးချင်တာလေးကတော့ ..
ပရိတ်ကြီး (၁၁) သုတ် ထဲက ရတနာ့သုတ်ကို ရွတ်ဖတ်နေကြတဲ့သူများအတွက် အထူးသတိထားဖွယ်
အပိုင်းလေးပါ။ ဒါကို ဗုဒ္ဓရတနာ့ဂုဏ်ရည် တရားတော်ထဲမှာ (၁၉ မိနစ်လောက်မှာ) သီတဂူဆရာတော်ဘုရားကြီးက သေချာလေး မှာထားပါတယ်။
ကျွန်တော်လည်း ဟိုတလောက ရတနာ့သုတ်ရွတ်ဖတ်ချင်တာနဲ့ အဆင်ပြေရာ မြန်မာပြန် ရွတ်ဖတ်နည်းပါတဲ့စာအုပ်လေး ဒေါင်းလုပ်လုပ်ပြီး ဖတ်ခဲ့ဖူးပါသေးတယ်။ ကျွန်တော် ဒေါင်းလုပ်လုပ်လိုက်တဲ့စာအုပ်ကတော့...

ပရိတ်ကြီး ၁၁ သုတ်
ပါဠိ၊ အနက်၊ အသံထွက် (ထင်လတ်ပူဇော်သည်) ဆိုတဲ့စာအုပ်လေးပါ..ပဲ
အဲဒီ့ စာအုပ်ရဲ့ အောက်က.စာပိုဒ်လေးမှာ ဂရုပြု ဖတ်ရမဲ့ ပါဠိစာသားရှိပါတယ်..

paritta2



အပေါ်က..စာပိုဒ်လေးရဲ့..

“ ပဓာနစရိယံ ဗောဓိ ပလ္လင်္ကေ
မာရ၀ိဇယံ သဗ္ဗညုတညာဏပ္ပဋိဝေဓံ ”

ဒီပါဠိစာသားလေးပါပဲ...
အဲဒီ့မှာ.တခုစီရဲ့ .အဓိပ္ပါယ်တွေက..
ပဓာနစရိယံ = ဒုက္ကရစရိယာအကျင့် ကျင့်ခြင်း
ဗောဓိ ပလ္လင်္ကေ = ဗောဓိပင်ရင်းမှာ
မာရ၀ိဇယံ = မာရ်ငါးပါးကို အောင်မြင်ခြင်း

ဒီ ပါဠိ ပုဒ် သုံးခုကို သေချာဂရုပြု ဖတ်ရမှာပါ..
စာအုပ်ထဲမှာလည်း ပဲ “ပဓာနစရိယံ” နဲ့ “ဗောဓိ ပလ္လင်္ကေ” ပုဒ် နှစ်ခုကို သွားတွဲ ရေးထားပြီးတော့
“မာရ၀ိဇယံ” ကို အောက်မှာ သွားရေးထားတော့..
ဖတ်တဲ့သူတွေက..“ပဓာနစရိယံ ဗောဓိ ပလ္လင်္ကေ” လို့ တွဲ ဆိုတော့တာပေါ့..
“မာရ၀ိဇယံ” ကို လည်း “ဗောဓိပလ္လင်္ကေ” ဆိုတဲ့ပုဒ်နဲ့ ခွဲပြီး ဆိုတော့တာပေါ့..
ကျွန်တော်လည်း စာအုပ်ကြည့် ရွတ်ဆိုတော့ ပါဠိကလည်း နားမလည်တော့..အဲလို အမှားကြီးဆိုမိနေပါတယ်..
အမှန်က..အခုလို ဖြစ်ရမှာပါ..

“ပဓာနစရိယံ ၊
ဗောဓိ ပလ္လင်္ကေ မာရ၀ိဇယံ”

“ဗောဓိ ပလ္လင်္ကေ” နဲ့ “မာရ၀ိဇယံ” တို့ကို တွဲကို ဆိုရမှာပါ..
ဒါမှ ဗောဓိပင်ရင်းမှာ မာရ်ငါးပါးအောင်တယ်လို့ အဓိပ္ပါယ်အမှန် ထွက်မှာ..
အဲလိုမဟုတ်ပဲ “ပဓာနစရိယံ ဗောဓိ ပလ္လင်္ကေ” ဆိုပြီး တွဲဆိုလိုက်တော့..ဗောဓိပင်ရင်းမှာ ဒုက္ကရစရိယာကျင့်တယ်လို့ အဓိပ္ပါယ်အမှားကြီး ထွက်သွားတယ်..
တကယ်တော့ မြတ်ဗုဒ္ဓက ဗောဓိပင်ရင်းမှာ ဒုက္ကရစရိယာ အကျင့် ကို ကျင့်တာမဟုတ်ပါဘူး...
ဗောဓိပင်ရင်းရောက်တော့ မြတ်ဗုဒ္ဓက..မဇ္စိျိမပဋိပဒါ လမ်းစဉ် (Majjhima Patipada- Middle Path) ဆိုတဲ့ အကျင့်မြတ်ကို ကျင့်နေပါပြီ..အကျင့်မှားတွေ လုံးဝ မရှိတော့ပါဘူး..ဒုက္ကရ စရိယာကျင့်တဲ့နေရာက..တစ်နေရာသက်သက်ပါ..
မာရ်ငါးပါးအောင်တာက..ဗောဓိပင်ရင်းမှာပါ..ဒါကြောင့်..
“ပဓာနစရိယံ” ဆိုပြီးရင် ခဏနားထားပြီး.မှ.
“ဗောဓိ ပလ္လင်္ကေ မာရ၀ိဇယံ” ဆိုပြီး..တွဲဆိုရမှာပါ..“ပဓာနစရိယံ” နဲ့ “ဗောဓိ ပလ္လင်္ကေ” ကို ပုဒ်ဖြတ်ဆိုဖို့နဲ့..
“ဗောဓိ ပလ္လင်္ကေ” နဲ့ “မာရ၀ိဇယံ” ကို ပုဒ်စပ်ဆိုဖို့ပါပဲ...ဒါဆို အမှန်ထွက်သွားပါပြီ..

ပဓာနစရိယံ = ဒုက္ကရစရိယာအကျင့် ကျင့်ခြင်း
ဗောဓိ ပလ္လင်္ကေ မာရ၀ိဇယံ = ဗောဓိပင်ရင်းမှာ မာရ်ငါးပါးကို အောင်မြင်ခြင်း

တဆက်တည်း မြတ်ဗုဒ္ဓ ရတော်မူတဲ့ မာရ်ငါးပါးဆိုတာတွေကတော့...
ကဆုန်လပြည့်နေ့ ညနေခင်း နေမ၀င်မီ မှာ အပြင်မာရ်ကို အောင်ပါတယ်
၁) ဒေ၀ပုတ္တမာရ် (မာရ်နတ်သားကို အောင်မြင်ခြင်း)
ကဆုန်လပြည့်ကျော် နောက်တရက်မကူးမီ အရုဏ် မတက်မီမှာတော့..နောက်ထပ် အတွင်းမာရ် (၄)ပါးကိုဆက်လက် အောင်မြင်တော်မူပါတယ်..
၂) ကိလေသမာရ် (၁၅၀၀ ကိလေသာတို့ကို အကြွင်းမဲ့ အောင်မြင်ခြင်း)
၃) အဘိသင်္ခါရမာရ် (ဘ၀အသစ်ကို စီမံဖြစ်စေတဲ့ ကံကို အောင်မြင်ခြင်း)
၎) ခန္ဓမာရ် (ကိလေသာနှင့်ယှဉ်သောကံမရှိတော့သဖြင့် နောက်ထပ်ခန္ဓာငါးပါး၊ ဘ၀ကို မရတော့ခြင်း)
၅) မစ္စုမာရ် (နောက်တဖန်သေရခြင်းကို အောင်မြင်တော်မူခြင်း)
စာ-၁၃၄၊ သုတေသနသရုပ်ပြအဘိဓာန်၊ ဖျာပုံတိုက်သစ်ဆရာတော်ဘုရားကြီး

ဒါက မြတ်ဗုဒ္ဓ ဗောဓိပင်ရင်းမှာ အောင်မြင်တော်မူခဲ့သော.. မာရ်ငါးပါးဖြစ်ပါတယ်..
ဒီ post မှာ ကျွန်တော် ပြောချင်တာကတော့ ရတနာ့သုတ်မှာ ပုဒ်စပ် ပုဒ်ဖြတ် မှန်မှန်နဲ့ ဆိုသင့်တဲ့ နေရာလေးကိုပဲပြောချင်တာပါ..
ဒါကို သီတဂူဆရာတော်ဘုရားကြီး..က..ပုဒ်စပ် ပုဒ်ဖြတ်မှန်ဖို့ အလွန်အရေးကြီးကြောင်းဟောထားပါတယ်။..
ပါဠိပုဒ်စပ် ပုဒ်ဖြတ်မှန်မှသာလျင် ကိုယ်ဆိုတဲ့ပရိတ်က ပိုပြီး သတ္တိကောင်းပါတယ်လို့ သေချာဟောထားပါတယ်။..
ဆရာတော်ဘုရားရဲ့ ဗုဒ္ဓရတနာ့ဂုဏ်ရည်တရားတော် အပိုင်း (၂) ၁၉ မိနစ် လောက်မှာ ဒါကို ဟောထားတာပါ။.
အဲတရားတော်လေးကို နာကြည့်စေချင်ပါတယ်..dhammadownload.com ကနေ ဒေါင်းလုပ် ယူနိုင်ပါတယ်။
ပုထုဇဉ်ရဟန်းလေးတပါး ကိုရင်လေး တစ်ပါး ဆိုရင် တချို့သောသူများက အထင်သေးတတ်ကြပါတယ်။ ပုထုဇဉ်ကိုရင် ရဟန်းလေးတွေက ဆွမ်းခံရင်း စာပဲသင်ရုံရှိသေးတာပဲ..တရားမှမဟောပြောနိုင်သေးတာ..ဘွဲ့ကြီးတွေမှ မရသေးတာပဲဆိုပြီး...တန်ဖိုးမထားတတ်ကြပါဘူး။ တကယ်တော့ ဒီကိုရင်လေး..ရဟန်းတော်လေး ဘ၀ကနေပဲ..သီလ သမာဓိ ပညာနဲ့ ပြည့်စုံတဲ့ ရဟန်းတော်ကြီးများ ဘ၀ကို ရောက်သွားရတာပါပဲ။ ဒီကိုရင် ရဟန်းလေးများဟာလည်း..သာသနာအဆက်အနွယ်ကို ထိန်းသိမ်းထားတာပါ။ သာသနာ့အဆက်အနွယ်ကို ထိန်းထားတယ်ဆိုတာ ဓမ္မအစစ်တွေကို သင်ယူရင်း ထိန်းသိမ်းထားတာပါ။ ဓမ္မအမှန်တရားတွေကို မပျောက်အောင် ထိန်းသိမ်းနေတယ်ဆိုတာဟာ..အများအကျိုးကို ဆောင်ရွက်နေခြင်းပါပဲ။
ဒီကိုရင် ရဟန်းလေးများဟာ ဘယ်လောက် မြင့်မြတ်သလဲ တန်ဖိုးကြီးမားဆိုတာကို ပေါ်လွင်အောင် ကျွန်တော် သီတဂူဆရာတော်ဘုရားကြီးရဲ့ ရဟန်းတပါး၏ တန်ဖိုး တရားတော်ထဲက အချက်များနဲ့ ကောက်နုတ်ဖော်ပြလိုက်ပါတယ်.

အိမ်နေသူ လူပုဂ္ဂိုလ်တစ်ယောက်ဟာ အရိယာအဆင့် သောတပန် သကဒါကမ် မပြောနဲ့ အနာဂါမ်ထိပဲဖြစ်နေပါစေ..ဒီကိုရင်အသစ်ကလေး..ရဟန်းအသစ်ကလေးတွေကို ရှိခိုးရပါတယ်။ သောတပန်အဆင့်ကိုတောင် မဖြစ်သေးတဲ့သူအတွက်တော့ ထည့်ပြောစရာတောင် မလိုတော့ပါဘူး။ လူပုဂ္ဂိုလ်ဘ၀မှာဆိုရင် အနာဂါမ်အဆင့်ဟာ အမြင့်ဆုံးပါပဲ ရဟန္တာအဖြစ်ကိုရောက်ခဲ့ရင်လည်း ရဟန်းဘ၀ကို ပြောင်းကို ပြောင်းရပါတယ်။ ဒါကြောင့် အိမ်နေသူဟာ ရဟန္တာအဖြစ်နဲ့ ရပ်တည်လို့မရပါဘူး။
ပုထုဇဉ်ရဟန်းတော်လေးတွေ ဘာတွေအားသာချက်တွေရှိသလဲဆိုတော့ ..

  1. ဖန်ရည်ဆိုးသော အ၀တ် (သင်္ကန်း)ကို ၀တ်ရုံထားခြင်း

  2. ဆံပင်/မုတ်ဆိတ် ကြင်စွယ်တို့ကို ရိတ်ထားခြင်း
    ဒီနှစ်ချက်ကို ပဲ အသွင်အပြင်နဲ့ပက်သက်ပြီး အားသာချက်လို့ခေါ်ပါတယ်။
    ဒီလိုအသွင်အပြင်ပြောင်းလိုက်ရုံနဲ့ကိုပဲ ရှိခိုးထိုက်သွားပါတယ်။ ဘုရားရှင် မြတ်ဗုဒ္ဓရဲ့ အလိုတော်မှာလည်း တည်သွားပါတယ်။ မြတ်ဗုဒ္ဓဖြစ်စေချင်တာဟာ..ဒီလိုအသွင်အပြင်ပါပဲ။ အဲတော့ မြတ်ဗုဒ္ဓအလိုတော်မှာတည်နေတဲ့သူကို မတည်နိုင်သေးတဲ့သူက ရှိခိုးရပါတယ် တန်ဖိုးထားရပါတယ်ဆိုတာ သဘာဝကျပါတယ်။

  3. ထိုပုထုဇဉ်ရဟန်းလေးဟာ ရဟန္တာကြီးများနဲ့ အသွင်အပြင် အားဖြင့် တူခြင်း (အတူတတန်းထဲ နေရာယူနိုင်ခြင်း၊ ဆွမ်းအတူဘုန်းပေးနိုင်ခြင်း)

  4. မွန်မြတ်သော အဖွဲ့အစည်း အစည်းအဝေးထဲသို့ ၀င်ရောက်ခွင့်ရှိခြင်း။ (ရဟန္တာကြီးများ သိမ်တက်နေရင်သော်လည်းကောင်း၊ အစည်းအဝေးလုပ်နေရင်သော်လည်းကောင်း ပုထုဇဉ်ရဟန်းလေး ဖြစ်နေပါစေ သူဟာ ၀င်ရောက်ခွင့်ရှိပါတယ်)

  5. ပုထုဇဉ်ရဟန်းတို့သည် အာဏာပါတိမောက် ရွတ်ဆိုနေခြင်းကို နာယူခွင့်ရှိခြင်း (အိမ်နေသူဟာ အရိယာကြီးဖြစ်နေပါစေ ဒီလိုအခါမျိုးမှာ ၀င်ရောက် မနာယူနိုင်ပါဘူး)

  6. လူပုဂ္ဂိုလ်စောင့်ထိန်းနိုင်တာထက် သိသိသာသာ များပြားလှသော သီလ သိက္ခာပုဒ်များကို စောင့်ထိန်းထားရခြင်း။

  7. ပုထုဇဉ်ရဟန်းလေးပဲဖြစ်နေပါစေ အခြားသူများကို ရှင်ပြုပေးနိုင်ခြင်း ရဟန်းခံပေးနိုင်ခြင်း၊ သိမ်သမုတ်ပေးနိုင်ခြင်း။ ဒီလို သူတပါးကို ရှင်သာမဏေပြုပေးနိုင်တဲ့ အခွင်အရေးအာဏာဟာ သာသနာကို တိုးပွားစေတာပါပဲ။


ရဟန်းတစ်ပါး၏တန်းဖိုး - သီတဂူဆရာတော်ဘုရားကြီး
ဒါက သီတဂူဆရာတော်ဘုရားကြီးတရားတော်ထဲက..ဆရာတော်ကြီး အကျဉ်းချုပ် ဟောသွားတဲ့ ရဟန်းတို့ရဲ့တန်ဖိုး (၇)ချက်ပါပဲ။
ဆရာတော်ဘုရားကြီးကတော့ အချိန်ကိုငှဲ့ကွက်ပြီး (၇)ချက်ပဲ ဟောသွားတာပါ။ တကယ်တော့ အိမ်နေသူ အရိယာကြီးထက် ပုထုဇဉ်ရဟန်းလေးရဲ့ အားသာချက်ပေါင်း (၂၂)ချက် ရှိပါတယ်။
အသွင်အပြင် အားဖြင့် (၂)ချက် နဲ့ ကျင့်ဝတ်အားဖြင် (၂၀) ရှိပါတယ်။ အသွင်အားဖြင့် နှစ်ချက်ကိုတော့ ဖော်ပြထားပြီးပြီဖြင့်လို့ ကျင့်ဝတ်နှစ်ဆယ်အားသာချက်တွေကို ဖော်ပြလိုက်ပါတယ်။

  1. တရားဘာဝနာ၌ မွေ့လျော်ခြင်း

  2. တစ်လ နှစ်ကြိမ် ဥပုသ်ပြုခြင်း

  3. ဆွမ်းခံခြင်း

  4. ကောင်းမွန်စွာ ၀တ်ရုံနေထိုင်ခြင်း

  5. စက္ခု စသောဣနြေ္ဒကို စောင့်စည်းခြင်း

  6. ကိုယ်နှုတ်နှလုံးကို စောင့်စည်းခြင်း

  7. အချမ်းအပူစသည်ကို သည်းခံခြင်း

  8. ကောင်းသော အကျင့်၌ မွေ့လျော်ခြင်း

  9. တစ်ပါးတည်း တရားကျင့်ခြင်း

  10. တစ်ပါးတည်း မွေ့လျော်ခြင်း

  11. တစ်ပါးတည်း ကိန်းအောင်းခြင်း

  12. မကောင်းမှုမှ ရှက်ခြင်း

  13. မကောင်းမှုကို ကြောက်ခြင်း

  14. ကောင်းမှုကို ပြုစုအားထုတ်ခြင်း

  15. ကုသိုလ်ကောင်းမှု ၌ မမေ့မလျော့ မပေါ့ဆခြင်း

  16. သိက္ခာပုဒ်ကို ကောင်းစွာခံယူခြင်း

  17. ဘုရားဟော ပါဠိတော်ကို သင်ယူခြင်း

  18. အဋ္ဌကထာကို သင်ယူခြင်း

  19. သီလစသော သိက္ခာသုံးပါး၌ မွေ့လျော်ခြင်း

  20. တပ်မက်မောမှု ကင်းလွတ်ခြင်း


စာမျက်နှာ ၁၆၃၊ မိလိန္ဒပဥှာ (မိလိန္ဒမင်းကြီး နှင် အရှင်နာဂသိန် အမေးအဖြေ)

ဒီလိုအချက်များကြောင့် လူပုဂ္ဂိုလ်အရိယာကြီးများဟာ ရဟန်းတော်လေးများကို ရှိခိုး တန်ဖိုးထားရခြင်းဖြစ်ပါတယ်။ လူပုဂ္ဂိုလ်အရိယာတောင်မှ ရှိခိုးရတာဆိုတော့ အရိယာအကျင့်မကျင့်သေးနိုင်တဲ့သူဟာ ရှင်ဘုရင်ပဲဖြစ်ဖြစ် လူချမ်းသာကြီးပဲဖြစ်ဖြစ် ဘာကြီးပဲဖြစ်နေဖြစ်နေ..ဘယ်သူမဆို...ရဟန်းတော်လေးတွေကို တန်ဖိုးထားရမယ်ဆိုတာ သိသာထင်ရှားသွားပါပြီ။

သာသနာ(၃)ရပ်ကို အဆက်ဆက် ဆင့်ကာဆင့်ကာ သယ်ဆောင်ပေးခဲ့တာ ထိုရဟန်းများပဲ မဟုတ်ပါလား....ခင်ဗျား...
သာသနာတော်အစဉ်မပြတ် တည်တံ့နေပါစေ............
Comparison between Religion & Buddhism
1:19 AM | Author: sankooo
သီတဂူဆရာတော်ဘုရားကြီးရဲ့ စင်ကာပူမှာ ဟောတဲ့ အစွန်းမရောက်စေနဲ့ တရားလေး နာဖြစ်ပါတယ်။ အဲဒီ့တရားတော်ထဲက..ဘာသာရေးဆိုတာနဲ့ ဗုဒ္ဓ၀ါဒဆိုတာ ဘယ်လိုကွာသလဲ ဟောထားတာလေးက..မှတ်သားစရာကောင်းတဲ့အတွက် ကျွန်တော်မှတ်ထားလိုက်တာလေးကို ဖော်ပြလိုက်ပါတယ်။
ဗုဒ္ဓဘာသာဆိုတာကို အများနားလည်အောင် ဘာသာရေးလို့ ဆိုချင်လည်းဆိုပါစေ.တော့.
ဒါပေမယ့် အများနားလည်ယုံကြည်ကြတဲ့ ဘာသာရေးဆိုတာက..အခြေခံအားဖြင့်
ယုံကြည်လိုက်၊ ကိုးကွယ်လိုက်၊ ဆုတောင်းလိုက်..
မယုံရင်လည်း အပြစ်ပေးလိမ့်မယ်..မကိုးကွယ်ရင်လည်း အပြစ်လာဦးမယ်..ပြီးတော့လိုချင်တာမှန်သမျှကို အမြဲ ဆုတောင်းနေရမယ်..
ဗုဒ္ဓ၀ါဒဆိုတာက..အဲလို ဘာသာရေးမဟုတ်ပါဘူး..
ကိုယ်ကျင့်သီလ + သမာဓိ + ပညာ ဒီလို သိက္ခာကြီးသုံးရပ်နဲ့ ပေါင်းစပ်ထားတဲ့..အမှန်တရားအစစ်သာ ဖြစ်ပါတယ်..
ဆရာတော်ကြီး တရားထဲမှာ ဒါကို အကျဉ်းချုပ်လေး..နားလည်အောင် ဟောထားတာကို. နာဖြစ်ခဲ့ပါတယ်။..ကျွန်တော်က..ဇယားလေးနဲ့.
အခုလို ဖော်ပြလိုက်ပါတယ်။



























ReligionBuddhism
1Believe in unknown GodDiscipline or Morality (to control the physical & verbal actions)-သီလ
2Worship in unknown GodMental Concentration (to control mental activities)-သမာဓိ
3Pray to unknown GodWisdom (to purify the mind)-ပညာ
4Theocentric-ထာဝရဘုရားသခင်ကိုပဓာနထားသည်Homocentric-လူကိုပဓာနထားသည်

ဆရာတော်ကြီးတရားတော်ကို dhammadownload.com မှာ ဒေါင်းလုပ်ချနာယူနိူင်ပါတယ်။