ယခင် Post မှ အဆက်....
မဂ္ဂင် (၈)ပါး ကျင့်မည်ဆိုလျင် ရှေးဦးစွာ သမ္မာဒိဋ္ဌိဖြစ်အောင် ကျင့်ကြံရပေမည်။ သမ္မာဒိဋ္ဌိဖြစ်လျင် နောက်မှ ကြံခြင်း၊ ပြောခြင်း၊ ပြုခြင်း….စသော မဂ္ဂင်တို့သည် မှန်ကန်သွားသည်ချည်းဖြစ်ပေမည်။
လောကဥပမာအတိုင်းဆိုလျင်…
မီးရထားတစ်စင်း၌ ခေါင်းတွဲကသာ သံလမ်းပေါ် မှန်မှန်သွားနေလျင် နောက်ကလိုက်သော နောက်တွဲတို့သည် မှန်မှန် လိုက်နေကြပေမည်။ ခေါင်းတွဲသာ ထိုးကျသွားသည်နှင့် နောက်တွဲများ အကုန် ဖောက်လွှဲ ဖောက်ပြန် ပျက်စီးကုန်မည်သာ ဖြစ်ပေသည်။
ထို့အတူပင် မဂ္ဂင်နှင့် ပက်သက်လျင်လည်း ဒိဋ္ဌိဆိုသော အမြင်မှန်ဖို့ရာ ရှေးဦးစွာ အရေးကြီးပေသည်။ အမြင်မှားလျင် အကြံလည်း မှား၊ အပြောလည်း မှား၊ အလုပ်လည်း မှား၊ အသက်မွေးမှုလည်း မှား..စသဖြင့် အကုန်မှား၍ မိစ္ဆာမဂ္ဂင်များ နောက်ကလိုက်ပေလိမ့်မည်။
ထို့ကြောင့် ဓမ္မစကြာဖြင့် သမ္မာဒိဋ္ဌိဖြစ်အောင် နှလုံးသွင်း ဆင်ခြင်ရပေမည်။ ယခင် Post ၌ ဖော်ပြခဲ့သော သစ္စာ (၄)ပါးပြ ပါဠိစာပိုဒ်တို့သည် အလုပ်လုပ်ဖို့ရန် ဖြစ်၏။ သမ္မာဒိဋ္ဌိ မဂ္ဂင်ရဖို့ရန်ဖြစ်၏။ နှလုံးသွင်းရန် ဖြစ်ပေသည်။
သမ္မာဒိဋ္ဌိရဖို့အတွက် ဂရုစိုက်ရန် မြတ်ဗုဒ္ဓက..ထိုသစ္စာ (၄)ပါးပြ ပါဠိစာ(၄)ပိုဒ်ကို ဟောတော်မူခဲ့ခြင်းဖြစ်၏။
ဓမ္မစကြာ၏ နောက်နားစာပိုဒ်တို့ဖြစ်သော ပဉ္စ၀ဂ္ဂီ (၅)ပါးတို့ တရားကို အားရကျေနပ်ကြပုံ၊ အရှင်ကောဏ္ဍည တရားထူးရပုံ၊ နတ်ဗြဟ္မာတို့ ကောင်းချီးပေး ကြွေးကြော်ကြပုံ စသော…. စာပိုဒ်တို့သည် သစ္စာကမ္မဋ္ဌာန်း အတွက်မဟုတ်ပေ။
မြတ်ဗုဒ္ဓ နှင့် ပဉ္စ၀ဂ္ဂီ (၅)ပါးတို့ ဓမ္မထမင်းပွဲ ကောင်းစွာ ဘုန်းပေးကြပုံကို အကျွန်ုပ်တို့ ဘေးကကြည့်နေသူတို့ အားကျ ကြည်ညိုကြဖို့ရန်ပင် ဖြစ်၏။
ကျွန်ုပ်တို့ အဖို့မှာ ဓမ္မစကြာ ဒေသနာတခုလုံးမှ ထုတ်၍ယူလျင် ထို သစ္စာ (၄)ပါးပြ ပါဠိ(၄)ပိုဒ်ပင်ဖြစ်၏။ ထိုစာ (၄)ပိုဒ်သည် စတုသစ္စကမ္မဋ္ဌာန်း မည်ပေသည်။
ဆင်ခြင် နှလုံးသွင်းသော အခါ၌ ဘိက္ခဝေကိုဖြုတ်၍ ကျန်သော ပါဠိပုဒ်တို့ကို ရွတ်ဖတ်ရပေမည်။
ဒုက္ခသစ္စာ နှင့် သမုဒယသစ္စာ တို့သည် လောကီသစ္စာ (၂)ပါး ဖြစ်၏။ အလုပ်လုပ်ရမည့် သစ္စာဖြစ်ပေသည်။ အနိစ္စ၊ ဒုက္ခ၊ အနတ္တဖြစ်ပုံကို ဆင်ခြင်ရမည့် အလုပ်သစ္စာများ ဖြစ်၏။
နိရောဓသစ္စာ နှင့် မဂ္ဂသစ္စာ တို့မှာ လောကုတ္တရာသစ္စာ (၂)ပါးဖြစ်၏။
လောကီသစ္စာ (၂)ပါးကို ကြပ်ကြပ် ကြည့်ပေးရပေမည်။
မီးဟုန်းဟုန်းတောက်လောင်နေသော အဆောက်အအုံကြီးကို ကြည့်ရသလို တရားအားထုတ်သူ၏ ဉာဏ်ဖြင့် လောဘမီး၊ ဒေါသမီး တွေ တဟုန်းဟုန်းတောက်လောင်နေတာကို မြင်ရပေမည်။
မီးကို ကြည့်သောအခါ မျက်စိပူသလို.. လောကီသစ္စာတို့ကို ကြည့်သောအခါ အမှန်ပဲ ပူတာတွေကို တွေ့သိရပေမည်။ လောကီသစ္စာတို့ကို ကြည့်သောအခါ စိတ်ဟာ ငြီးငွေ့လောက်အောင်ဖြစ်ပေမည်။ တရားနယ်တွင် အပူတရားချည်း ရှိသည်မဟုတ် အအေးတရားလည်း ရှိပေသည်။ ထို့ကြောင့် နိရောဓ နှင့် မဂ္ဂမည်သော အအေး လောကုတ္တရာသစ္စာတို့ကိုလည်း ကြည့်ပေးရပေမည်။ ထို လောကုတ္တရာ သစ္စာ(၂)ပါးတို့ကို ပိုင်မှ အေးမည် ငြိမ်းချမ်းမည်ကို သိရပေလိမ့်မည်။ လောကုတ္တရာသစ္စာ (၂)ပါး ပိုင်ဖို့ရန်မှာလည်း ရှေ့က လောကီသစ္စာ(၂)ပါးကို ဆင်းရဲမှန်း၊ ဆင်းရဲဖြစ်ကြောင်းမှန်း၊ အနိစ္စမှန်း၊ ဒုက္ခမှန်း၊ အနတ္တမှန်း ပိုင်ပိုင်သိမှ နောက်က လောကုတ္တရာသစ္စာတို့ ပေါ်ပေမည်။
ထို့ကြောင့် မိမိဘာသာ အလုပ်အနေဖြင့် ဆင်ခြင်သောအခါ၌ ထိုစာ(၄)ပိုဒ်တို့တွင် “ဘိက္ခဝေ” ပုဒ် ကိုဖြုတ်၍ အောက်ပါအတိုင်း သစ္စာကမ္မဋ္ဌာန်း ဆင်ခြင် နှလုံးသွင်းရပေမည်။
ပါဠိ
ဒုက္ခသစ္စာ
ဣဒံ ခေါ ပန ဒုက္ခံ အရိယသစ္စံ၊ ဇာတိပိ ဒုက္ခာ၊ ဇရာပိ ဒုက္ခာ၊ ဗျာဓိပိ ဒုက္ခော၊ မရဏံပိ ဒုက္ခံ၊ အပ္ပိယေဟိ သမ္ပယောဂေါ ဒုက္ခော၊ ပိယေဟိ ၀ိပ္ပယောဂေါ ဒုက္ခော၊ ယံပိစ္ဆံ န လဘတိ တံပိ ဒုက္ခံ၊ သံခိတ္တေန ပဉ္စုပါဒါနက္ခန္ဓာ ဒုက္ခာ။
သမုဒယသစ္စာ
ဣဒံ ခေါ ပန ဒုက္ခသမုဒယော အရိယသစ္စံ၊ ယာယံ တဏှာ ပေါနောဘ၀ိကာ နန္ဒီရာဂသဟဂတာ တတြတတြာဘိနန္ဒိနီ၊ သေယျထိဒံ၊ ကာမတဏှာ ဘ၀တဏှာ ၀ိဘ၀တဏှာ။
နိရောဓသစ္စာ
ဣဒံ ခေါ ပန ဒုက္ခနိရောဓော အရိယသစ္စံ၊ ယော တဿယေ၀ တဏှာယ အသေသ ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော။
မဂ္ဂသစ္စာ
ဣဒံ ခေါ ပန ဒုက္ခနိရောဓာဂါမိနီ ပဋိပဒါ အရိယသစ္စံ၊ အယမေ၀ အရိယော အဋ္ဌင်္ဂိကော မဂ္ဂေါ၊ သေယျထိဒံ- သမ္မာဒိဋ္ဌိ သမ္မာသင်္ကပ္ပေါ သမ္မာဝါစာ သမ္မာကမ္မန္တော သမ္မာအာဇီဝေါ သမ္မာဝါယာမော သမ္မာသတိ သမ္မာသမာဓိ။
မြန်မာဘာသာဖြင့် ဆင်ခြင်မည်ဆိုပါလျင် အောက်ပါလင်္ကာအတိုင်း ဆင်ခြင်နိုင်ပါသည်။
သစ္စာ (၄)ပါး လင်္ကာ
ပဋိသန္ဓေ၊ အိုနာသေဟု၊ လေးထွေရင်းမြစ်၊ ဒုက္ခဖြစ်၏၊
မချစ်ယှဉ်တွဲ၊ ချစ်သူကွဲနှင့်၊ လိုလည်းမရ၊ အကျဉ်းပြသော်၊ ပဉ္စဥပါဒါန်၊ ငါးခန္ဓာ၊ သစ္စာဒုက္ခ မှန်မောလှ။
ဒုက္ခဖြစ်ကြောင်း၊ မကောင်းတဏှာ၊ သုံးပါးမှာ၊ သစ္စာသမုဒယ မှန်မောလှ။
တဏှာချုပ်ရာ၊ နိဗ္ဗာန်မှာ၊ သစ္စာနိရောဓ၊ မှန်မောလှ။
နိဗ္ဗာန်ရောက်ကြောင်း၊ ကောင်းသောအသိ၊ ကောင်းဘိအကြံ၊ ကောင်းသံ ဆိုပြော၊ ကောင်းသောအပြု၊ ကောင်းမှုသက်မွေး၊ ကောင်းရေးလုံ့လ၊ ကောင်းထသတိ၊ ကောင်းဘိတည်ကြည်၊ ဤရှစ်မည်၊ သွန်ညီမဂ္ဂ မှန်မောလှ။
“မှန်မောလှ” အသုံးအနှုန်းမှာ "ပေါရာဏ" အသုံးအနှုန်းဖြစ်ပါသည်။
မှန်မောလှ = ဧကန်မှန်၏၊ အမှန်ပါတကားဟု ဆိုလိုပါသည်။
ထို မြန်မာဘာသာ လင်္ကာမှာ ဓမ္မစကြာ၏ ဒုက္ခသစ္စာပြ၊ သမုဒယသစ္စာပြ၊ နိရောဓသစ္စာပြ၊ မဂ္ဂသစ္စာပြ ပါဠိစာပိုဒ် (၄)ပိုဒ်တို့၏ အဓိပ္ပါယ်ပင်ဖြစ်၏။
ထို့ကြောင့် ထိုမြန်မာလင်္ကာဖြင့်လည်း ဓမ္မစကြာတရားတော်မှ စတုသစ္စကမ္မဋ္ဌာန်းကို အကျဉ်းအားဖြင့် ထိုကဲ့သို့ နှလုံးသွင်း ဆင်ခြင်နိုင်ပေသည်။
အောက်ပါတရားတော်မှ ရေးသားဖော်ပြထားပါသည်
သစ္စာ(၄)ပါးတရားတော်- မင်းကွန်းဆရာတော်
တရားဦး ဓမ္မစကြာ ၏ ရှေးဦးပိုင်း၌ မြတ်ဗုဒ္ဓက…ကာမသုခလ္လိကနုယောဂ နှင့် အတ္တကိလမထာနုယောဂ တည်းဟူသော အစွန်းအယုတ် (၂)ပါးကို မလိုက်စားကြလေနဲ့၊ ရှောင်ကြဟု ရှေးဦးစွာ ဟောတော်မူခဲ့၏။
လောဘစွန်းဖြစ်သော၊ သဿတဒိဋ္ဌိ မည်သော ကာမသုခလ္လိကနုယောဂ အယုတ်စွန်း နှင့်
ဒေါသစွန်းဖြစ်သော၊ ဥစ္ဆေဒဒိဋ္ဌိ မည်သော အတ္တကိလမထာနုယောဂ အယုတ်စွန်း တို့ကို မမှီဝဲကြလေနှင့်၊ ရှောင်ကျဉ်ရမည်ဟု ဟောတော်မူခဲ့၏။
ထိုအစွန်း (၂)ပါးမှလွတ်လပ်သော မဂ္ဂင် (၈)ပါးတည်းဟူသော မဇ္ဈိမပဋိပဒါ အကျင့်မြတ်ကို ကျင့်ကြံအားထုတ်ကြပါရန် လမ်းကောင်းကို ညွန်ပြတော်မူခဲ့၏။
ထို မဇ္ဈိမပဋိပဒါအကျင့်သည် ဉာဏ်မျက်စိကို ပြုစေတတ်သည်။
ကိလေသာတို့ကို ငြိမ်းစေနိုင်သည်။
ထိုအကျင့်ကို ကျင့်ခြင်းဖြင့် နိဗ္ဗာန်ကိုလည်း ဧကန် မုချ မျက်မှောက်ပြုရပေမည် ဟုလည်း ဟောတော်မူခဲ့၏။
ထိုသို့ ဟောတော်မူခဲ့သော စာပိုဒ်တို့တွင် သစ္စာကမ္မဋ္ဌာန်းသဘော မပါသေးပေ။ သစ္စာကို ဆင်ခြင် နှလုံးသွင်းဖို့ရန် အလုပ်သဘော မပါသေးပေ။ ရှေးဦစွာ ကောင်းရာသို့ လမ်းညွှန်ပေးခြင်းဖြစ်သည်။
ဓမ္မစကြာ၌ အဓိကလုပ်ရမည့် ဆင်ခြင်ရမည့် နှလုံးသွင်းရမည့် အလုပ်မှာ..သစ္စာကမ္မဋ္ဌာန်းဖြစ်၏။ သစ္စာ လေးပါးကို ဉာဏ်ဖြင့် ဆင်ခြင် နှလုံးသွင်း အလုပ်လုပ်ဖို့ရန်ဖြစ်၏။
ထို့ကြောင့် အလုပ်လုပ် ဆင်ခြင်ရမည့် စာပိုဒ်တို့ကို သတိထားရမည်။ နားလည်ထားဖို့ရန်မှာ အရေးကြီးပေသည်။ သို့ပါမှ ဓမ္မစကြာ ပါဠိများကို ရွတ်ဖတ်ခြင်းမှာလည်း ကုသိုလ်ရသည်ထက် ပို၍ မိမိတို့အတွက် အကျိုးကျေးဇူးကြီးပေမည်။ ကုသိုလ်ရဖို့အတွက်ရွတ်ခြင်းထက် တကယ်အလုပ်သဘောဖြင့် ရွတ်ဖတ် ဆင်ခြင်ဖို့ရန်က..အဓိကမူရင်း ရည်ရွယ်ချက် ဖြစ်ပေသည်။
ဓမ္မစကြာ၌ သစ္စာကို ဆင်ခြင် နှလုံးသွင်းမည့် စာပိုဒ်တို့မှာ..
(၁) ဒုက္ခသစ္စာ သရုပ်ပြ ပါဠိဣဒံ ခေါ ပန ဘိက္ခဝေ ဒုက္ခံ အရိယသစ္စံ၊ ဇာတိပိ ဒုက္ခာ၊ ဇရာပိ ဒုက္ခာ၊ ဗျာဓိပိ ဒုက္ခော၊ မရဏံပိ ဒုက္ခံ၊ အပ္ပိယေဟိ သမ္ပယောဂေါ ဒုက္ခော၊ ပိယေဟိ ၀ိပ္ပယောဂေါ ဒုက္ခော၊ ယံပိစ္ဆံ န လဘတိ တံပိ ဒုက္ခံ၊ သံခိတ္တေန ပဉ္စုပါဒါနက္ခန္ဓာ ဒုက္ခာ။
(စာ-၆၇၊ ဓမ္မစကြာ- မဟာစည်)
အဓိပ္ပါယ်ပဋိသန္ဓေ တည်နေရခြင်းသည်လည်း ဆင်းရဲပေတည်း၊
အိုခြင်းသည်လည်း ဆင်းရဲပေတည်း၊
မကျန်းမမာ ဖျားနာရခြင်းသည်လည်း ဆင်းရဲပေတည်း၊
သေခြင်းသည်လည်း ဆင်းရဲပေတည်း၊
မချစ်သော ပုဂ္ဂိုလ် အာရုံတို့နှင့် တွေ့ဆုံ ယှဉ်တွဲရခြင်းသည်လည်း ဆင်းရဲပေတည်း၊
ချစ်သော ပုဂ္ဂိုလ် အာရုံတို့နှင့် ကွဲကွာရခြင်းသည်လည်း ဆင်းရဲပေတည်း၊
လိုချင်နေပါလျက် မရခြင်းသည်လည်း ဆင်းရဲပေတည်း၊
အကျဉ်းအားဖြင့် ဥပါဒါနက္ခန္ဓာ (၅)ပါး (ဥပါဒါန် ၏ စွဲလမ်းရာဖြစ်သော ရုပ် နာမ်ခန္ဓာ) တို့သည် ဆင်းရဲ အမှန်တရားပေတည်း။
မြတ်ဗုဒ္ဓက..
ရဟန်းတို့ ထို ဆိုလတံ့သောတရားတွေကို ဒုက္ခ အရိယသစ္စာပဲလို့ ကောင်းကောင်းကြီး သိကြ၊
ဒုက္ခသစ္စာကို သုခလို့ ထင်နေကြလို့ ချစ်သားတို့ ဒုက္ခရောက်နေကြတာ၊
ဒုက္ခကို ဒုက္ခမှန်း သိလျင် အရိယမဂ်ဉာဏ်ထိအောင် အသိဉာဏ်ပေါက်ပြီး သံသရာဝဋ်ဒုက္ခဆင်းရဲကနေ လွတ်မယ်…ဟု ထိုကဲ့သို့ ဟောတော်မူခဲ့ခြင်းဖြစ်၏။
(၂) သမုဒယသစ္စာ သရုပ်ပြ စာပိုဒ်ဣဒံ ခေါ ပန ဘိက္ခဝေ ဒုက္ခသမုဒယော အရိယသစ္စံ၊ ယာယံ တဏှာ ပေါနောဘ၀ိကာ နန္ဒီရာဂသဟဂတာ တတြတတြာဘိနန္ဒိနီ၊ သေယျထိဒံ၊ ကာမတဏှာ ဘ၀တဏှာ ၀ိဘ၀တဏှာ။
(စာ-၈၆၊ ဓမ္မစကြာ- မဟာစည်)
အဓိပ္ပါယ်ဆာလောင်မှု တဏှာသည် တဖန်ဘ၀သစ်ကို ဖြစ်စေတတ်သည်၊
နှစ်သက် တပ်မက် စွဲလမ်းခြင်းဖြင့် ထိုထိုရောက်ရာဘ၀ ရရာအာရုံ၌ ပျော်မွေ့လေသည်၊
ထိုတဏှာကား ကာမတဏှာ၊ ဘ၀တဏှာ၊ ၀ိဘ၀တဏှာ တို့ ဖြစ်၏၊
ထို တဏှာ (၃)ပါးသည်ပင် ဆင်းရဲဖြစ်ကြောင်း အမှန်တရားပေတည်း။
မြတ်ဗုဒ္ဓက..
ချစ်သားတို့..ဒုက္ခသမုဒယကိုလည်း ဒုက္ခဖြစ်ကြောင်းလို့ မသိပါဘဲ သုခသမုဒယ သုခဖြစ်ကြောင်းရယ်လို့ အသိကိုက ပြောင်းပြန်ဖြစ်နေကြတယ်။ သင်ချစ်သားတို့မှာ အသိလွဲနေကြတယ်၊ အသိမမှန်ဘူး၊ အသိမမှန်တော့ သံသရာထဲ နှစ်မြောနေကြရတာ၊ ဟောဒီ အကျဉ်းအားဖြင့် တဏှာ (၃)ပါး၊ အကျယ်အားဖြင့် တဏှာ (၁၀၈)ပါးတို့ဟာ တို့တတွေကို ဒုက္ခရောက်အောင် လုပ်တဲ့ တရားတွေပါပဲလို့ အမှန်အတိုင်းသိဖို့က.. အရေးကြီးတယ်။
အဲဒီလို သိမှသာ အဲဒီ့တဏှာတွေကို ပယ်ဖို့ရန် ကြိုးစားကြမှာ။ ဒုက္ခဖြစ်ကြောင်းလို့ အမှန်အတိုင်း မသိဘဲ သုခဖြစ်ကြောင်းလို့ တလွဲပြောင်းပြန်ချည်းသိနေတော့ ဒီလောဘနောက် တခါတည်း တကောက်ကောက် လိုက်ပြီး ဒုက္ခတွေချည်း ရောက်နေကြမယ်။ ဒါကြောင့် ဆင်းရဲကို ဖြစ်စေခြင်း အကြောင်းတရားဟာ..ဒီ တဏှာ(၃)ပါးပဲ..ဟု ဟောတော်မူခဲ့ခြင်းဖြစ်၏။
ထို့အတူ..
(၃) နိရောဓသစ္စာ ပါဠိဣဒံ ခေါ ပန ဘိက္ခဝေ ဒုက္ခနိရောဓော အရိယသစ္စံ၊ ယော တဿယေ၀ တဏှာယ အသေသ ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော။
(စာ- ၁၀၈၊ ဓမ္မစကြာ-မဟာစည်)
အဓိပ္ပါယ်ဆာလောင်မှု တဏှာ အကြွင်းမဲ့ ပျက်ပြယ်ခြင်း၊ ချုပ်ငြိမ်းခြင်းသည်၊ ပယ်စွန့်ခြင်း၊ ဝေးစွာစွန့်ခြင်း၊ ဆုပ်ကိုင်မထားပါပဲ လွှတ်လိုက်ခြင်း၊ တွယ်တာမှု ကင်းခြင်း သည် ဆင်းရဲ ချုပ်ငြိမ်းရာ အမှန်တရား ဖြစ်၏။
(၄) မဂ္ဂသစ္စာ ပါဠိဣဒံ ခေါ ပန ဘိက္ခဝေ ဒုက္ခနိရောဓာဂါမိနီ ပဋိပဒါ အရိယသစ္စံ၊ အယမေ၀ အရိယော အဋ္ဌင်္ဂိကော မဂ္ဂေါ၊ သေယျထိဒံ- သမ္မာဒိဋ္ဌိ သမ္မာသင်္ကပ္ပေါ သမ္မာဝါစာ သမ္မာကမ္မန္တော သမ္မာအာဇီဝေါ သမ္မာဝါယာမော သမ္မာသတိ သမ္မာသမာဓိ။
(စာ- ၁၁၁၊ ဓမ္မစကြာ-မဟာစည်)
အဓိပ္ပါယ်ရဟန်းတို့..အင်္ဂါ (၈)ပါးရှိသော၊ ဖြူစင်မြင့်မြတ်သော အရိယမဂ်သည် ဆင်းရဲချုပ်ငြိမ်းရာ နိဗ္ဗာန်သို့ ရောက်စေတတ်သော အကျင့်လမ်း အမှန်တရားဖြစ်၏။
ထိုအရိယမဂ်မှာ..မှန်စွာမြင်ခြင်း၊ မှန်စွာကြံခြင်း၊ မှန်စွာပြောခြင်း၊ မှန်စွာပြုခြင်း၊ မှန်စွာအသက်မွေးခြင်း၊ မှန်စွာအားထုတ်ခြင်း၊ မှန်စွာအမှတ်ရခြင်း၊ မှန်စွာစူးစိုက်တည်ကြည်ခြင်း တို့ဖြစ်ပေသည်။
စတုသစ္စကမ္မဋ္ဌာန်း လုပ်လိုသော ယောဂီသည် ထိုစာပိုဒ်တို့ကို နှလုံးသွင်း ဆင်ခြင်ရပေမည်။
(ဆက်ရန်..)
အောက်ပါတရားတော်မှ ရေးသားဖော်ပြထားပါသည်
သစ္စာ(၄)ပါးတရားတော်- မင်းကွန်းဆရာတော်
တရားဦး ဓမ္မစကြာ ၏ ရှေးဦးပိုင်း၌ မြတ်ဗုဒ္ဓက…ကာမသုခလ္လိကနုယောဂ နှင့် အတ္တကိလမထာနုယောဂ တည်းဟူသော အစွန်းအယုတ် (၂)ပါးကို မလိုက်စားကြလေနဲ့၊ ရှောင်ကြဟု ရှေးဦးစွာ ဟောတော်မူခဲ့၏။
လောဘစွန်းဖြစ်သော၊ သဿတဒိဋ္ဌိ မည်သော ကာမသုခလ္လိကနုယောဂ အယုတ်စွန်း နှင့်
ဒေါသစွန်းဖြစ်သော၊ ဥစ္ဆေဒဒိဋ္ဌိ မည်သော အတ္တကိလမထာနုယောဂ အယုတ်စွန်း တို့ကို မမှီဝဲကြလေနှင့်၊ ရှောင်ကျဉ်ရမည်ဟု ဟောတော်မူခဲ့၏။
ထိုအစွန်း (၂)ပါးမှလွတ်လပ်သော မဂ္ဂင် (၈)ပါးတည်းဟူသော မဇ္ဈိမပဋိပဒါ အကျင့်မြတ်ကို ကျင့်ကြံအားထုတ်ကြပါရန် လမ်းကောင်းကို ညွန်ပြတော်မူခဲ့၏။
ထို မဇ္ဈိမပဋိပဒါအကျင့်သည် ဉာဏ်မျက်စိကို ပြုစေတတ်သည်။
ကိလေသာတို့ကို ငြိမ်းစေနိုင်သည်။
ထိုအကျင့်ကို ကျင့်ခြင်းဖြင့် နိဗ္ဗာန်ကိုလည်း ဧကန် မုချ မျက်မှောက်ပြုရပေမည် ဟုလည်း ဟောတော်မူခဲ့၏။
ထိုသို့ ဟောတော်မူခဲ့သော စာပိုဒ်တို့တွင် သစ္စာကမ္မဋ္ဌာန်းသဘော မပါသေးပေ။ သစ္စာကို ဆင်ခြင် နှလုံးသွင်းဖို့ရန် အလုပ်သဘော မပါသေးပေ။ ရှေးဦစွာ ကောင်းရာသို့ လမ်းညွှန်ပေးခြင်းဖြစ်သည်။
ဓမ္မစကြာ၌ အဓိကလုပ်ရမည့် ဆင်ခြင်ရမည့် နှလုံးသွင်းရမည့် အလုပ်မှာ..သစ္စာကမ္မဋ္ဌာန်းဖြစ်၏။ သစ္စာ လေးပါးကို ဉာဏ်ဖြင့် ဆင်ခြင် နှလုံးသွင်း အလုပ်လုပ်ဖို့ရန်ဖြစ်၏။
ထို့ကြောင့် အလုပ်လုပ် ဆင်ခြင်ရမည့် စာပိုဒ်တို့ကို သတိထားရမည်။ နားလည်ထားဖို့ရန်မှာ အရေးကြီးပေသည်။ သို့ပါမှ ဓမ္မစကြာ ပါဠိများကို ရွတ်ဖတ်ခြင်းမှာလည်း ကုသိုလ်ရသည်ထက် ပို၍ မိမိတို့အတွက် အကျိုးကျေးဇူးကြီးပေမည်။ ကုသိုလ်ရဖို့အတွက်ရွတ်ခြင်းထက် တကယ်အလုပ်သဘောဖြင့် ရွတ်ဖတ် ဆင်ခြင်ဖို့ရန်က..အဓိကမူရင်း ရည်ရွယ်ချက် ဖြစ်ပေသည်။
ဓမ္မစကြာ၌ သစ္စာကို ဆင်ခြင် နှလုံးသွင်းမည့် စာပိုဒ်တို့မှာ..
(၁) ဒုက္ခသစ္စာ သရုပ်ပြ ပါဠိဣဒံ ခေါ ပန ဘိက္ခဝေ ဒုက္ခံ အရိယသစ္စံ၊ ဇာတိပိ ဒုက္ခာ၊ ဇရာပိ ဒုက္ခာ၊ ဗျာဓိပိ ဒုက္ခော၊ မရဏံပိ ဒုက္ခံ၊ အပ္ပိယေဟိ သမ္ပယောဂေါ ဒုက္ခော၊ ပိယေဟိ ၀ိပ္ပယောဂေါ ဒုက္ခော၊ ယံပိစ္ဆံ န လဘတိ တံပိ ဒုက္ခံ၊ သံခိတ္တေန ပဉ္စုပါဒါနက္ခန္ဓာ ဒုက္ခာ။
(စာ-၆၇၊ ဓမ္မစကြာ- မဟာစည်)
အဓိပ္ပါယ်ပဋိသန္ဓေ တည်နေရခြင်းသည်လည်း ဆင်းရဲပေတည်း၊
အိုခြင်းသည်လည်း ဆင်းရဲပေတည်း၊
မကျန်းမမာ ဖျားနာရခြင်းသည်လည်း ဆင်းရဲပေတည်း၊
သေခြင်းသည်လည်း ဆင်းရဲပေတည်း၊
မချစ်သော ပုဂ္ဂိုလ် အာရုံတို့နှင့် တွေ့ဆုံ ယှဉ်တွဲရခြင်းသည်လည်း ဆင်းရဲပေတည်း၊
ချစ်သော ပုဂ္ဂိုလ် အာရုံတို့နှင့် ကွဲကွာရခြင်းသည်လည်း ဆင်းရဲပေတည်း၊
လိုချင်နေပါလျက် မရခြင်းသည်လည်း ဆင်းရဲပေတည်း၊
အကျဉ်းအားဖြင့် ဥပါဒါနက္ခန္ဓာ (၅)ပါး (ဥပါဒါန် ၏ စွဲလမ်းရာဖြစ်သော ရုပ် နာမ်ခန္ဓာ) တို့သည် ဆင်းရဲ အမှန်တရားပေတည်း။
မြတ်ဗုဒ္ဓက..
ရဟန်းတို့ ထို ဆိုလတံ့သောတရားတွေကို ဒုက္ခ အရိယသစ္စာပဲလို့ ကောင်းကောင်းကြီး သိကြ၊
ဒုက္ခသစ္စာကို သုခလို့ ထင်နေကြလို့ ချစ်သားတို့ ဒုက္ခရောက်နေကြတာ၊
ဒုက္ခကို ဒုက္ခမှန်း သိလျင် အရိယမဂ်ဉာဏ်ထိအောင် အသိဉာဏ်ပေါက်ပြီး သံသရာဝဋ်ဒုက္ခဆင်းရဲကနေ လွတ်မယ်…ဟု ထိုကဲ့သို့ ဟောတော်မူခဲ့ခြင်းဖြစ်၏။
(၂) သမုဒယသစ္စာ သရုပ်ပြ စာပိုဒ်ဣဒံ ခေါ ပန ဘိက္ခဝေ ဒုက္ခသမုဒယော အရိယသစ္စံ၊ ယာယံ တဏှာ ပေါနောဘ၀ိကာ နန္ဒီရာဂသဟဂတာ တတြတတြာဘိနန္ဒိနီ၊ သေယျထိဒံ၊ ကာမတဏှာ ဘ၀တဏှာ ၀ိဘ၀တဏှာ။
(စာ-၈၆၊ ဓမ္မစကြာ- မဟာစည်)
အဓိပ္ပါယ်ဆာလောင်မှု တဏှာသည် တဖန်ဘ၀သစ်ကို ဖြစ်စေတတ်သည်၊
နှစ်သက် တပ်မက် စွဲလမ်းခြင်းဖြင့် ထိုထိုရောက်ရာဘ၀ ရရာအာရုံ၌ ပျော်မွေ့လေသည်၊
ထိုတဏှာကား ကာမတဏှာ၊ ဘ၀တဏှာ၊ ၀ိဘ၀တဏှာ တို့ ဖြစ်၏၊
ထို တဏှာ (၃)ပါးသည်ပင် ဆင်းရဲဖြစ်ကြောင်း အမှန်တရားပေတည်း။
မြတ်ဗုဒ္ဓက..
ချစ်သားတို့..ဒုက္ခသမုဒယကိုလည်း ဒုက္ခဖြစ်ကြောင်းလို့ မသိပါဘဲ သုခသမုဒယ သုခဖြစ်ကြောင်းရယ်လို့ အသိကိုက ပြောင်းပြန်ဖြစ်နေကြတယ်။ သင်ချစ်သားတို့မှာ အသိလွဲနေကြတယ်၊ အသိမမှန်ဘူး၊ အသိမမှန်တော့ သံသရာထဲ နှစ်မြောနေကြရတာ၊ ဟောဒီ အကျဉ်းအားဖြင့် တဏှာ (၃)ပါး၊ အကျယ်အားဖြင့် တဏှာ (၁၀၈)ပါးတို့ဟာ တို့တတွေကို ဒုက္ခရောက်အောင် လုပ်တဲ့ တရားတွေပါပဲလို့ အမှန်အတိုင်းသိဖို့က.. အရေးကြီးတယ်။
အဲဒီလို သိမှသာ အဲဒီ့တဏှာတွေကို ပယ်ဖို့ရန် ကြိုးစားကြမှာ။ ဒုက္ခဖြစ်ကြောင်းလို့ အမှန်အတိုင်း မသိဘဲ သုခဖြစ်ကြောင်းလို့ တလွဲပြောင်းပြန်ချည်းသိနေတော့ ဒီလောဘနောက် တခါတည်း တကောက်ကောက် လိုက်ပြီး ဒုက္ခတွေချည်း ရောက်နေကြမယ်။ ဒါကြောင့် ဆင်းရဲကို ဖြစ်စေခြင်း အကြောင်းတရားဟာ..ဒီ တဏှာ(၃)ပါးပဲ..ဟု ဟောတော်မူခဲ့ခြင်းဖြစ်၏။
ထို့အတူ..
(၃) နိရောဓသစ္စာ ပါဠိဣဒံ ခေါ ပန ဘိက္ခဝေ ဒုက္ခနိရောဓော အရိယသစ္စံ၊ ယော တဿယေ၀ တဏှာယ အသေသ ၀ိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော။
(စာ- ၁၀၈၊ ဓမ္မစကြာ-မဟာစည်)
အဓိပ္ပါယ်ဆာလောင်မှု တဏှာ အကြွင်းမဲ့ ပျက်ပြယ်ခြင်း၊ ချုပ်ငြိမ်းခြင်းသည်၊ ပယ်စွန့်ခြင်း၊ ဝေးစွာစွန့်ခြင်း၊ ဆုပ်ကိုင်မထားပါပဲ လွှတ်လိုက်ခြင်း၊ တွယ်တာမှု ကင်းခြင်း သည် ဆင်းရဲ ချုပ်ငြိမ်းရာ အမှန်တရား ဖြစ်၏။
(၄) မဂ္ဂသစ္စာ ပါဠိဣဒံ ခေါ ပန ဘိက္ခဝေ ဒုက္ခနိရောဓာဂါမိနီ ပဋိပဒါ အရိယသစ္စံ၊ အယမေ၀ အရိယော အဋ္ဌင်္ဂိကော မဂ္ဂေါ၊ သေယျထိဒံ- သမ္မာဒိဋ္ဌိ သမ္မာသင်္ကပ္ပေါ သမ္မာဝါစာ သမ္မာကမ္မန္တော သမ္မာအာဇီဝေါ သမ္မာဝါယာမော သမ္မာသတိ သမ္မာသမာဓိ။
(စာ- ၁၁၁၊ ဓမ္မစကြာ-မဟာစည်)
အဓိပ္ပါယ်ရဟန်းတို့..အင်္ဂါ (၈)ပါးရှိသော၊ ဖြူစင်မြင့်မြတ်သော အရိယမဂ်သည် ဆင်းရဲချုပ်ငြိမ်းရာ နိဗ္ဗာန်သို့ ရောက်စေတတ်သော အကျင့်လမ်း အမှန်တရားဖြစ်၏။
ထိုအရိယမဂ်မှာ..မှန်စွာမြင်ခြင်း၊ မှန်စွာကြံခြင်း၊ မှန်စွာပြောခြင်း၊ မှန်စွာပြုခြင်း၊ မှန်စွာအသက်မွေးခြင်း၊ မှန်စွာအားထုတ်ခြင်း၊ မှန်စွာအမှတ်ရခြင်း၊ မှန်စွာစူးစိုက်တည်ကြည်ခြင်း တို့ဖြစ်ပေသည်။
စတုသစ္စကမ္မဋ္ဌာန်း လုပ်လိုသော ယောဂီသည် ထိုစာပိုဒ်တို့ကို နှလုံးသွင်း ဆင်ခြင်ရပေမည်။
(ဆက်ရန်..)
အောက်ပါတရားတော်မှ ရေးသားဖော်ပြထားပါသည်
သစ္စာ(၄)ပါးတရားတော်- မင်းကွန်းဆရာတော်

ဘုရားရှင်ကိုယ်တော်မြတ်ကြီးက..ပဉ္စ၀ဂ္ဂီတို့အား..အစွန်းတရားတွေရှောင်ရှားဖို့ နှင့်၊
အလယ်အလတ်ကျင့်စဉ်ကို လိုက်နာကျင့်သုံးကြဖို့..ဟောပြီးတဲ့နောက်..
သစ္စာလေးပါးတရားကို အခုလို ဟောတော်မူပါသည်။
ဘိက္ခဝေ-ရဟန်းတို့၊ အို ချစ်သားတို့..
ဆင်းရဲအမှန်တရားကို ပိုင်းပိုင်းခြားခြား သိရမယ်လို့ ငါ့ဥာဏ်ထဲမှာ ရှင်းရှင်းလင်းလင်း သိလာတွေ့လာခဲ့ပြီ။
ဆင်းရဲဖြစ်ကြောင်းအမှန်တရားကို ပယ်ရမယ်လို့ ငါ့ဥာဏ်ထဲမှာ ရှင်းရှင်းလင်းလင်း သိလာတွေ့ခဲ့ပြီ။
ဆင်းရဲချုပ်ငြိမ်းခြင်းအမှန်တရားကို ဥာဏ်နဲ့မျက်မှောက်ထင်ထင် ဆိုက်ရောက်သိမြင်ရမယ်လို့ ငါ့ဥာဏ်ထဲမှာ သဘောပေါက်လာခဲ့ပြီ သိလာတွေ့လာခဲ့ပြီ။
ဆင်းရဲချုပ်ငြိမ်းကြောင်း အကျင့်လမ်းအမှန်တရားကို မိမိသန္တာန်မှာဖြစ်ပွားအောင် အားထုတ်ရမယ်လို့ ငါ့ဥာဏ်ထဲမှာ ရှင်းရှင်းလင်းလင်း သိလာတွေ့လာခဲ့ပြီ။
ဟု မြတ်ဗုဒ္ဓက ဟောလေ၏။

ဓမ္မစကြာပထမပိုင်း၌ဖော်ပြခဲ့သည့်အတိုင်း အယုတ်တရား (၂)ပါးကို ရှောင်ရှားရမည်ဟု..မြတ်ဗုဒ္ဓက စတင် ဟောတော်မူခဲ့သည်။
“ရဟန်းအဖြစ်သို့ ကပ်ရောက်ပြီးသော ပုဂ္ဂိုလ်သည် (၂)ပါးသော ဤတရားအစုတို့ကို မမှီဝဲအပ်ကုန်” ဟူသော အဓိပ္ပါယ်ဖြင့် မြတ်ဗုဒ္ဓက..ဓမ္မစကြာတရားတော်ကို စတင်ခဲ့ခြင်းဖြစ်၏။
ထိုစာကြောင်းတွင်လည်း ရဟန်း အဖြစ်သို့ ကပ်ရောက်သော ပုဂ္ဂိုလ်ဟု အဓိပ္ပါယ်ဖွင့်ထားပါသော်လည်း..သံဃာတော်တွေချည်းသက်သက်ကိုပဲ ရည်ရွယ်ပြီးဆိုထားခြင်း မဟုတ်ပေ။ လူပုဂ္ဂိုလ်များလည်း ပါဝင်ပါ၏။ ရဟန်းဆိုသည်မှာလည်း (၂)မျိုးရှိ၏။
သုတ္တန်ရဟန်း နှင့် ၀ိနည်းရဟန်း တို့ဖြစ်သည်။
သုတ္တန်ရဟန်းဆိုသည်မှာ ဗုဒ္ဓသာသနာတော်နှင့် ဆိုင်သော အကျင့် တခုခုကို ကျင့်ကြံပွားများနေသော ယောကျာင်္း (သို့) မိန်းမ လူဝတ်ကြောင် ဖြစ်ချင်ဖြစ်မည် (သို့မဟုတ်ပါက) ဘုန်းကြီးလည်း ဖြစ်ချင်ဖြစ်နိုင်သည်။
ဝိနည်းရဟန်းဆိုသည်မှာ သိမ်တွင် သံဃာတော်တို့ဖြင့် ၀ိနည်းသိက္ခာတင်ပေးထားသော ရဟန်းကို ဆိုလိုခြင်းဖြစ်သည်။
ထို့ကြောင့် ရဟန်းအဖြစ်သို့ ကပ်ရောက်သော ပုဂ္ဂိုလ်ဆိုသည်မှာ..
မြတ်ဗုဒ္ဓသာသနာတော်နှင့် ဆိုင်သော အကျင့် တခုခုကို ကျင့်ကြံပွားများ အားထုတ်နေသည့်၊ အားထုတ်တော့မည့် ပုဂ္ဂိုလ်ဟု အဓိပ္ပါယ် ရပါသည်။ ထို ပုဂ္ဂိုလ်မှာလည်း ၀ိနည်းရဟန်းလည်း ဖြစ်ချင်ဖြစ်မည်၊ သုတ္တန်ရဟန်းလည်း ဖြစ်ချင်ဖြစ်မည်။ သံဃာတော်လည်း ဖြစ်ချင်ဖြစ်မည် လူဝတ်ကြောင်လည်း ဖြစ်ချင်ဖြစ်မည်။ ဘယ်သူပဲဖြစ်ဖြစ် ထိုသို့ ကျင့်ကြံပွားများသည့်အခါမှာ..အစွန်း (၂)ပါး၊ (သို့) အယုတ်တရား (၂)ပါးတို့ကို ရှောင်ရှားရမည်ဟု ဆိုခြင်းဖြစ်ပါသည်။ ထိုကြောင့် သံဃာတော်များ အပါအ၀င် လူပုဂ္ဂိုလ်များကိုပါ..အယုတ်တရား (၂)ပါးကို ရှောင်ရှားရမည်ဟု မြတ်ဗုဒ္ဓက..ဟောတော်မူခြင်းဖြစ်၏။
အယုတ်တရား (၂)ပါးဆိုသည်မှာလည်း ကာမသုခလ္လိကနုယောဂ နှင့် အတ္တကိလမထာနုယောဂ တို့ဖြစ်သည်ဟု ဖော်ပြခဲ့ပြီးဖြစ်၏။ အနည်းငယ်ထပ်ပေါင်း ပြောဆိုရလျင်..
ကာမသုခလ္လိကာနုယောဂ ဆိုသည်မှာ..
တရားသဘောဖြင့် လောဘဖြစ်သည်။ ဒိဋ္ဌိသဘောဖြင့် သဿတဒိဋ္ဌိဖြစ်သည်။ ပဋိစ္စသမုပ္ပါဒ်သဘောဖြင့် တဏှာဦးဆောင်သော အားထုတ်မှု အစွန်းတရားဖြစ်သည်။
အတ္တကိလမထာနုယောဂ ဆိုသည်မှာ..
တရားသဘောဖြင့် ဒေါသဖြစ်သည်။ ဒိဋ္ဌိသဘောဖြင့် ဥစ္ဆေဒဒိဋ္ဌိဖြစ်သည်။ ပဋိစ္စသမုပ္ပါဒ်သဘောဖြင့် အ၀ိဇ္ဖာဦးဆောင်သော အားထုတ်မှု အစွန်းတရားဖြစ်သည်။
ထို အစွန်းတရား (၂)ပါးတို့၌ မကပ်ညိပါဘဲ….
တနည်းအားဖြင့်…အ၀ိဇ္ဇာဘက်ကိုလည်း မညိ၊ တဏှာဘက်ကိုလည်း မညိ
ဒေါသဘက်ကိုလည်း မရောက်၊ လောဘဘက်ကိုလည်း မရောက်
ဥစ္ဆေဒဒိဋ္ဌိဘက်ကိုလည်း မဖြစ်၊ သဿတဒိဋ္ဌိဘက်ကိုလည်း မဖြစ်ဘဲ..မှန်ကန်စွာ ဥာဏ်မျက်စိကို ပြုစေတတ်သော လမ်းစဉ်မှာ…
အလယ်အလတ် အကျင့် မဇ္ဈိမပဋိပဒါပင်ဖြစ်၏။
ထိုအလယ်အလတ် ကျင့်စဉ် ဆိုသည်မှာ မဂ္ဂင်(၈)ပါး ပင်ဖြစ်၏။
1. သမ္မာဒိဋ္ဌိ = မှန်စွာသိမြင်ခြင်း
2. သမ္မာသင်္ကပ္ပ = မှန်စွာကြံခြင်း
3. သမ္မာဝါစာ = မှန်စွာပြောဆိုခြင်း
4. သမ္မာကမ္မန္တ = မှန်စွာပြုလုပ်ခြင်း
5. သမ္မာအာဇီဝ = မှန်စွာအသက်မွေးခြင်း
6. သမ္မာဝါယာမ = မှန်စွာအားထုတ်ခြင်း
7. သမ္မာသတိ = မှန်စွာအမှတ်ရခြင်း
8. သမ္မာသမာဓိ = မှန်စွာစူးစိုက် တည်ကြည်ခြင်း
ထိုမဂ္ဂင် (၈)ပါးတို့တွင် သမ္မာဒိဋ္ဌိမဂ္ဂင်တခု တည်းကို ကျင့်သုံးပါက.မဇ္မျိမပဋိပဒါ ဖြစ်သည်။ သမ္မာဒိဋ္ဌိကို ကျင့်သုံးနေလျင် ကျန်သော မဂ္ဂင်များ အလိုလို တွဲစပ်၍ ဖြစ်လာပါတော့သည်။ သမ္မာဒိဋ္ဌိနဲ့ တွဲစပ်မည့် သင်္ကပ္ပသည်..သမ္မာသင်္ကပ္ပ ဖြစ်လာမည်။ မိစ္ဆာသင်္ကပ္ပ မဖြစ်တော့။ ထို့အတူပဲ သမ္မာဒိဋ္ဌိနဲ့ အတူဖြစ်မည့် ၀ါစာသည်လည်း..သမ္မာဝါစာပဲဖြစ်ပေလိမ့်မည်။
အဓိပ္ပါယ်မှာ..မှန်စွာသိမြင်ခြင်း တခုတည်း ကျင့်သုံးလိုက်သည်နှင့်..မှန်စွာကြံခြင်း၊ မှန်စွာပြောဆိုခြင်း၊ မှန်စွာပြုလုပ်ခြင်း..စသော ကျန်မဂ္ဂင်(၇)ပါးတို့မှာ..အခြံအရံအဖြစ် အလိုလို လိုက်ပါလာတော့သည်။…ထိုကြောင့် မြတ်ဗုဒ္ဓက..ပဉ္စ၀ဂ္ဂီတို့အား…
သင်ချစ်သားတို့ စိတ်အာရုံတွေ မများကြနဲ့..အလုပ်ကိစ္စတွေ ထွေပြားမနေတော့နဲ့..
သမ္မာဒိဋ္ဌိကိုပဲ ပိုင်ပိုင်နိုင်နိုင် ကိုင်ကြလော့..
သင်ချစ်သားတို့ ပထမမဂ္ဂင် သမ္မာဒိဋ္ဌိဖြစ်ရင်..ကျန်တဲ့မဂ္ဂင်(၇)ပါးလုံးဟာ..နောက်ကလိုက်လာသလို..အကုန်လုံး စုံလို့ ပြုံလျက်..မခေါ်ပါဘဲ လိုက်လာကြပါလိမ့်မည်။
ဟု ဟောလေ၏။
ထို့ကြောင့် သမ္မာဒိဋ္ဌိသည် ရှေးဦးစွာ အရေးကြီးပါ၏။ သမ္မာဒိဋ္ဌိမရှိရင် မှန်ကန်သော ကျင့်စဉ်ပေါ်မရောက်။ မှန်ကန်သော ကျင့်စဉ်ပေါ်မရောက်လျင် နိဗ္ဗာန်ကို မရနိုင်ပေ။
သမ္မာဒိဋ္ဌိတွင်လည်း (၅)မျိုးရှိပါသည်။
1. ကမ္မဿကတာသမ္မာဒိဋ္ဌိ
2. ဈာနသမ္မာဒိဋ္ဌိ
3. ၀ိပဿနာသမ္မာဒိဋ္ဌိ
4. မဂ္ဂသမ္မာဒိဋ္ဌိ
5. ဖလသမ္မာဒိဋ္ဌိ….တို့ဖြစ်ကြသည်။
ကမ္မဿကတာသမ္မာဒိဋ္ဌိ ဆိုသည်မှာ..အကြောင်းအကျိုးစပ်လျက် ယုံကြည်နားလည်ခြင်းဖြစ်၏။ အကြောင်းကံရှိလို့ အကျိုးကံတွေဖြစ်တာပဲ..အကြောင်းမကောင်းလျင် အကျိုးလည်း မကောင်းဘူး၊ အကြောင်းကောင်းရင်တော့ အကျိုးလည်း ကောင်းမှာပဲ ဟု..နားလည်လက်ခံခြင်းဖြစ်သည်။ ဤသမ္မာဒိဋ္ဌိမှာ အခြေခံဖြစ်၏။ အရေးကြီးဆုံးလည်း ဖြစ်၏။ ထိုသို့ အကြောင်းအကျိုးသဘောကို စူးစူးစိုက်စိုက် နားမလည်ပါဘဲ....သူဟာသူဖြစ်ချင်သလိုဖြစ်နေတာပဲ..ဒါမှမဟုတ်..ဗြဟ္မာကြီးကဖန်ဆင်းတာ..ဘုရားသခင်က ဖန်ဆင်းတာ..မိုးနတ်မင်းက.မစတာ..စသဖြင့် ယုံကြည်ထားခြင်းမျိုးတို့သည်..ကမ္မဿကတာသမ္မာဒိဋ္ဌိ မဖြစ်။ မှန်မှန်ကန်ကန် မမြင်သေးခြင်းဖြစ်၏။ ကံ-ကံ၏အကျိုးတို့ကို ကြောင်းကျိုးစပ်နားလည်ပါမှ..ကောင်းမှုတို့ကို လုပ်ချင်စိတ်တွေဖြစ်လာမည်။ ထိုသမ္မာဒိဋ္ဌိလေးအခြေခံပါမှ..ကောင်းတာများကို ကြံဆောင်လာမည်၊ ကောင်းသောစကားတို့ကို ပြောချင်လာမည်၊ ကောင်းသော အသက်မွေးမှုတို့ကို လုပ်ချင်လာမည်..စသော အကျိုးကျေးဇူးများဖြစ်ပွားနိုင်သည်။ ထို့ကြောင့် ကမ္မဿကတာသမ္မာဒိဋ္ဌိမှာ အရေးကြီးသည်။ ကမ္မဿကတာသမ္မာဒိဋ္ဌိသည် နိဗ္ဗာန်ရောက်ကြောင်းတရားပင်ဖြစ်၏။
ဈာနသမ္မာဒိဋ္ဌိဆိုသည်မှာ..ရူပဈာန်၊ အရူပဈာန်များမှာလာသော ဥာဏ်ပညာကို ခေါ်ဆို၏။ သမာဓိတည်ကြည်အောင် ကျင့်သောလုပ်ငန်းစဉ်တို့တွင် မှန်မှန်ကန်ကန် မြင်ခြင်းဖြစ်သည်။ ထိုဈာနသမ္မာဒိဋ္ဌိသည်လည်း ၀ိပဿနာ၏အခြေခံဖြစ်လျင်..နိဗ္ဗာန်ရောက်ကြောင်းတရားပင် ဖြစ်ပါ၏။ ကမ္မဿကတာ သမ္မာဒိဋ္ဌိ နှင့် ဈာနသမ္မာဒိဋ္ဌိ တို့သည် မဂ်ဖိုလ်နိဗ္ဗာန်ရဖို့..အခြေခံတရားများ ဖြစ်သောကြောင့် ထိုသမ္မာဒိဋ္ဌိ (၂)ပါးကို “မူလမဂ္ဂင်” ဟုလည်း ခေါ်၏။
ဝိပဿနာသမ္မာဒိဋ္ဌိဆိုသည်မှာ..၀ိပဿနာဥာဏ်ဖြစ်၏။ အရှု့ခံ ပေါ်တွင် ရှု့ဥာဏ်ဖြင့် ရုပ်/နာမ်တို့၏ ဖြစ်ပျက်တို့ကို မှန်မှန်ကန်ကန်မြင်ခြင်းဖြစ်သည်။ အရှု့ခံဆိုသည်မှာ ခန္ဓာငါးပါးထဲမှာ တပါးပါးကိုဆိုလိုသည်။ ရုပ်ဖြစ်ချင်လည်း ဖြစ်မည် နာမ်ဖြစ်ချင်လည်းဖြစ်မည်။ ၀ိပဿနာသမ္မာဒိဋ္ဌိဖြင့် ၀ိပဿနာအလုပ်ကို လုပ်နေစဉ်ဝယ်..ခန္ဓာကိုယ်ကြီးကို ယောကျာင်္း မိန်းမ စသည်ဖြင့် မမြင်တော့ဘဲ..ဖြစ်/ပျက်ကိုသာ မြင်ခြင်းဖြစ်သည်။ ထိုကြောင့် လောဘတရား၊ ဒေါသတရား၊ မောဟတရားတို့ မ၀င်လာနိုင်တော့။ ထိုဝိပဿနာသမ္မာဒိဋ္ဌိဖြင့် သဘောမှန်ကို သိနေလျင် သာယာဖွယ်အာရုံနှင့် တွေ့ပါသော်လည်း သာယာမှုရာဂ မဖြစ်တော့။ ကာမသုခလ္လိကနုယောဂဘက် သို့ မကပ်ညိခြင်းဖြစ်၏။ သုံးဆောင်သင့်သော ဆွမ်း၊ သင်္ကန်း၊ ကျောင်းတို့ကို သုံးဆောင်၏။ လုံးလုံး မသုံးဆောင်ဘဲ နေတာမဖြစ်လို့ ကိုယ်ပင်ပန်းအောင်ကျင့်သော အတ္တကိလမထာနုယောဂလည်း မဖြစ်တော့ပေ။ တင်းလွန်းတာလည်းမဟုတ်၊ လျော့လွန်းတာလည်းမဟုတ်ဘဲ..အလယ်အလတ်ကျင့်စဉ်ဖြစ်တော့သည်။
ဝိပဿနာသမ္မာဒိဋ္ဌိသည်.. ခန္ဓာ ကိုလည်းစွန့်၏၊ တဏှာကိုလည်း စွန့် နိုင်၏။
ဝိပဿနာဥာဏ်တွေ ပြည့်စုံသောအခါ..မဂ္ဂသမ္မာဒိဋ္ဌိဟု ခေါ်သော အရိယာမဂ်ဥာဏ် ဖြစ်ပေါ်လာတော့သည်။ မဂ္ဂသမ္မာဒိဋ္ဌိ - အရိယာမဂ်ဥာဏ်သည် ခန္ဓာကိုလည်း စွန့်၏၊ တဏှာကိုလည်း စွန့်၏၊ နိဗ္ဗာန်ကိုပါ မြင်တော့သည်။
ဖလသမ္မာဒိဋ္ဌိဆိုသည်မှာ အရိယာမဂ်၏ အကျိုးတရားပင်ဖြစ်၏။ အထူးတလည်အားထုတ်စရာမလို။ဖလသမ္မာဒိဋ္ဌိသည်လည်း.. ခန္ဓာကိုလည်း စွန့်၏၊ တဏှာကိုလည်း စွန့်၏၊ နိဗ္ဗာန်ကိုပါ မြင်၏။ အချောသတ် ကိလေသာတို့ကို ငြိမ်းသတ်ခြင်းနှင့် တူပေ၏။
ထိုကြောင့် သမ္မာဒိဋ္ဌိဖြစ်လျင် ကျန်မဂ္ဂင်တို့ စုပြုံ ယှဉ်တွဲလျက်..နိဗ္ဗာန်တိုင်အောင်ပင် အကျိုးပေးလေသည်။
(ဆက်ပါဦးမည်။)
အောက်ပါတရားတော်ကို နာယူလေ့လာပြီး ရေးသားသည်။
ဓမ္မစကြာတရားတော် အပိုင်း (၄)- မင်းကွန်းဆရာတော်ဘုရားကြီး
စာ-၆၀၊ ဓမ္မစကြာတရားတော် (၁)- မဟာစည်ဆရာတော်ဘုရားကြီး
သမ္မာဒိဋ္ဌိငါးမျိုး - အရှင်ဃောသိတ
ဓမ္မစကြာတရားတော် (၁၃၊၈၊၂၀၀၄) အပိုင်း (၃)- ဓမ္မစေတီဆရာတော်
ကျွန်တော် အရှေ့ ပို့စ်တွေမှာ ဓမ္မစကြာ နိဒါန်းအဖြစ်နဲ့ ရေးခဲ့ပါတယ်။
သန္တိကေနိဒါန်း သဘောဖြင့် ရေးခဲ့ခြင်းဖြစ်ပါတယ်။ သန္တိကေနိဒါန်းဆိုတာက..နီးသောအကြောင်း ဖြစ်ပါတယ်။
မဟာဗောဓိမဏ္ဍိုင်မှသည် ဓမ္မစကြာဟောတော်မူခါနီးထိ အပိုင်းကို သန္တိကေနိဒါန်းဟု ဆိုပါတယ် [အရှင်ဇနက ဓမ္မစကြာတရား]။
ဓမ္မစကြာ၏ နီးသောအကြောင်းများအဖြစ်နဲ့
သတ္တဋ္ဌာန ဗုဒ္ဓ၀င်၊ မြတ်ဗုဒ္ဓ နှင့် သဟမ္ပတိဗြဟ္မာကြီး၊ တရားဦးဟောရန် ဆင်ခြင်တော်မူခြင်း၊ တရားဦးဟောရန် ကြွချီတော်မူခြင်း၊ မိဂဒါဝုန်တောသို့ ရောက်တော်မူုခြင်း..စတဲ့ ပို့စ် (၅)ခုကို ကျွန်တော် ရေးခဲ့ပါတယ်။
အခုတော့..ထိုနိဒါန်းများ ရေးတာပြီးသွားပြီဖြစ်တဲ့အတွက်..ဓမ္မစကြာ တရားတော်ဆီရောက်ပါပြီ။..

[img: မြန်မာကျူးပစ်မှ ရယူထားသည်။]
မဟာသက္ကရာဇ် (၁၀၃)၊ ၀ါဆိုလပြည့်နေ့ ဖြစ်သည်။
ထိုနေ့၏ ညနေချမ်း နေ၀င်တော့မည့် ဆဲဆဲ အချိန်လေးဖြစ်၏။ ထိုညနေချမ်းအချိန်လေးမှာ…အနောက် လောကဓာတ်တွင် သူရိယနေမင်းကြီးက..၀င်လုခါနီးဆဲဆဲဖြစ်နေပြီ၊ အရှေ့လောကဓာတ်မှလည်း စန္ဒာလမင်းကြီးက..စတင်ပေါ်ထွက်လာလေပြီ။ နေမင်း၏ အရောင် နှင့် လမင်း၏ အရောင်တို့က ကောင်းကင်တခွင်ကို လှပစွာ အလှဆင်ထားလေသည်။
ထိုအချိန်အခါသမယ၊ မိဂဒါဝုန်တောဝယ် ပို၍ပင် သာယာကြည်နူးဖွယ်ပင်ဖြစ်၏။
မြတ်ဗုဒ္ဓ သည် ပဉ္စ၀ဂ္ဂီတို့အား တရားဦးဟောပေတော့မည်။ မြတ်ဗုဒ္ဓတရားဦးအတွက် နတ်ဗြဟ္မာများသည်လည်း တရားနာရန် ကြိုတင်၍ နေရာယူထားကြပြီးဖြစ်၏။ တရားဦးစခါနီးမှ အားခဲပြီး ရောက်ရှိလာသော နတ်ဗြဟ္မာများသည်လည်း နေရာယူနေကြပြီ။ အရေအတွက်အားဖြင့် နတ်ဗြဟ္မာပေါင်း (၁၈) ကုဋေမျှပင် ရှိသည်။ ထိုတရားနာပရိသတ်တို့တွင် လူသာမာန်အားဖြင့် ပဉ္စ၀ဂ္ဂီ ငါးဦးသာ ရှိသည်။ မြတ်ဗုဒ္ဓက..ပဉ္စ၀ဂ္ဂီတို့ ရိုရိုသေသေ ခင်းပေးထားသော နေရာထိုင်ခင်းတွင် ထိုင်တော်မူ၊ ပဉ္စ၀ဂ္ဂီတို့က မြတ်ဗုဒ္ဓ ရှေ့မှောက်တွင် နေရာယူထားလို့၊ နတ်ဗြဟ္မာများမှာတော့ ဘုရားကိုယ်တော်မြတ်၏ ၀ဲယာ အနောက်ဘက် ၀န်းကျင်တို့တွင် အသီးသီး အရိုအသေပြု နေရာယူထားကြလေပြီ။ ပဉ္စ၀ဂ္ဂီတို့ နှင့် နတ်ဗြဟ္မာအားလုံးတို့က..မြတ်ဗုဒ္ဓ၏ နုတ်တော်မှ ထွက်ပေါ်လာမယ့် တရားဦး ကို အာရုံစိုက်ထား၊ မျှော်လင့်နေကြလေ၏။ ဘေးပတ်ဝန်းကျင်မှလည်း အနှောက်ယှက် အသံဗလံများ မရှိဘဲ၊အေးချမ်း တိတ်ဆိတ် သာယာနေလေသည်။
ထိုအချိန်အခါဝယ်..မြတ်ဗုဒ္ဓက..
ဒွေ မေ ဘိက္ခဝေ အန္တာ ပဗ္ဗဇိတေန န သေ၀ိတဗ္ဗာ
ဟု စတင် တရားဟောလေပြီ။
မြတ်ဗုဒ္ဓ၏ နုတ်တော်မှ ထွက်ပေါ်လာသော ထိုစာပိုဒ်လေးသည်..စကြာဝဠာတိုက် (၁)သောင်းမှ နတ်ဗြဟ္မာများ ကြားအောင် ပျံ့နှံ့ထွက်ပေါ်သွားပါတော့၏။ ဂေါတမမြတ်ဗုဒ္ဓသာသနာတွင်.. တရားဟောသောအနေဖြင့် ပထမဆုံးထွက်ပေါ်လာသော တရားသံဖြစ်၏။ ပထမဆုံး ဓမ္မဖြစ်၏။ ထိုပါဠိတော်စာပိုဒ်လေးဖြင့် မြတ်ဗုဒ္ဓက..သာသနာတော်ကို စတင်လိုက်လေပြီ။
အဓိပ္ပါယ်မှာ…
ဘိက္ခဝေ ရဟန်းတို့၊ အို ချစ်သားတို့..
ရဟန်းအဖြစ်သို့ ကပ်ရောက်ပြီးသော ပုဂ္ဂိုလ်သည် (၂)ပါးသော ဤတရားအစုတို့ကို မမှီဝဲအပ်ကုန်
ရဟန်းတော်ဆိုတာ ဤဆိုလတံ္တ့သော တရား (၂)မျိုးတို့ကို မမှီဝဲ မသုံးစွဲကောင်းဘူး။
ဟု အဓိပ္ပါယ်ရလေသည်။
မမှီဝဲ မသုံးစွဲကောင်းသော ဤတရား(၂)မျိုးဆိုသည်မှာ..
- ကာမသုခလ္လိကာနုယောဂ နှင့်
- အတ္တကိလမထာနုယောဂ ..တို့ဖြစ်၏။
ပါဠိစာလုံး အန္တ ဆိုသည်မှာ အယုတ်တရားများ (သို့) အစွန်းတရားများ (သို့) အဖို့ အစု တရားများဟုခေါ်၏။ (ဓမ္မစေတီဆရာတော်)
ပထမ အဖို့အစု တရားဖြစ်သော ကာမသုခလ္လိကာနုယောဂ အကျင့်ဆိုသည်မှာ..
ကာမဂုဏ်အာရုံတို့၌ သာယာတပ်မက်နှစ်သက်ပြီး ခံစားနေခြင်းဖြစ်၏။ ကာမဂုဏ်ကို မှတ်သားထားခြင်း၌ အကြောင်းခံသော အကျင့်ဖြစ်၏။ ၀တ္ထုကာမတို့ကို ကပ်ညိနေခြင်း ဖြစ်၏။ (ဓမ္မစေတီဆရာတော်)
လိုချင်နှစ်သက်ဖွယ်ဖြစ်သော အဆင်း အသံ အနံ့ အရသာ အတွေ့ ဆိုသော အာရုံတို့ကို ၀တ္ထုအာရုံကာမဂုဏ် များဟု ခေါ်၏။ ထို ၀တ္ထုအာရုံ ကာမဂုဏ်တို့ကို နှစ်သက်သာယာခြင်း ၊ထို ကာမဂုဏ်ချမ်းသာတို့ကို တိုးပွားအောင် ပြုလုပ်၊ ကျင့်ကြံ ကြိုးကုတ် အားထုတ်နေခြင်းကို ကာမသုခလ္လိကာနုယောဂ အကျင့်ဟု ခေါ်၏။ (မဟာစည်ဆရာတော်)
ထိုအကျင့်ကို ကျင့်နေခြင်းသည်..
1. ယုတ်ညံ့၏
2. ရိုင်းလည်းရိုင်းပြ၏
3. ပုထုဇဉ်လူတို့ သူသူ ငါငါ နှင့် ဆက်ဆံသော အလုပ်မျိုးလည်း ဖြစ်၏
4. အရိယာတို့၏ အကျင့်လမ်းစဉ်လည်း မဟုတ်ပေ
5. အကျိုးမဲ့နှင့်သာ စပ်ဆိုင်၏ (၀ါ) အကျိုးမဲ့ကိုသာ ဖြစ်စေတတ်၏
ထို့ကြောင့် ရှောင်ကြဉ်ရမည့် ပထမ အဖို့အစု တရားပင်ဖြစ်၏။
ဒုတိယအဖို့အစုတရား ဖြစ်သော အတ္တကိလမထနုယောဂအကျင့်ဆိုသည်မှာ…
မိမိကိုယ်ကို အလွန်အကျွံ ပင်ပန်းဆင်းရဲခံ ကျင့်ကြံအားထုတ်သော အကျင့်မျုိုးတို့ဖြစ်၏။ ဥပမာဆိုရလျင်..
ကိလေသာ ကုန်ခမ်းသွားအောင် ဆူးပေါ်၌ အိပ်ခြင်း၊ ပူအိုက်သော ရာသီတွင် အရပ်လေးမျက်နှာ မီးပုံကြီးများ အလယ်၌ ကိလေသာကုန်သွားအောင် အပူခံခြင်း၊ အလွန်အေးသော အချိန်၌ ကိလေသာကုန်သွားအောင် မြစ်ထဲသို့ ရေချိုးဆင်းခြင်းတို့ဖြစ်၏။
ထို့ကြောင့် ထိုအကျင့်တို့သည်..အလေ့အစွဲ အကျင့်စွဲတို့ကို အမှီပြု၍၊ အကြောင်းခံ၍ မှားယွင်းစွာ ကျင့်ကြံခြင်း၊ ခန္ဓာကိုယ်၌ မှန်ကန်သော လွတ်မြောက်မှုကို မှားယွင်းစွာ ရှာခြင်းပင်ဖြစ်၏။ ပဋိစ္စသမုပ္ပါဒ်အားဖြင့် ဆိုရလျင်..အ၀ိဇ္ဇာဦးဆောင် တဏှာနောက်လိုက်ဖြစ်သော လမ်းစဉ်မျိုးဖြစ်၏။ (ဓမ္မစေတီဆရာတော်)
ထိုအကျင့်မျိုးကို ကျင့်ကြံအားထုတ်ခြင်းသည်လည်း..
1. ဆင်းရဲကိုသာ ဖြစ်စေတတ်၏။
2. အရိယာတို့၏ အကျင့်လမ်းစဉ်လည်း မဟုတ်ပေ။
3. အကျိုးမဲ့ကိုသာ ဖြစ်စေတတ်၏။..
ထို့ကြောင့် ဒုတိယ အဖို့အစု တရားဖြစ်သော အတ္တစွန်းကိုလည်း ရှောင်ကြဉ်ရမည်။
ကာမသုခလ္လိကာနုယောဂအကျင့် ဆိုသည်မှာ ကာမစွန်း ဖြစ်၏။
အတ္တကိလမထာနုယောဂအကျင့်ဆိုသည်မှာ အတ္တစွန်း ဖြစ်၏။
တရားသဘောအားဖြင့်
ကာမစွန်း ဆိုသည်မှာ လောဘပင်ဖြစ်၏။ အတ္တစွန်း ဆိုသည်မှာ ဒေါသ ကို ညွှန်းဆိုသည်။
ထိုသို့ လောဘဘက်ကိုလည်း မလိုက်..ဒေါသဘက်ကိုလည်း မလိုက်ဘဲ..အလယ်လမ်း အကျင့်ဖြစ်သော မဇ္စျိမပဋိပဒါအကျင့်မြတ်ကို မြတ်ဗုဒ္ဓက..ကိုယ်ပိုင်ဥာဏ်ဖြင့် ပိုင်းခြားထင်ထင် သိအပ်မြင်အပ်ခဲ့လေပြီ။
ထို မဇ္ဈိမ ပဋိပဒါအကျင့်မြတ်ကို ကျင့်ကြံခြင်းဖြင့် ရရှိနိုင်သော ဂုဏ်ထူးတို့မှာ..
- ဥာဏ်မျက်စိကို ပြုတတ်ခြင်း
- ကိလေသာခပ်သိမ်း ကင်းဝေးစေတတ်ခြင်း၊ ငြိမ်းအေးစေတတ်ခြင်း
- ထူးသောဥာဏ်ဖြင့် သိအပ်မြင်အပ်ခြင်း
- မဂ်ဥာဏ်ဖြင့် သစ္စာ (၄)ပါးတို့ကို သိမြင်နိုင်ခြင်း
- နိဗ္ဗာန်သို့ မျက်မှောက်ပြုနိုင်ရန် အကျိုးပေးခြင်း ..တို့ဖြစ်၏။
ထို့သို့ နိဗ္ဗာန်တိုင်အောင် အကျိုးပေးနိုင်သော အလယ်အလတ် လမ်းစဉ်မှာ..မဂ္ဂင် (၈)ပါးပင် ဖြစ်၏။ မဂ္ဂင် (၈)ပါး တို့မှာ..
- သမ္မာဒိဋ္ဌိ
- သမ္မာသင်္ကပ္ပ
- သမ္မာဝါစာ
- သမ္မာကမ္မန္တ
- သမ္မာအာဇီဝ
- သမ္မာဝါယာမ
- သမ္မာသတိ
- သမ္မာသမာဓိ….
တို့ပင် ဖြစ်လေသည်။
.....................................
အောက်ပါတရားတော်များမှ စီကုံးရေးသားခြင်းဖြစ်သည်။
ဓမ္မစကြာတရားတော် အပိုင်း ၃[mp3]- မင်းကွန်းဆရာတော်ဘုရားကြီး
ဓမ္မစကြာတရားတော်[pdf]- မဟာစည်ဆရာတော်ဘုရားကြီး
ဓမ္မစကြာတရားတော် [mp3]- ဓမ္မစေတီဆရာတော် ဘဒ္ဒန္တ ကောသလ္လ
(မှတ်ချက်၊ အထက်ပါ ပန်းချီကားအား ကြည်ညိုသဖြင့် ဖော်ပြထားခြင်းဖြစ်သည်။
အမှန်အားဖြင့် ပဉ္စ၀ဂ္ဂီ (၅)ပါးတို့မှာ..တရားဦးနာစဉ်က..၀ိနည်းတော်ရဟန်းများမဖြစ်သေးပါ။ ထိုစဉ်က ပဉ္စ၀ဂ္ဂီငါးပါးတို့မှာ သာသနာတွင်း ရဟန်းများမဟုတ်သေးဘဲ၊ သာသနာပရဟန်းများသာဖြစ်၏ဟု မဟာစည်ဆရာတော်ဘုရားကြီး ဓမ္မစကြာတရားတော်ထဲ၌ ရေးသားထားပါသည်။ ထုိ့အပြင်..မြတ်ဗုဒ္ဓ နုတ်တော်ထွက် ဖြစ်သော..
ပဗ္ဗဇိတ ဟူသော ပါဠိပုဒ်၏အဓိပ္ပါယ်မှာ....လူလောကသံယောဇဉ်ကို စွန့်ခွါထား၍ လွတ်မြောက်မှုကို ရှာဖွေနေသော ပုဂ္ဂိုလ်ကိုသာ ရည်ရွယ်ပါသည်ဟု..ဓမ္မစေတီဆရာတော် တရားတော်ထဲတွင်လည်း ဟောထားပါသည်။ ၎င်းတို့ကို ထောက်သောအားဖြင့်..ပဉ္စ၀ဂ္ဂီတို့မှာ..တရားဦးဓမ္မစကြာနာစဉ်က..၀ိနည်းရဟန်းအသွင်..မဖြစ်နိုင်ပေ။ ဆံပင်ရှည်များလည်း ရှိနိုင်ပါသည်။ မုတ်ဆိတ်ကြင်စွယ်တို့လည်း ရှိနိုင်ပါသည်။ တခြားအရောင် အ၀တ်ကိုလည်း ၀တ်ဆင်ထားနိုင်ပါသည်။ )
(ယခင်ပို့စ်မှ အဆက်)
ဥပကတက္ကတွန်း နှင့် တွေ့ဆုံပြီးနောက်…သဗ္ဗညုမြတ်ဗုဒ္ဓလည်း အစဉ်သဖြင့် ခရီးဒေသစာရီ ဆက်လက် ကြွချီတော်မူလေသည်။ ရည်ရွယ်ရာ ဗာရာဏသီမြို့ မိဂဒါဝုန်တောအတွင်းသို့ ရောက်လေပြီ။ ပဉ္စ၀ဂ္ဂီတို့ ရှိနေရာ အရပ်ဖြစ်၏။ ပဉ္စ၀ဂ္ဂီငါးပါးတို့လည်း ခပ်လှမ်းလှမ်းမှ ဘုရားကိုယ်တော်မြတ်ကြွလာသည်ကို မြင်နေရလေပြီ။ သို့ရာတွင် သူတို့အမြင်မှာတော့ ရဟန်းကြီးဂေါတမအဖြစ်ပဲ မှတ်ထင်နေကြသည်။ ဘုရားအဖြစ်မှန်း သူတို့ မသိသေးပေ။ ထိုသို့ခပ်လှမ်းလှမ်းမှ မြင်လျင်ပဲ သူတို့ ၅ပါး အချင်းချင်း ကတိက၀တ် (စည်းကမ်းများ) သတ်မှတ်ကြလေသည်။ သူတို့၏ ကတိက၀တ်မှာကား..
ငါရှင်တို့ ဟောဟိုမှာ…ပစ္စည်းလာဘ်လာဘတွေ ပေါများအောင် ကျင့်ကြံအားထုတ်နေသော..ကမ္မဋ္ဌာန်းအလုပ်မှ လျှောကျလေပြီးဖြစ်သော ကမ္မဋ္ဌာန်းလူထွက်ကြီး ရဟန်းဂေါတမ လာနေလေပြီ။
ထိုရဟန်းကြီးဂေါတမကို မရှိခိုးကြနဲ့၊ ခရီးဦး မကြိုဆိုကြနဲ့၊ သပိတ်သင်္ကန်းကို လှမ်းမယူကြနဲ့
သိုပေမယ့် သူထိုင်ချင်ရင် ထိုင်လို့ရအောင် နေရာလေးတော့ ထားပေးလိုက်ကြပါစို့….ဟု..
ခပ်စောစောတည်းက..သူတို့ဘာသာသူတို့ ဣနြေ္ဒရရ ကတိက၀တ်များ ပြုထားကြလေသည်။ ဒီလို ကတိက၀တ်တွေ သတ်မှတ်ပေမယ့်လည်း တကယ်တော့ သူတို့ငါးပါး၏စိတ်ထဲတော့ မြတ်ဗုဒ္ဓအပေါ် ချစ်ခြင်း တကယ် မကင်းနိုင်သေးပေ။ အင်တင်တင်ဖြင့် ဟန်လုပ်နေကြခြင်းပင်ဖြစ်၏။
သဗ္ဗညုမြတ်ဗုဒ္ဓလည်း တလှမ်းပြီးတလှမ်း သူတို့ရှိရာသို့ ချဉ်းကပ်လာလေပြီ။ ထိုသို့ တလှမ်းပြီးတလှမ်း နီးကပ်လာလေလေ..သူတို့ ဆောက်တည်ထားတဲ့ ကတိက၀တ်တွေ အလိုလိုလျှော့ကျ သွားလေတော့၏။ မြတ်ဗုဒ္ဓ၏ တန်ခိုးတော်ပင်ဖြစ်၏။ မြတ်ဗုဒ္ဓ၏ တန်ခိုးတော်ကြောင့် သူတို့ သဘောတူ သတ်မှတ်ထားသော ကတိက၀တ်များ ပျက်လေပြီ။
ထို့ကြောင့် ရှေ့ဆုံးမှ ကိုယ်တော်ကစပြီး ကတိက၀တ်ကို ပျက်လေပြီ။ ဘယ်လိုမှ ဘယ်လို ထကြွလိုက်မှန်းမသိနိုင်အောင်ဘဲ မြတ်ဗုဒ္ဓအား..လှမ်းပြီး ခရီးဦး ကြိုဆိုလေသည်။
ရှေ့ဆုံးကိုယ်တော်က..ကတိက၀တ်ပျက်လေတော့ နောက်နားမှကိုယ်တော်တပါးကလည်း မြတ်ဗုဒ္ဓ၏ သပိတ်သင်္ကန်းကို လှမ်းယူ ကြိုဆိုလေပြန်သည်။
နောက်တတိယကိုယ်တော်ကလည်း ဟိုကိုယ်တော်မှ သပိတ်သင်္ကန်းလှမ်းပြီး အရိုအသေပြုလျင် ငါလည်း.အရိုအသေပေးဦးမည်ဆိုပြီး..နေရာထိုင်ခင်းပေးပြန်လေသည်။
နောက် စတုတ္ထကိုယ်တော်သည်လည်း ဘုရားကိုယ်တော်မြတ် ခြေတော်ဆေးဖို့ရန် ခြေဆေးရေကို သွားခပ်လေသည်။
နောက်ဆုံးကိုယ်တော်တစ်ပါးကလည်း ဘုရားကိုယ်တော်မြတ် သုံးစွဲဖို့ရန် ခြေဆေးအင်ပျဉ် ခြေပွတ်အိုးခြမ်းတို့ကို ယူလာလေ၏။
သူတို့၏ သတ်မှတ်ထားသော ကတိက၀တ်များပျက်ပြီး… အသီးသီး အရိုအသေ ပြုကြလေတော့သည်။ နေရာထိုင်ခင်း၌ ဘုရားကိုယ်တော်မြတ် ထိုင်တော်မူပြီးနောက် ..ပဉ္စ၀ဂ္ဂီတို့က စတင် စကားပြောကြသောအခါ..
ငါ့ရှင် ဂေါတမ ကျွန်ုပ်တို့ ဟိုတုန်းက ငါ့ရှင်ကို ရေပူရေချမ်း ကမ်းလှမ်းပြီးတော့ ပြုစုခဲ့ကြတယ်နော်၊ ကျွန်ုပ်တို့ ထွက်ခွါသွားသောအခါ ဘယ်သူကများ ပြုစုပါသလဲ..ငါ့ရှင်စိတ်ထဲမှာ ဘယ်လိုများဖြစ်သတုန်းဟု..ပြောဆိုမေးမြန်းကြ၏။
ထို့သို့ သူတို့ ပြောဆိုမေးမြန်းစကားအခွန်းတိုင်းမှာ ငါ့ရှင်ဂေါတမ ငါ့ရှင်ဂေါတမဟု အမည်တော်တပ်ပြီး.. ပြောဆိုကြ၏။ တန်းတူသဖွယ်သဘောထားပြီး သူနှယ်ငါ့နှယ် ပြောဆိုနေကြခြင်းဖြစ်၏။ သူတော်ကောင်းဘက်မှကြည့်လျင် အင်မတန်ရိုင်းပြသော စကားအသုံးအနှုံးဖြစ်၏။ ထိုအခါ သဗ္ဗညုမြတ်ဗုဒ္ဓက….
ဘိက္ခဝေ ရဟန်းတို့..ရှေးဘုရားတို့နှင့် အလားတူဖြစ်သော ငါ့ကို..ဂေါတမ ဂေါတမ ဆိုပြီး အမည်ရင်းဖြင့် မသုံးနှုံးကြနဲ့ မခေါ်ဝေါ်ကြနဲ့။ အဂါရ၀ ဖြစ်မယ်။ ငါ့ရှင်လို့လည်း မပြောကြနဲ့။ ရဟန်းတို့ ငါသည်ကား..
အရဟံ - ပူဇော်အထူးကို ခံထိုက်သော ဘုရားဖြစ်ပြီ။ အရဟံဂုဏ်တော်ရှင် ဖြစ်ပြီ။
တထာဂတော - ရှေးဘုရားတို့နှင့် အလားတူဖြစ်ပြီ။
သမ္မာသမ္ဗုဒ္ဓ - ကိုယ်တိုင် မှန်စွာသိသော ဘုရား ဖြစ်ပြီ။
ရဟန်းတို့ နားစိုက်ထောင်ကြကုန်။ ငါဘုရား တရားဟောမယ်။ ငါဘုရား ဆုံးမတဲ့အတိုင်း သင်ချစ်သားတို့ လိုက်နာပါမူကား..အမျိုးကောင်းသား သင်ချစ်သားတို့ လိုလာတောင်းတအပ်သော အရဟတ္တမဂ်ဖိုလ်ကို မျက်မှောက်ဘ၀၌ပင် ရောက်၍ ရ၍ ပြည့်စုံကြပေလိမ့်မည်…
ဟု ရဲရဲတင်းတင်း မိန့်တော်မူလေ၏။
မြတ်ဗုဒ္ဓက..ထိုသို့ မိန့်တော်မူသော်လည်း ပဉ္စ၀ဂ္ဂီတို့က..ဘုရားဟု မယုံကြည်နုိင်ကြသေးပေ။ ထို့ကြောင့် အခုလို ပြန်လည် လျောက်ထားလေသည်။
ငါ့ရှင်ဂေါတမ ဒီလောက်လည်းပဲ အပြောမကြီးပါနဲ့ဦး…ဟိုတုန်းက..ဥရုဝေဠတောမှာ တရားအားထုတ်စဉ်..အစာ မစားဘဲ ခဲခဲ ယဉ်းယဉ်း တရားအားထုတ်စဉ်ကမှ သဗ္ဗညုမြတ်ဗုဒ္ဓ မဖြစ်ပါဘဲ..အခု ကမ္မဋ္ဌာန်းကလျှောကျ တဲ့အခါကျမှ၊ ပစ္စည်းလာဘ်လာဘ ပေါများအောင် အားထုတ်တဲ့သူဖြစ်မှ အဘယ်မှာ သဗ္ဗညုတဥာဏ်တော်ကို ရနိုင်ပါမလဲ၊ အဘယ်မှာ တရားထူး တရားမြတ်တို့ကို ရနိုင်ပါမလဲ
ဟု ပြန်လည် ပြောဆိုလေသည်။ သူတို့၏ စိတ်ထဲ ရှိတဲ့အတိုင်း ရိုးရိုးပဲ ပြောဆိုလိုက်ခြင်းဖြစ်၏။
သူတို့ အခုလို မြတ်ဗုဒ္ဓအပေါ်၌ အထင်အမြင် ပြောင်းလဲ သွားခြင်းမှာလည်း အံ့သြဖွယ်ပင်ဖြစ်၏။ ဟိုအရင် ဘုရားအလောင်းတော်ငယ်စဉ်ကတည်းကပင်..သူတို့က..ဘုရားအလောင်းတော်အား သေချာပေါက် မြတ်ဗုဒ္ဓဖြစ်လိမ့်မည်ဟု တွက်ချက် ပြောထားခဲ့ပြီးဖြစ်၏။ ထို့်ကြောင့်လည်း ဘုရားအလောင်းတော်အား ဥရုဝေဠတောမှနေ၍ ကြိုတင် စောင့်ကြိုနေခဲ့ကြသည်။ ဘုရားအလောင်းတော် ဒုက္ကရစရိယာအကျင့်ကို ကျင့်သောအခါ၌လည်း ၀တ်ကြီးဝတ်ငယ်ပြုစုခဲ့ကြသေး၏။ သို့ပေမယ့် အလောင်းတော် ထိုအကျင့်မှ ထွက်ပြီး အစာ အနည်းငယ် ပြန်လည်စားသုံးသောအခါ..သူတို့သည် ဘုရားအလောင်းတော်အပေါ် ဘုရားဖြစ်မည်ဟု ယုံကြည်ချက်မထားတော့ပေ။ သူတို့ မူလ တွက်ချက်ထားသော ဟောပြောချက်ကိုပင် မယုံကြည်ကြတော့ပဲ ဘုရားအနီးမှ ထွက်ခွာခဲ့ခြင်းဖြစ်၏။ ထိုသို့ သူတို့ ယုံကြည်ချက်များ ပြောင်းလဲသွားခြင်းမှာ..သူတို့၏ အမြင်မှား အယူမှားခြင်း၌အခြေခံ၏။ သူတို့ အမြင်မှားကား..ဒုက္ကရစရိယအကျင့်အား ကျင့်စဉ်မှန်ဟု စွဲလမ်း ယုံကြည်ထားခြင်းဖြစ်၏။ ထိုအကျင့် ကျင့်မှသာလျင် တကယ်ပင် ဘုရားဖြစ်နိုင်၏ဟု လက်ခံထားသော အယူမှားပင်ဖြစ်၏။ မြတ်ဗုဒ္ဓဟောပြောမှသာလျင် သူတို့လည်း ထိုအကျင့်ကို အတ္တကိလမထ အကျင့်မှားမှန်း သိကြပေလိမ့်မည်။
ထိုသို့ ပဉ္စ၀ဂ္ဂီတို့က..ပြန်လည်ပြောဆိုသော စကားအပေါ်.. မြတ်ဗုဒ္ဓက ပြန်လည်၍ အခုလိုမိန့်တော်မူသည်။..
ရဟန်းတို့ ရှေးဘုရားတို့နှင့် နည်းတူ လာခြင်းကောင်းသော ငါဘုရားသည်..သင်ချစ်သားတို့ ထင်နေသလို..ကမ္မဋ္ဌာန်းအလုပ်မှ လျောကျတဲံ့သူလည်း မဟုတ်ပေဘူး၊ ပစ္စည်းပေါများအောင် အားထုတ်သောသူလည်း မဟုတ်ဘူး၊
ငါသည်ကား..အရဟံ၊ သမ္မာသမ္ဗုဒ္ဓ၊ တထာဂတ ဂုဏ်ရှင် စင်စစ် ဧကန် ဘုရားဖြစ်၏။ အမြိုက်နိဗ္ဗာန်ကို ငါကိုယ်တိုင် သိအပ်မြင်အပ်ခဲ့ပြီ။ ချစ်သားတို့ နားစိုက်ထောင်ကြ၊ ငါဘုရား ဆုံးမမယ်။ တရားဟောမယ်။ ငါဘုရားဟောတဲ့အတိုင်း သင်ချစ်သားတို့ လိုက်နာကြလျင် သင်ချစ်သားတို့ လိုလားတောင့်တအပ်သော အရဟတ္တမဂ်ဖိုလ်ကို ပစ္စကဘ၀မှာပင် ရနိုင် ရောက်နိုင်မည်…ဟု..
ပြန်လည်မိန့်တော်မူလေသည်။
ဒုတိယအကြိမ်တွင်လည်း ပဉ္စ၀ဂ္ဂီတို့က ရှေးကအတိုင်းပင် အဘယ်မှာ သဗ္ဗညုမြတ်ဗုဒ္ဓဖြစ်နိုင်ပါမလဲဟု..ပြန်လည်ပြောဆိုပြန်သည်။
မြတ်ဗုဒ္ဓကလည်း အထက်ကအတိုင်း ရှေးစကားအတိုင်းပင် ပြန်လည်မိန့်တော်မူ၏။
ထို့နောက် တတိယအကြိမ်တွင်လည်း ပဉ္စ၀ဂ္ဂီတို့က..အရင်လို ပြန်လည်ပြောဆိုသောအခါ..မြတ်ဗုဒ္ဓက..
ချစ်သားတို့ ငါဘုရား..ယခင်က..သင်တို့နှင့်အတူရှိခဲ့စဉ်က...ဤသို့သောစကားမျိုးကို ပြောခဲ့ဖူးသလား၊ စဉ်းစားကြလော့၊
သင်ချစ်သားတို့ကို ငါဘုရားက အထင်ကြီးစေအောင်..
ကိုယ်ယောင်ကိုယ်ဝါတွေမရှိဘဲနဲ့ ကိုယ်ယောင်ကိုယ်ဝါတွေ ရနေပြီလို့၊
ငါ့မှာ အာရုံနိမိတ်တွေ ထင်နေပြီလို့..စသဖြင့် အထင်ကြီးအောင် ၀ါကြွားပလွှား ပြောခဲ့ဖူးသလား
အဲလိုစကားများ သင်တို့ ဟိုတချိန်က..ငါပြောခဲ့တာကို ကြားခဲ့ဖူးသလား..
ဟုမိန့်တော်မူလေသည်။
ထိုအခါကျမှ ပဉ္စ၀ဂ္ဂီတို့လည်း ..ဟုတ်တယ် ရှေးတုန်းက..ဒီလို စကားမျိုးတွေ မပြောခဲ့ဖူးဘူး။..ဟိုတုန်းက..တရားထူးကို မတွေ့ရ မသိရသေးလို့ မပြောခဲ့တာပဲ ..အခုပြောတာကတော့..တကယ်ကို သိမြင်လာလို့ သဗ္ဗညုဘုရားဖြစ်ပြီလို့ ရဲရဲတောက် ပြောတာပဲ..လို့..ဆင်ခြင်စဉ်းစားမိကြတယ်။..ထို့သို့ ဆင်ခြင်စဉ်းစားမိတော့မှပဲ..ဘုရားဟောတဲ့ တရားတော်အား နာယူဖို့ရန် စကားမပြောတော့ဘဲ စိတ်ကို ဆောက်တည်ကြလေသည်။..သူတို့စိတ်ထဲမှာ သစ္စာတရားကို သိဖို့ရန်သာ သတိဖြင့် နားစိုက်ထောင်ကြတော့သည်။ တရားနာရန် အင်္ဂါသုံးပါး သူတို့သန္တန်မှာ ရှိနေကြသည်။ ထိုအင်္ဂါသုံးပါးမှာ..
- ရိုရိုသေသေ နေထိုင်ခြင်း
- နားစိုက်ထောင်ခြင်း
- ဘုရားကိုယ်တော်မြတ် ဟောမည့် တရားကို သိဖို့ရန်သာ စိတ်ကို သတိကပ်ထားခြင်း..တို့ဖြစ်၏။…
ထိုအချိန်ကျမှ သုံးလောကထွဋ်ထား သဗ္ဗညုမြတ်ဗုဒ္ဓက..တရားဦး ဓမ္မစကြာတရားတော်ကို စတင်ဟောတော်မူလေသည်။
အောက်ပါတရားတော်အား နာယူပြီး ရေးသားထားသည်။
ဓမ္မစကြာတရားတော် (mp3) - မင်းကွန်းဆရာတော်ဘုရားကြီး
(ယခင်ပို့စ်မှ အဆက်)
အာဠာရရသေ့၊ ဥဒကရသေ့ တို့အတွက် စိတ်အကြံတွေ ဖြစ်ပြီးနောက်မှာ..မြတ်ဗုဒ္ဓသည် တရားဦးဟောရန် တရားနာပရိသတ်အတွက် ရှေ့တဆင့်တက် ဆင်ခြင်စဉ်းစားလေတော့သည်။ အဘယ်သူသည် တရားဦးနှင့် ထိုက်မည်နည်း။
ပဉ္စ၀ဂ္ဂီ (၅)ပါး ပဲ ဖြစ်၏။ ပဉ္စ၀ဂ္ဂီ တို့မှာ..
- ၀ပ္ပ
- ဘဒ္ဒိယ
- မဟာနာမ်
- အဿဇိ
- ကောဏ္ဍည
..တို့ ဖြစ်ကြသည်။
ထိုသူတို့မှာ အခြားမဟုတ်။ မြတ်ဗုဒ္ဓအလောင်းတော် ပဓာနအကျင့် အားထုတ်ခဲ့စဉ်ကာလက..ရေပူ ရေချမ်း ကမ်းလမ်းပြုစုခဲ့ပေးသော၊ ၀တ်ကြီး/၀တ်ငယ်ပြုစုခဲ့ပေးသောသူများ ဖြစ်၏။ ပဓာနအကျင့် ဆိုသည်မှာ ဒုက္ကရစရိယာအကျင့်ကို ခေါ်ဆို၏။ ထိုသူတို့၌ ကျေးဇူးရှိ၏။ မြတ်ဗုဒ္ဓအလောင်းတော်အား ပြုစုပေးခဲ့သော ကျေးဇူးပေတည်း။ မြတ်ဗုဒ္ဓသည် ကျေးဇူးကို သိတတ်ရာ၌လည်း အနှိုင်းမဲ့ဖြစ်၏။
မြတ်ဗုဒ္ဓအလောင်းတော်သည် (၆)နှစ်တိုင်အောင် ထို ဒုက္ကရစရိယာအကျင့်ကို ကျင့်ခဲ့၏။ ထိုအကျင့်သည် အတ္တကိလမထ အကျင့် တွင် အကျုံးဝင်၏။ အစွန်းရောက် အကျင့်ဖြစ်၏။ ထိုသို့ အစွန်းရောက်မှန်းကိုလည်း မြတ်ဗုဒ္ဓက..တရားဦး၌ ပြန်လည်ဟောပြလို့သာ သိရ၏။ တကယ်တော့ ထိုအချိန်က..ခေတ်စားသော အကျင့်ဖြစ်၏။ မြတ်ဗုဒ္ဓသည် ထိုအကျင့်ကို အစွန်းကုန် အားထုတ်ခဲ့ဖူး၏။ လွန်စွာ ပင်ပန်းဆင်းရဲစေသော အကျင့်ဖြစ်၏။ ထိုစဉ်က ပဉ္စ၀ဂ္ဂီ (၅)ပါးတို့သည်လည်း အမျှော်လင့်ကြီး မျှော်လင့်ကြပြီး မြတ်ဗုဒ္ဓအနားမှာပင် ပြုစုလျက် ရှိနေခဲ့ကြ၏။
ပင်ပန်းကြီးစွာ ကျင့်ရတိုင်း ဘုရားဖြစ်လျင် ငါသည် ဘုရားဖြစ်ထိုက်ပြီ..ငါ့ထက်လည်း အဘယ်သူမှ အပင်ပန်းခံ ကျင့်နိုင်ကြလိမ့်မည်မဟုတ် ခန္ဓာကိုယ်ကို ပြန်လည် မျှတအောင် အစာအဟာရ မှီဝဲပြီး တရားအားထုတ်လျင် ကောင်းပေစွ ဟု စိတ်အကြံပေါ်ပြီးသကာလ..
လုံးဝအစာမစားပဲ နေရာမှ ပြန်လည် စားသုံးခဲ့၏။ စားသုံးရသည် ဆိုသည်မှာလည်း ကုလားပဲ စွပ်ပြုပ်ရည်ကလေး၊ မပဲ စွပ်ပြုပ်ကလေး၊ (သို့) ပဲနောက် စွပ်ပြုပ်ရည်လေးမျှပင် ဖြစ်၏။ ထိုသို့ ပြန်လည် စားသုံးခြင်းအပေါ် ပဉ္စ၀ဂ္ဂီတို့သည် အထင်လွဲပြီး လက်လျော့သွားကြ၏။ ရဟန်းကြီး ဂေါတမတော့ ပဓာနအကျင့်မှ လျောကျသွားလေပြီ၊ ပစ္စည်းပေါများအောင် ဘုန်းကြီးအောင်တော့ လုပ်နေပြီဟု..သူတို့စိတ်ထဲမှာ မမျှော်လင့်တော့ဘဲ အဝေးသို့ ထွက်ခွါသွားကြတော့၏။
ယခု…မြတ်ဗုဒ္ဓ တရားဦးဓမ္မစကြာဟောမည်ဟု စိတ်ကြံသောအခါ သူတို့ ငါးပါး အနားမှာမရှိပေ။ အဘယ်အရပ်သို့ ရောက်နေပါသနည်း။ မြတ်ဗုဒ္ဓ ဒိဗ္ဗိစက္ကုအဘိဥာဏ်တော်ကို အသုံးပြုတော်မူပြီး ဆင်ခြင်လေပြီ။ သူတို့ငါးပါး ဗာရာဏသီမြို့ ဣသိပတန မိဂဒါဝုန်တောသို့ ရောက်ရှိနေကြသည်။ ဣသိပတန ဆိုသည်မှာ..ရသေ့ရဟန်း၊ ဆာဒူး၊ ပရဗိုဇ်တို့ လာရောက် အားထုတ်ရာဋ္ဌာနဖြစ်၏။ ရှေးမြတ်ဗုဒ္ဓတို့ တရားဦးဟောတော်မူရာ ဋ္ဌာနလည်း ဖြစ်၏။ မိဂဒါဝုန်တော ဆိုသည်မှာ သမင် ဒရယ် စတဲ့ တောကောင်များကို ဘေးမဲ့ပေးရာတောဖြစ်၏။ ထို ပဉ္စ၀ဂ္ဂီ ငါးပါးတို့ ရှိရာအရပ်သို့ မြတ်ဗုဒ္ဓ ကြွတော်မူရန် အချိန်တန်လေပြီ။
ထိုသို့တရားဦးဟောရန် ကြွတော်မူရာ၌လည်း ရှေးက သဗ္ဗညု ဘုရားတိုင်းသည် မိဂဒါဝုန်တောအရပ်သို့ ကောင်းကင်ခရီး ဈာန်ဖြင့် ကြွတော်မူကြသည်ချည်း ဖြစ်၏။ ဂေါတမမြတ်ဗုဒ္ဓမှာတော့ ကောင်းကင်ခရီးမှ မကြွဘဲ ခြေလျင်ခရီး ဖြင့်ပင် ကြွတော်မူသည်။ ခြေလျင်ခရီးဖြင့် ကြွခြင်းမှာ အကြောင်းရှိ၏။ လမ်းခရီးတွင် ဥပကတက္ကဒွန်းနှင့် ဆုံတွေ့ရမည် ဖြစ်သောကြောင့် ခြေလျင်ခရီးကို အသုံးပြုတော်မူခြင်း ဖြစ်၏။ သတ္တ၀ါတို့တွက် အကျိုးကျေးဇူးမဖြစ်စေဘဲ အချည်းအနှီးဖြစ်မည့်ကိစ္စ ဘယ်သောအခါမှ.. မြတ်ဗုဒ္ဓတို့ မပြုလုပ်ပေ။ ဂေါတမမြတ်ဗုဒ္ဓသည် ဘုရားရှင်အဖြစ်နှင့် အချိန်ကာလ အနည်းဆုံး နေရသော ဘုရားဖြစ်၏။ ဘုရားအဖြစ်နှင့် ၄၅ နှစ်သာ ရ၏။ ကာလမှာ တိုတောင်းလှ၏။ ထိုကာလအတွင်း လုပ်ဆောင်ရသော လုပ်ငန်းမှာတော့ များပြားလှပေ၏။ ရှေးသက်တော်ရှည် ဘုရားများနှင့် လုပ်ငန်းဆောင်တာမှာ အတူတူပင် ဖြစ်၏။ ထိုအချိန်တိုလေးအတွင်းမှာ ပြည့်စုံအောင် ဆောင်ရွက်ခဲ့ရ၏။ ချေချွတ်သင့်သော သတ္တ၀ါဝေနေယျကို တစ်ယောက်/တစ်ပါး မကျန်အောင် ဆင်ခြင်ရ၏..ဆင်ခြင်ပြီးသကာလ ထိုသူတို့ဆီသို့ ပင်ပင်ပန်းပန်းဖြင့် ကြွတော်မူ၍ တရားဟောရသေး၏။ ထိုကဲ့သို့ မနားမနေ သတ္တ၀ါတို့အား သံသရာခရီးခဲကြီးမှ ကယ်တင်ပေးနေသည့်ကြားမှ ခန္ဓာကိုယ်ရှိနေသေးသည့် အတွက် ကိုယ်တော်မြတ်ကိုယ်တိုင် ခန္ဓာဒုက္ခတို့ကို ခံစားရသေး၏။ ခဏခဏခံစားရသော ခါးတော်နာရသော ဒုက္ခ နှင့် ခေါင်းတော်ခဲရသော ဒုက္ခများဖြစ်၏။ ၀ဋ်များပင်ဖြစ်၏။
ယခု ဥရုဝေဠတောမှ မိဂဒါဝုန်တောသို့ တရားဦးဟောရန် ကြွတော်မူသောအခါတွင်လည်း ပင်ပင်ပန်းပန်း ခြေလျင်ခရီးဖြင့်ပင် ကြွတော်မူရသည်။ ထိုခရီးမှာလည်း ဝေး၏။ (၁၈)ယူဇနာ ဝေးသည်။ မိုင်အားဖြင့်ဆိုလျင် (၁၄၂)မိုင် ဝေးကွာသည်။
ထိုမျှလောက်ဝေးကွာသော ခရီးကို ကြွတော်မူစဉ် လမ်းခုလတ်တွင် ဥပက တက္ကတွန်းနှင့် တွေ့ခဲ့သည်။ ဥက တက္ကတွန်းသည် အ၀တ်မ၀တ်ဘဲ ကျင့်နေကြသော ဂိုဏ်းမှ ဖြစ်၏။ ထိုဂိုဏ်းကို ဂျိန်းဂိုဏ်းဟုခေါ်၏။ ထိုဂိုဏ်း၏ ဆရာကြီးမှာ နာဋပုတ္တ ဖြစ်သည်။
ထို ဥပကတက္ကတွန်းသည် မြတ်ဗုဒ္ဓကို မြင်သောအခါ..
ငါ့ရှင်ကြည့်ရတာ ဣနြေ္ဒတွေ တည်ငြိမ်ပါပေတယ်၊ ကြည်လင်သန့်ရှင်းလှပါပေတယ်။ အရေအဆင်းကလည်း သန့်ရှင်းဖြူစင်ပါ၏။ အပြစ်ကင်းစင်လှပါပေ၏။
ငါ့ရှင်.. အဘယ်သူ့ကို ရည်ညွှန်းပြီး ရဟန်းပြုသလဲ၊ သင့်ဆရာ အဘယ်သူလဲ၊ ဘယ်သူ့တရားတွေကို သင်နှစ်သက်ပါသလဲ ဟု
မေးလေ၏။
သူမေးသော ပုံစံမှာ လူသာမာန်တို့ အတန်းအစား သဘောထားပြီး သူနှယ်ငါ့နှယ်ဖြင့် မေးမြန်းလိုက်ခြင်းပင်ဖြစ်၏။
ထိုအခါ သဗ္ဗညုမြတ်ဗုဒ္ဓက…ရဲရဲတောက် ပြန်လည် မိန့်ကြားလေသည်…
ငါသည် အလုံးစုံသော တရားတို့ကို လွှမ်းမိုးစိုးပိုင်သော သူဖြစ်ပေ၏။ အဘယ်သူသည် ငါ့အပေါ်၌ ဆရာဖြစ်ရပါ့မလဲ။ ရှိရှိသမျှ တရားတွေအပေါ်မှာ အနိစ္စ၊ ဒုက္ခ၊ အနတ္တ ဆိုတဲ့ လက္ခဏာသုံးပါးကို အလိုရှိလေသမျှ ပိုင်ပိုင်နိုင်နိုင်ဖြင့် သုံးသပ်နိုင်တဲ့ အရည်အချင်းရှိတဲ့အတွက် တရားအလုံးစုံအပေါ်မှာ ငါသည် လွှမ်းမိုး စိုးပိုင်နိုင်၏။ အလုံးစုံသော တရားတို့ကို အရဟတ္တဖိုလ်ပေါက် အသိဥာဏ်ရောက်ပြီးသူ ဖြစ်၏။ သိပြီးသား ပိုင်နိုင်ပြီးသား ဖြစ်ပေ၏။
ငါ့မှာ တဏှာ၊ မာန၊ ဒိဋ္ဌိ တွေ မငြိကပ်ဘူး။ တွယ်တာတပ်မက်တတ်တဲ့ တဏှာကို ဖယ်ရှားပြီးသောသူ ဖြစ်တဲ့အတွက်ကြောင့် တဏှာကုန်ရာ နိဗ္ဗာန်သို့ ညွှတ်သူ ကိုင်းသူ ဖြစ်၏။
ကိုယ်ပိုင်ဥာဏ်ဖြင့် နိဗ္ဗာန်ပရမတ်ကို ပိုင်းခြားထင်ထင် သိမြင်ပြီးဖြစ်တဲ့အတွက် အဘယ်သူကို ငါ့ဆရာဟူ၍ ညွှန်ကြားဖွယ်ရာ ရှိပါလိမ့်မည်နည်း။ ဆရာရယ်လို့ ညွှန်ပြစရာ မရှိပါဘူး။ လောကုတ္တရာတရားတွေ သိတဲ့နေရာမှာ ငါ့မှာ့ ဆရာမရှိပါဘူး။ ဆရာရှိဖို့ မပြောနဲ့ လောကုတ္တတရားတွေကို သိတဲ့နေရာမှာ ငါနဲ့တူတဲ့ ပုဂ္ဂိုလ် မရှိပေဘူး၊ နတ် ဗြဟ္မာများနဲ့တကွ သဗ္ဗလောကကြီးတခုလုံးမှာ ငါဘုရားနဲ့ တုပြိုင် ယှဉ်ပြိုင် ဖို့ရန် ပုဂ္ဂိုလ်ရယ်လို့ မရှိပါဘူး။ ငါနဲ့ ဂုဏ်ရည်တူသူ မရှိပေ။
ယခု ဓမ္မစကြာတရားဦးဒေသနာဟောဖို့ရန် ကာသိတိုင်း ဗာရာဏသီမြို့ မိဂဒါဝုန်တောသို့ သွားပေအံ့။
ပညာဥာဏ်မျက်စိမရှိသော အကန်းသဖွယ်ဖြစ်နေသော လူ နတ် ဗြဟ္မာ သတ္တ၀ါများအတွက် အမြိုက်နိဗ္ဗာန်စည်ကြီးကို ငါဘုရား တီးပေအံ့
ဟု…မိန့်တော်မူလေသည်။
ထိုအခါ ဥပကတက္ကတွန်းက..မထိတထိဖြင့် ငါ့ရှင်ပြောသလိုဆိုလျင် အနန္တဇိန ဖြစ်ထိုက်ပါသလော ဟု မေးပြန်သည်။
မြတ်ဗုဒ္ဓက..
လောကမှာ ငါကဲ့သို့သော ပုဂ္ဂိုလ်သာလျင် ဇိန အမည်ရပေတယ်။ အာသ၀က္ခဥာဏ်တော်ကို ရရှိပြီးပြီ။ ငါ့မှာ မကောင်းမှု တရားတွေကို ဖယ်ရှားခြင်း၌ အကြွင်းမဲ့ အောင်မြင်ပြီးပြီ ဖြစ်တဲ့အတွက်ကြောင့် ဥပက ငါကား ဇိန အမည်ရှိပေတယ်
ဟု..
ရဲရဲတောက် ပြန်လည် မိန့်တော်မူလေ၏။
ထိုအခါ ဥပကတက္ကတွန်းက…ဟုတ်ပါလိမ့်မည် ငါ့ရှင် ဟု
မယုံချင်ယုံချင် မယုံတ၀က် ယုံတ၀က်ဖြင့် ပြောပြီး ဘေးဖယ်ကာ သွားမြဲ အတိုင်း သူရည်ရွယ်ထားသော အရပ်ဆီသို့ သွားခဲ့လေသည်။
ဥပကတက္ကတွန်းကား အလွန်ကံထူးသည်။ ဘုရားရှင်စစ်နဲ့ တွေ့ဆုံခွင့်ရ၏။ သို့ပေမယ့်..သဗ္ဗညုဘုရားရှင် ပြန်လည် မိန့်တော်မူသော စကားတော်များအပေါ်၌ သူသည် အပြည့်အ၀ မယုံကြည်နိုင်သေးဘဲ.. သံသယ ခံနေသေး၏။ သူ၏ ထိုသံသယကြောင့်လည်း တရားဦးနှင့် လွဲခဲ့ရလေပြီ။ သို့ရာတွင် သူ၏ စိတ်ထဲမှာတော့ မြတ်ဗုဒ္ဓအပေါ်၌ သဒ္ဓါတရားလေးတော့ ဖြစ်သွားခဲ့သည်။ ထို့ကြောင့်လည်း နောင်အခါ သူ ဒုက္ခတွေ တသီချည်းရင်ဆိုင်ရတော့..မြတ်ဗုဒ္ဓရှိရာအရပ်သို့ ရောက်ရှိလာခဲ့ပြီး ရဟန်းဝတ်ခါ အနာဂါမ် အရိယာကြီးဖြစ်သွားခဲ့ပေ၏။ ထိုဖြစ်ပေါ်လာမည့် ဥပက၏ အကျိုးစီးပွားကို မျော်မြင်တော်မူသောကြောင့်လည်း မြတ်ဗုဒ္ဓသည် ခြေလျင်ခရီးဖြင့် မိဂဒါဝုန်တောသို့ ကြွခဲ့ခြင်းဖြစ်လေ၏။
ထိုသို့ ဥပက နှင့် တွေ့ဆုံပြီးနောက် မြတ်ဗုဒ္ဓသည်လည်း အစဉ်သဖြင့် မိဂဒါဝုန်တောသို့ ဆက်လက် ခရီးဒေသစာရီ ကြွတော်မူခဲ့လေသည်။

(img: မြတ်ဗုဒ္ဓ နှင့် ဥပကတက္ကတွန်း -၊ မြန်မာကျူးပစ်မှ ယူထားပါသည်)
အောက်ပါတရားတော်နာယူပြီး ရေးသားထားသည်။
ဓမ္မစကြာတရားတော် အပိုင်း (၃) - မင်းကွန်းဆရာတော်ဘုရားကြီး
(ယခင် ပို့စ်မှ အဆက်)
သဟမ္ပတိဗြဟ္မာကြီး...မြတ်ဗုဒ္ဓအားရိုရိုသေသေ ရှိခိုးကန်တော့၍.. ဗြဟ္မာပြည်သို့ ပြန်လည်ကြွသွားပြီးတဲ့နောက်....
မြတ်ဗုဒ္ဓ တစ်ပါးတည်း အဇပါလ ညောင်ပင်အရိပ်တွင် ကျန်ရစ်ခဲ့ပြီ။ အဲဒီအချိန် မြတ်ဗုဒ္ဓသည် ဆင်ခြင်စဉ်းစားတော်မူလေပြီ။ တရားလက်ဦးဟောဖို့ရန်အတွက် ဖြစ်၏။ အဘယ်သူကို အရင်ဆုံး တရားဟောရမလဲ၊ အဘယ်သူသည် ငါဘုရားဟောမည့် တရားကို ပိုင်းပိုင်းခြားခြား သိနိုင်ပါမလဲ ဟု စိတ်အကြံတော် ဖြစ်လေ၏။ တရားဦးကို နာယူမည့် ကျွတ်ထိုက်မည့် တရားနာပရိသတ်အတွက် မြတ်ဗုဒ္ဓက..စဉ်းစားဆင်ခြင်ခြင်းဖြစ်၏။ မြတ်ဗုဒ္ဓ၏ တရားဦးနဲ့ ပက်သက်လာလျင် အကြံဖြစ်ထိုက်သော ပုဂ္ဂိုလ် (၃)စုရှိ၏။..၎င်းတို့မှာ..
- အာဠာရရသေ့ကြီး
- ဥဒကရသေ့ကြီး
- ပဉ္စ၀ဂ္ဂီ ရဟန်းတော် (၅)ပါး
တို့ဖြစ်ကြ၏။ အာဠာရရသေ့ နှင့် ဥဒကရသေ့ တိုမှာ..မြတ်ဗုဒ္ဓအလောင်းတော် တောထွက်စဉ်အခါက..တရားဆွေးနွေးခဲ့ဖူးသော ရသေ့ကြီးများဖြစ်၏။ ပဉ္စ၀ဂ္ဂီ ရဟန်းတော် (၅)ပါးတို့မှာ..မြတ်ဗုဒ္ဓအလောင်းတော် ဒုက္ကရစရိယာအကျင့် ကျင့်စဉ်က..ရေပူ/ရေချမ်း ကမ်းလှမ်းခဲ့သော၊ ၀တ်ကြီး/၀တ်ငယ်ပြုစုခဲ့ပေးသောသူတို့ ဖြစ်ကြ၏။
ကာလမအမျိုးအနွယ် အာဠာရရသေ့ သည် ပညာရှိသည်။ လိမ္မာသည်။ ဥာဏ်မျက်စိ၌ ကိလေသာ မြူမှုန် နည်းပါးသော သူဖြစ်၏။ လျင်မြန်စွာ တရားထူးရနိုင်သောသူ ဖြစ်၏။ ကျွတ်ထိုက်သောသူများတွင် သူသည် ပထမဆုံး နေရာတွင်ရှိ၏။ ထို့ကြောင့် သူ့အား တရားဦး ဟောရန် ကောင်းပေစွ ဟု မြတ်ဗုဒ္ဓ စိတ်အကြံဖြစ်လေ၏။ ထိုစိတ်အကြံသည် ပကတိ စိတ်ကူးပင်ဖြစ်၏။ ဥာဏ်ထူးဖြင့် ဆင်ခြင်ခြင်း မဟုတ်သေးပေ။ ထို့ကဲ့သို့ မြတ်ဗုဒ္ဓ စိတ်အကြံ တည်လိုက်ပြီးနောက်.... အနီးအနား၌ မထင်မရှား ကွယ်ပနေသော နတ်တစ်ဦးသည်..မြတ်ဗုဒ္ဓအား အခုလို..လျောက်တင်လေ၏။..
“ဘုန်းတော် နေ၀င်းထွန်းတောက်ပတော်မူသော မြတ်စွာဘုရား…
ကာလမအမျိုးအနွယ် အာဠာရရသေ့သည် ယနေ့မှ လွန်ခဲ့သော (၇)ရက်မြောက်နေ့တွင်....စုတိပျက်ကြွေ သေခဲ့လေပြီ” ဟု လျောက်တင်လေသည်။
နတ်၏အခုလို လျောက်တင်မှုပြီးသောသကာလ မြတ်ဗုဒ္ဓသည် ကိုယ်ပိုင်ဥာဏ်တော်ဖြင့် အာဠာရရဲ့ ဂတိကို စဉ်းစားဆင်ခြင်လိုက်သောအခါ..အမှန်ပင်.. အာဠာရသည် အတိတ် (၇)ရက်၌ ကွယ်လွန်ခဲ့ပြီး အာကိဉ္စညာယတန ဟူသော အရူပဘုံသို့ ရောက်ရှိနေလေပြီ။ ထိုသို့ သိမြင်ပြီးနောက် မြတ်ဗုဒ္ဓသည် ဆက်လက်ပြီး အခုလို..စိတ်အကြံဖြစ်တော်မူ၏။
“အာဠာရရသေ့ အဆုံးရှုံးကြီး ဆုံရှုံးခဲ့လေပြီ။”
ဟုတ်ပေ၏။ အာဠာရရသေ့ အလွဲကြီးလွဲခဲ့ပြီ။ အခွင့်အခါ ကောင်းကို လွဲချော်သွားခြင်းဖြစ်၏။ သူ၏ လွဲချော်မှုမှာ အသေစောသွားသောကြောင့်ဖြစ်ပေ၏။ တရား မဦးပဲ (၇)ရက် အသေဦးခဲ့သောကြောင့် ယခုတော့ မြတ်ဗုဒ္ဓ၏ တန်ဖိုးရှိလှသော ဓမ္မစကြာတရားဦးကို နာကြားခွင့်မရတော့ပြီ။
ထို့ကြောင့်လည်း မိုးကုတ်တရားစခန်း၏ နေ့စဉ်ဆောင်ပုဒ်အတိုင်း အသေမဦးခင် ဥာဏ်ဦးရန် အထူးလိုပေ၏။
အာဠာရရသေ့သည် ဥာဏ်ကောင်းသူဖြစ်၏။ မြတ်ဗုဒ္ဓ တရားဦး နာကြားလိုက်ရလျင် တရားကို သိမြင် အရဟတ္တမဂ်ဖိုလ်ဆိုက်ရောက်ပြီး ရဟန္တာအထိပင် ဖြစ်နိုင်၏။ ထိုသို့ ထူးချွန်သောသူ ဖြစ်ပါလျက် (၇)ရက် အသေ စောသွားသဖြင့် အဆုံးရှုံးကြီး ဆုံးရှုံးသွားခြင်းဖြစ်၏။ ထို့အပြင် အာဠာရရသေ့ ရောက်ရှိနေသော အာကိဉ္စညာယတန အရူပဘုံတွင် ရုပ်မရှိပေ။ စိတ်စေတသိက် နာမ်တရားသက်သက်သာ ရှိ၏။ ရုပ်မရှိသဖြင့် တရားနာရန် နား မရှိပေ။ ထိုဘုံ၌ သူနေရမည့် ကာလသည်လည်း အလွန်ကြာညောင်းပေဦးမည်။ ကမ္ဘာပေါင်း ခြောက်သောင်းထိပင်ဖြစ်၏။ ထိုဗြဟ္မာသက်တမ်း ကုန်ဆုံးပြီးသောအခါ လူ့ဘ၀ သို့ ပြန်လည်ရောက်နိုင်ပါသော်လည်း ပုထုဇဉ်အနေဖြင့်ပင် သံသရာထဲ ကျင်လည်ရပေဦးမည်။ အာဠာရရသေ့ ၏ ဆုံးရှုံးမှုက..ကြီးမားလွန်းလှသည်။ အာဠာရရသေ့အတွက် မြတ်ဗုဒ္ဓ စိတ်အကြံဖြစ်ပြီးနောက် …
ဥဒကရသေ့အတွက် မြတ်ဗုဒ္ဓသည် ပကတိစိတ်ဖြင့်ပင် ပထမအကြိမ် စိတ်အကြံဖြစ်လေ၏။
ရာမဆရာကြီး၏ သားတပည့် ဥဒကသည်လည်း ပညာရှိပေ၏။ လိမ္မာ၏။ တရားနာလိုက်ရလျင် လျင်မြန်စွာ သိမြင်မည့် ပုဂ္ဂိုလ်ပင်ဖြစ်၏။ ထို့ကြောင့် သူ့အား တရားဦးဟောရန် ကောင်းပေစွ ဟု.. မြတ်ဗုဒ္ဓ စိတ်အကြံတည်လေ၏။ ထိုအချိန် အနီးအနားမှပင် မထင်မရှားကွယ်ပနေသော နတ်တစ်ဦးမှ..
“ဘုန်းတော် နေ၀င်းထွန်းတောက်ပတော်မူသော မြတ်စွာဘုရား…
ရာမ၏ သားတပည့် ဥဒကသည်လည်းပဲ ယမန်နေ့ သန်းခေါင်ယာမ်၌ ကွယ်လွန်ခဲ့လေပြီ” ဟု လျောက်တင်လေသည်။
မြတ်ဗုဒ္ဓလည်း ကိုယ်ပိုင်ဥာဏ်တော်ဖြင့် ဥဒက၏ဂတိကို ဆင်ခြင်လိုက်သောအခါ....မှန်ပေ၏။ ဥဒကလည်း ယမန်နေ့ သန်းခေါင်ယာမ်၌ ကွယ်လွန်ခဲ့လေပြီ။ ယခု သူရောက်ရှိနေသော ဘုံမှာ..နေ၀သညာနာယတနဘုံပင်ဖြစ်၏။ ထို့နောက် မြတ်ဗုဒ္ဓသည် ဥဒကအတွက် ယခုကဲ့သို့ စိတ်အကြံဖြစ်လေ၏။
“ဥဒကရသေ့သည်လည်း အဆုံးရှုံးကြီး ဆုံးရှုံးခဲ့လေပြီ။”
မှန်ပေ၏။ ဥဒကရသေ့ လက်ရှိရောက်ဆဲ ဘုံမှာလည်း ရုပ်မရှိပေ။ ထိုဘုံ၌ သူသည် ကမ္ဘာပေါင်း (၈)သောင်း(၄)ထောင် ရှိနေရဦးမည်။ ရုပ်မရှိသဖြင့် တရားဦးနာရန် အခွင့်ထူးကို မရတော့ပေ။ သူသည်လည်း သစ္စာတရားနာလိုက်ရလျင် ရဟန္တာဖြစ်နိုင်သော သူဖြစ်ပေ၏။ ယခုတော့ ဥဒကရသေ့ စစ်မှန်သောတရားကို မနာလိုက်ရသဖြင့် ဆုံးရှုံးသွားခဲ့လေပြီ။
.....................
(ကျွန်တော့်အတွေး)
တရားနာရန်မှာ လွန်စွာအရေးကြီး၏။ မည်မျှပင် ထူးချွန်သူဖြစ်ပါစေ မြတ်ဗုဒ္ဓ၏ သစ္စာတရားတော်လေးကိုမှ မနာရလျင် ဒုက္ခသစ္စာ မငြိမ်းနိုင်ပေ။ ဒုက္ခသစ္စာမကင်းသေးသမျှတော့ ထပ်၍ ငိုနေရဦးမည် ပူဆွေးနေရဦးမည် သောကတွေဝေနေရဦးမည် ပူလောင်နေရဦးမည်…. ပြီးပြည့်စုံသော ငြိမ်းအေးမှုကို ဘယ်တော့မှ မရနိုင်ပေ။ မြတ်ဗုဒ္ဓ၏ ဓမ္မသည် လွန်စွာတန်ဖိုးကြီးမားလေ၏။ ကျေးဇူးကြီးမားလှ၏။ ရတနာသုံးပါးမှာ အကျွန်ုပ်တို့အတွက် လှည့်ပတ်ဆက်နွယ်၍ ကျေးဇူးပြုနေလေသည်။
မြတ်ဗုဒ္ဓဖော်ထုတ်ပေးမှုကြောင့် ရနိုင်ခဲ သိနိုင်ခဲသော ဓမ္မများ ပေါ်ထွက်လာ၏။ မြတ်ဗုဒ္ဓပေါ်ထွန်းလာခြင်းသည် ကျွန်ုပ်တို့အတွက် အလင်းရောင် ပေးမည့်ပုဂ္ဂိုလ် ပေါ်ထွန်းခြင်းပင်ဖြစ်ပေ၏။ ထိုအလင်းရောင်၏ အကျိုးကျေးဇူးသည် ကန့်သက်ချက်မရှိ။ ဘေးဥပဒ် မရှိ။ မမျှတမှု မရှိပေ။ ကန့်သက်ချက်ရှိနေခြင်းဆိုသည်မှာ အမှန်တော့ ကောင်းကျိုးဆိုးကျိုး ရောနေခြင်းဖြစ်၏။ ဘက်လိုက်မှုလည်း ပါနေပေမည်။ မြတ်ဗုဒ္ဓပေးသော အလင်းရောင်၌ ဆိုးကျိုးမရှိ။ ဘက်လိုက်မှုမရှိ။ ဘယ်အချိန်..ဘယ်နေရာ..ဘယ်လူမျိုးမဆို လွတ်လပ်စွာ သိရှိခွင့်ရှိ၏။ ပြည့်စုံမှုသာ ရှိ၏။ ထိုအလင်းရောင်မှာ ဓမ္မပင်ဖြစ်၏။ ဓမ္မကို သိသောကြောင့် ကံ ကံ၏အကျိုး ကုသိုလ် အကုသိုလ် ခွဲခြားနိုင်၏။ လိမ္မာစွာ နေထိုင်နိုင်၏။ လိမ္မာစွာ ပြောဆိုတတ်၏။ ဆောင်ရန် ရှောင်ရန်တို့ကို မှန်ကန်စွာ သိခွင့်ကြီးရပေ၏။ နိဗ္ဗာန်ရောက်ကြောင်းတရားနည်းလမ်းတို့ကိုပါ သိနေရ၏။ ထိုဓမ္မများကို နာခွင့်ရနေခြင်းမှာ အခွင့်ထူးဖြစ်၏။
ထိုတန်ဖိုးကြီးသော ဓမ္မတို့ကို မပျောက်အောင် ကာကွယ်ထိန်းသိမ်းထားဖို့ရာ လိုအပ်ပေ၏။ ကြာရှည်မတည်တံ့လျင် နောက်လူတို့မှာ ကံမကောင်းသူများ ဖြစ်ပေလိမ့်မည်။ ထို့သို့ ကာကွယ်ထိန်းသိမ်းပေးထားသော ပုဂ္ဂိုလ်များမှာလည်း အခြားမဟုတ်။ ရဟန်းတော်များပင် ဖြစ်၏။ သံဃာပင် ဖြစ်၏။ ကာကွယ်ထိန်းသိမ်းရာ၌လည်း မူရင်းအတိုင်းဖြစ်နေဖို့ရာ လိုပေ၏။ မူရင်းအတိုင်း ထိန်းသိမ်းထားမှုကို ထေရ၀ါဒဟု ခေါ်၏။ မြတ်ဗုဒ္ဓ ပွင့်ထွန်းပေါ်ပေါက်ခဲ့ပါသော်လည်း ယခုချိန်ထိ သံဃာမှန်မရှိခဲ့လျင် ကျွန်ုပ်တို့ တရားကို နာယူလက်ခံခွင့် ဆုံးရှုံးလေမည်။ မြတ်ဗုဒ္ဓခေတ်က ပုဂ္ဂိုလ်များသာ တရားနာကြားခွင့်ရ၍ ကံကောင်းနေပေလိမ့်မည်။ ယခုတော့ သံဃာများရှိနေကြသေး၍ ကျွန်ုပ်တို့ပါ ဘုရားနှင့် ကြုံရသလိုပင် ကံကောင်းနေရ၏။ သံဃာသည်လည်း ကျေးဇူးကြီးမားလှပေ၏။
(ဆက်ရန်ရှိသေးသည်)
အောက်ပါတရားတော်များအား လေ့လာမှတ်သားပြီး ရေးသားဖော်ပြထားသည်။
ဓမ္မစကြာတရားတော် အပိုင်း(၃) [mp3]- မင်းကွန်းဆရာတော်ဘုရားကြီး
ဓမ္မစကြာတရားတော် [pdf] - မဟာစည်ဆရာတော်ဘုရားကြီး
မြတ်ဗုဒ္ဓသည် သတ္တဋ္ဌာန တို့တွင် သီတင်းသုံးတော်မူပြီးနောက် ပဉ္စမသတ္တာဟ ဖြစ်တဲ့ အဇပါလညောင်ပင်ကြီးရှိရာသို့ ပြန်လည်ကြွတော်မူခဲ့၏။ ဆိတ်ငြိမ်ရာ အရပ်သို့ချဉ်းကပ်တော်မူ၏။ ထို့နောက် မြတ်ဗုဒ္ဓသည် ယခုကဲ့သို့ စိတ်အကြံဖြစ်လေသည်။ “ရာဂ/ဒေါသ/မောဟတွေ ထူပြောများပြားတဲ့ သတ္တ၀ါတွေကို တရားဟောပေမဲ့ အကျိုးရှိမှာမဟုတ်ပေဘူး၊ ငါဘုရား ပင်ပန်းရုံသာရှိမည်” ဟု အဓိပ္ပါယ်ထွက်သော စိတ်အကြံတော်..ဖြစ်လေ၏။
ဤစိတ်အကြံမှာ အံ့သြဖွယ်ပင်ဖြစ်သည်။ မြတ်ဗုဒ္ဓအလောင်းတော်သည် သုမေဓာဘ၀ကတည်းက.
- ဗုဒ္ဓေါဗောဓေယျံ = ငါသစ္စာ (၄)ပါးသိသလို သတ္တ၀ါတို့ကိုလည်း သိစေရမည်
- မုတ္တော မောစေယျံ = ငါကိလေသာမှ ကင်းလွတ်ပြီးလျင် သတ္တ၀ါတို့ကို ကင်းလွတ်စေရမည်
- တိဏ္ဏော တာရေယျံ = ငါသံသရာမှာ ကူးမြောက်ပြီးလျင် သတ္တ၀ါတို့ကိုလည်း ကူးမြောက်စေရမည်..ဟူသော..
ရည်ရွယ်ချက်များကို ထားရှိခဲ့ပြီးသား ဖြစ်၏။ အခု မြတ်ဗုဒ္ဓ အဖြစ်ကိုရောက်ပြီးသကာလမှာတော့ တရားမဟောတော့မယ့် စိတ်အကြံဟာ ဖြစ်ခဲ့လေ၏။ မြတ်ဗုဒ္ဓ၏ စိတ်အကြံတော်ကို ဘေးကလူတို့က ကြည့်လျင် တကယ်ပဲ မြတ်ဗုဒ္ဓတရားမဟောတော့မည်ဟု အထင်မှားစရာဖြစ်၏။
အမှန်တော့ အခုလို စိတ်အကြံတော်ဖြစ်ခြင်းမှာ မြတ်စွာဘုရား နောင်ကို ဘယ်တော့မှာ တရား မဟောတော့ပါဘူးလို့ ဆင်ခြင်ခြင်းမဟုတ်ပါ။ လက်ရှိ အချိန် အတွက်သာ ဖြစ်ပါ၏။ လက်ရှိအချိန်မှာမှ မကျွတ်ထိုက်သော သတ္တ၀ါများအတွက်သာ ဖြစ်၏။
မြတ်ဗုဒ္ဓရရှိထား သိထားအပ်ပြီးသော တရားတို့သည် လွန်စွာ နက်နဲသိမ့်မွေ့၏။ ကျယ်ပြန့်၏။ ထင်ရာတွေ တွေးပြီး စိတ်ကူးထားတဲ့ တရားမျိုးမဟုတ်။ လောက၏ အရှိတရားနှင့် အမှန်တရားတို့ကို ပြည့်စုံစွာ သိအပ်ထားပြီးဖြစ်၏။ ထိုကဲသို့ နက်နဲ သိမ်မွေ့သော တရားတို့ကို သိအပ်မြင်နိုင်ဖို့အတွက် မြတ်ဗုဒ္ဓသည် အလောင်းတော်ဘ၀ကတည်းက လေးသင်္ချေ ကမ္ဘာ တစ်သိန်းကြာအောင် ပါရမီ/စာဂ/စရိယများကို ပြည့်စုံစွာ ဆည်းပူးခဲ့ရပါ၏။ လူသာမာန်တို့ လုပ်နိုင်ခဲတဲ့ မြတ်သောအလုပ်-ပါရမီဖြည့်ကျင့်ခြင်း ကို မြတ်ဗုဒ္ဓအလောင်းတော်က အချိန်ကြာအောင် မရပ်မနားဘဲ ဖြည့်ကျင့်ခဲ့ရသေး၏။ မြတ်ဗုဒ္ဓဖြစ်မည့် လက်ရှိဘ၀တွင်ပင် မည်သူ့ထံမှာမှ နည်းနာမခံယူဘဲ ကိုယ်တော်တိုင် ကြိုးစားကြိုးကုတ် အားထုတ်ပြီးမှ ဒုက္ခသစ္စာ၊ သမုဒယသစ္စာ၊ မဂ္ဂသစ္စာ၊ နိရောဓသစ္စာ ဟူသော သစ္စာလေးပါးတို့ကို ပိုင်းခြားထင်ထင် သိအပ်ခဲ့လေပြီ။ ထို့ကြောင့် ဆရာမကူ သယမ္ဘူ ဥာဏ်ဖြင့် သမ္မာသမ္ဗုဒ္ဓ အဖြစ်ကို ရအောင်ယူထားပြီး ဖြစ်ရာ၏။
ယခု ဘုရားဖြစ်ပြီးနောက် သတ္တ၀ါတွေဘက်ကို ရွှေဥာဏ်တော်ဖြင့် ဆင်ခြင်ကြည့်လိုက်တဲ့အခါ..
သတ္တ၀ါများသည် အ၀ိဇ္ဇာ ဖြင့် လွှမ်းမိုးနေကြ၏။ အ၀ိဇ္ဇာ၏ သတ္တိသည် ဖုံးခြင်းသဘောလည်း ရှိသည်။ ဖော်ခြင်းသဘောလည်းရှိသည်။ ဖုံးခြင်းဆိုသည် မှာ အမှန်ကို မမြင်နိုင်အောင်၊ အဓမ္မကို အဓမ္မမှန်းမသိအောင် ဖုံးကွယ်ထားခြင်းဖြစ်သည်။ ဖော်ခြင်းသဘောဆိုသည်မှာ မဟုတ်ကို အဟုတ်သဖွယ်ဖြစ်အောင် ဖော်ထုတ်ခြင်းဖြစ်၏။ [စာ-၆၆၊ ဦးရွှေအောင်၊ ဗုဒ္ဓသို့မဟုတ်အနှိုင်းမဲ့]
ထို့ကြောင့် သတ္တ၀ါတို့သည် ဘ၀ကို နိစ္စ၊ သုခ၊ အတ္တ၊ သုဘ ဟုမြင်ကြသည်။
မြတ်ဗုဒ္ဓက မည်သည့်ဘ၀ပင်ဖြစ်စေ အနိစ္စ၊ ဒုက္ခ၊ အနတ္တ၊ အသုဘ ဟု ဟောတော့မည်။
ထို့ကြောင့် မြတ်ဗုဒ္ဓ ဟောတော့မည့် တရားတော်မှာ သတ္တ၀ါအားလုံး မှတ်ထင်စွဲလမ်းတာနှင့် သိသာစွာ ဆန့်ကျင်နေ၏။ အ၀ိဇ္ဇာအမှောင်ဖြင့် ပိတ်ဆို့အပ်နေသော..တနည်းအားဖြင့် ကာမရာဂ၊ ဘ၀ရာဂ၊ ဒိဋ္ဌိရာဂ တို့၏ လွှမ်းမိုးခြင်းခံနေကြရသော သတ္တ၀ါတို့သည် မြတ်ဗုဒ္ဓဟောမည့် သိမ်မွေ့နက်နဲသော သစ္စာတရားတော်တို့ကို လွယ်လွယ်ဖြင့်တော့ မြင်နိုင်ကြမည်မဟုတ်ပေ။
တနည်းပြောရလျင် မြတ်ဗုဒ္ဓဟောမည့် တရားတော်တို့သည် အရှေ့ဘက်ကို လှည့်နေ၏။
သတ္တ၀ါတို့၏ လက်ရှိစိတ်နေစိတ်ထားက..အနောက်ဘက်ကို ချည်း လှည့်ထားကြပေ၏။..ထိုမျှလောက်ပင် ဆန်ကျင့်နေသည်။
မြင်သာအောင် လောကဥပမာဖြင့် ပြောရလျှင်..
မိဘ (၂)ပါးတို့သည် သားသမီးများ ကို ဆင်မြန်းပေးရန် အဖိုးတန်လှသော လက်ဝတ်တန်ဆာများကို ကြိုးစားရှာဖွေခဲ့၏။ တန်ဖိုးကြီးမားသော အဆင်တန်ဆာတွေကို ရပြီးတဲ့အခါ..သူတို့ သားသမီးများဘက်ကို ကြည့်ပြီး..ဤအဆင်တန်ဆာများသည် ငါတို့သမီးကြီး မဘုတ်ထိုင်းနှင့် တော်ပါ့မလား၊ ငါတို့သား မောင်ဘုတ်ထိုင်းနှင့် တော်ပါ့မလားဟု စဉ်းစားကြပေလိမ့်မည်။ သူတို့စဉ်းသားသင့်သလိုပဲ သားသမီးများကလည်း မိဘများဆင်ပေးမည့် တန်ဖိုးကြီးအဆင်တန်ဆာဘက်ကို မလှည့်ဘဲ အပျော်ကြီးပျော်နေကြလေသည်။
ထို့ကဲသို့ မိဘများစဉ်းစားသကဲ့သို့ပင် ယခုလည်းပဲ မြတ်ဗုဒ္ဓသည် သစ္စာလေးချက် ဓမ္မနက်ကို ဟုတ်တိုင်းမှန်စွာ သိအပ်ခဲ့လေပြီ။ အခု သတ္တ၀ါတို့ကို ထိုတရားတွေဟောမယ်လို့ ကြည့်လိုက်တော့ သတ္တ၀ါတို့က အာရုံငါးပါး ကာမဂုဏ်တောထဲ၌ မငြီးမငြူဘဲ အမွေ့လျော်ကြီး မွေ့လျော်နေကြပေသည်။
ခုတင်က ဥပမာလိုပင်..မိဘများက သူတို့သားသမီးများကို တန်ဖိုးကြီးတဲ့အဆင်တန်ဆာတွေ ဆင်ပေးချင်ပါဘိ..ဒါပေမယ့် သားသမီးများမှာတော့ ထိုအဆင်တန်ဆာတွေကို စိတ်မ၀င်စားဘဲ ကျောပေးပြီး ပျော်နေကြရှာသည်။ ထိုအခြေအနေမျိုးတွင် ဘယ်မိဘကမှ ရောဟယ့်ဆိုပြီး ချက်ချင်းကြီးတော့ မပေးပေ။ သင့်တော်ပါ့မလားတော့ စဉ်းစားရပေဦးမည်။
ထိုသို့ပင် မြတ်ဗုဒ္ဓသည် သတ္တ၀ါတို့ကို လောလောဆယ်အချိန်အတွက် တရားမဟောဖို့ စိတ်အကြံတည်ခြင်းမျှသာ ဖြစ်လေပြီ။
အ၀ိဇ္ဇာကြောင့် သင်္ခါရဖြစ်၊ သင်္ခါရကြောင့် ၀ိညာဏ်ဖြစ် ..စတဲ့ ပဋိစ္စသမုပ္ပါဒ်အကြောင်းအကျိုးစပ်တရားတို့သည် အမှန်ရှိ၏။ တဏှာကုန်ဆုံးရာ နိဗ္ဗာန်သည်လည်း အမှန်ရှိ၏။ ထိုနိဗ္ဗာန်ဟူသော သဘာဝဓမ္မသည် အလွန့်အလွန် သိမြင်ဖို့ရန် ခက်ခဲလှပေ၏။
အမှန်အားဖြင့် ဘ၀ကို ဒုက္ခသစ္စာဟု အမှန်အတိုင်းမြင်ပါမှ ဒုက္ခကိုဖြစ်စေတဲ့ သမုဒယသစ္စာကို ပယ်နိုင်အောင် ကြိုးစားပေမည်။ သမုဒယသစ္စာပယ်နိုင်ပါမှလည်း နိရောဓသစ္စာဖြစ်တဲ့ နိဗ္ဗာန်သို့ ဆိုက်ရောက်လေမည်။
ထိုသို့ ခန္ဓာချုပ်ငြိမ်း တဏှာချုပ်ငြိမ်းရာ နိဗ္ဗာန်သို့ ဆိုက်ရောက်နိုင်အောင် မြတ်ဗုဒ္ဓက သစ္စာ၌ အခြေခံသော ဓမ္မတို့ကို ဟောမည်ဟု သတ္တ၀ါပရိသတ်ဘက်ကို ကြည့်လိုက်တဲ့အခါ မကျွတ်ထိုက်မယ့် သတ္တ၀ါများ၊ ဥာဏ်မမှီသော သတ္တ၀ါများ ပါရမီမရှိကြသော သတ္တ၀ါများကို ရှေးဦးစွာ မြင်လေသည်။
ဒါလည်း အဆန်းရယ်တော့မဟုတ်ပေ။ ဥပမာ..
နှမ်းဖြူများမို့မောက်နေအောင် ထည့်ထားသော နှမ်းတင်းကြီးတစ်ခု ရှိမည်။ ထို နှမ်းဖြူတောင်းကြီးထဲတွင် နှမ်းအနက်လက်တဆုပ်စာမျှလောက်ကို နံ့အောင် မွှေ၍ရောထားမည်။ ခပ်လှမ်းလှမ်းမှ နေ၍ ထိုနှမ်းတောင်းကြီးကို ကြည့်မည်ဆိုလျှင် တောင်းကြီးထဲတွင် နှမ်း အဖြူများသာ ရှိမည်ထင်ပေတော့မည်။ အနက်က နည်းလွန်းလျှင် အနက်ကို နောက်မှသာ မြင်ပေလိမ့်မည်။ အဖြူက များလွန်းလျှင် အဖြူကို ဦးစွာမြင်ပေလိမ့်မည်။
ယခုလည်း မြတ်ဗုဒ္ဓ သည် ရွှေဥာဏ်တော်နှင့် ကြည့်လိုက်သောအခါ မကျွတ်ထိုက်သောသတ္တ၀ါများ သိသာစွာ ပထမဆုံး ဥာဏ်ဝမှာ လာထင်လေသည်။ ဒီလို မကျွတ်ထိုက်သောသူတွေကို သစ္စာတရားများ ဟောနေလို့က..ငါဘုရားမှာ ပင်ပန်းနွမ်းနယ်ရုံသာပဲဟု စိတ်ကြံရုံမျှသာ ဖြစ်၏။
ထို့ကြောင့် ..ထိုစိတ်အကြံတော်သည် မကျွတ်ထိုက်သော သတ္တ၀ါများအတွက်သာ ဖြစ်ပေ၏။
တနည်းအားဖြင့်..မြတ်ဗုဒ္ဓတို့ တရားဦးစတင်ဖို့ရန်အတွက် အချီနိဒါန်း (၂)ရပ် လိုအပ်ပေ၏။ ဤနိဒါန်းသည်တို့မှာ..
- ကိုယ်တော်မြတ်ရဲ့ သန္တန်၌ အထင်အရှားဖြစ်တည်သော မဟာကရုဏာတော် နှင့်
- လောကသမ္မတ ဗြဟ္မာကြီးက..တောင်းဆိုမှု..တို့ဖြစ်၏။
ယခု အချိန်တွင် ကိုယ်တော်မြတ်၏ သန္တာန်၌ မဟာကရုဏာတော်မှာ အထင်အရှား တည်နေလေပြီ။ သို့ပေမယ့် လောကသမ္မတ ဗြဟ္မာကြီး၏ တောင်းဆိုမှု မဖြစ်သေးသောကြောင့်..နိဒါန်း (၂)ရပ်လုံးမှာ မစုံသေးပေ။ မကြာမီတွင် စုံချေတော့မည်။
မြတ်ဗုဒ္ဓတို့သည် တရားဟောဖို့ရန်အတွက် သဗ္ဗညုတရွှေဥာဏ်တော်ကြီးကို ရယူခဲ့ရခြင်းဖြစ်ပေသည်။ ထို့ကြောင့် တရားဟောချင် စိတ်အပြည့်ရှိပေသည်။ ဟုန်ဟုန်က ပုဏ္ဏား ဘာမသိညာမသိနှင့် မေးခွန်းလာမေးစဉ်ကဆိုလျင် မြတ်ဗုဒ္ဓက အချိန်မကျသေးပါဘဲ နိဒါန်းမစုံသေးပါဘဲ ရတဲ့နည်း ဖြစ်နိုင်တဲ့နည်းနဲ့ ဥဒါန်းမှတဆင့် တရားဟောခဲ့သေး၏။
မြတ်ဗုဒ္ဓသည် အကျိုး ရှိ-မရှိကို သိရာ၌လည်း အနှိုင်းမဲ့ ဖြစ်၏။ သို့ဖြစ်၍ လုပ်ငန်းနှင့်အချိန်ကို အပိုအလိုမရှိဘဲ ကွက်တိဝင်အောင် အသုံးချတော်မူနိုင်ခြင်း ဖြစ်ပေသည်။ [စာ-၇၅-ဦးရွှေအောင်၊ ဗုဒ္ဓသို့မဟုတ်အနှိုင်းမဲ့]
ထိုသို့ အသုံးချတော်မူနိုင်ခြင်းကြောင့်လည်း ဟုန်ဟုန်က ပုဏ္ဏားနှင့်တွေ့ခဲ့စဉ်ကလည်း တရားမဟောသေး…ယခုလည်းပဲ နိဒါန်းမစုံလင်သေးသည့်အတွက် လောလောဆယ်အတွက် တရားမဟောရန် စိတ်အကြံတည်ခြင်းမျှဖြစ်၏။
မြတ်ဗုဒ္ဓ၏ စိတ်အကြံတော်ကို သဟမ္ပတိဗြဟ္မာကြီးက သိသောအခါ..တကယ်ပဲ တရားမဟောတော့ဘူးလားဟု အလွန်ပင်စိုးရိမ်တကြီး ဖြစ်ခဲ့လေသည်။ အမှန်မှာတော့ မြတ်ဗုဒ္ဓသည် ယခုလောလောဆယ်အချိန်အတွက်.. အချိန်မကျသေး၍ နိဒါန်းမစုံလင်ပါသေး၍ တရားမဟောဖို့ရန် စိတ်တော်ညွတ်ခြင်းဖြစ်ပေ၏။ သဟမ္ပတိဗြဟ္မာကြီးသည်လည်း ဘေးကကြည့်သူပင် ဖြစ်လင့်ကစား စိုးရိမ်သွားရုံမျှပင်ဖြစ်၏။ ထို့နောက် အခြားသော နတ်ဗြဟ္မာများကြားအောင်.. “လောကကြီး တခုလုံး အဖတ်ဆယ်မရအောင် ပျက်စီးတော့မည်” ဟု အော်ဟစ် ကြွေးကြော်လေ၏။ နတ်ဗြဟ္မာများ ခြံရံလျက် သဟမ္ပတိဗြဟ္မာကြီးလည်း မြတ်ဗုဒ္ဓ ရှိရာသို့ ရောက်လာလေသည်။ ထို့နောက်.. ဗြဟ္မာကြီးက..
“သုဂတဂုဏ်တော်ကြီးနှင့် ချီးကျူးအပ်ပါပေသော မြတ်စွာဘုရား..သစ္စာလေးချက် ဓမ္မနက်ကို ဟောကြားတော်မူပါ။ မြတ်စွာဘုရား၏ တရားကို မနာကြားရလျင် သတ္တ၀ါများ နိဗ္ဗာန်နှင့် ဝေးပေလိမ့်မည်။ ဥာဏ်ထက်သောပုဂ္ဂိုလ် ကိလေသာ နည်းသော ပုဂ္ဂိုလ်တို့လည်း ရှိကြပါလိမ့်မည်။ ယခု ကမ္ဘာလောကြီးတခုလုံးမှာ ဆူးခက်တွေ ခင်းထားသလို ဖြစ်နေပါ၏။ ထိုဆူးခက်များမှာ တိတ္ထိဆရာကြီးများ ဖန်တီးထားသော ကြံမိကြံရာ အယူဝါဒများပင် ဖြစ်ပါ၏။ ထို့ကြောင့် နိဗ္ဗာန်ရဲ့တံခါးဖြစ်တဲ့ မဂ္ဂင်ကို ဒေသနာဥာဏ်လက်တော်ဖြင့် ဖွင့်လှစ်ပေးတော်မူပါ” ဟု..
အဓိပ္ပါယ်ရသော တောင်းဆိုမှုကို ပြုလေ၏။
ဗြဟ္မာကြီးက..တောင်းဆိုမှုကို သုံးကြိမ် လျောက်တင်ခဲ့၏။..
အခုတော့ လိုအပ်သော နိဒါန်း (၂)ရပ်လုံးစုံချေပြီ။ ရှေးက.. လိုအပ်ချက် နိဒါန်းများ မစုံလင်သေးသောကြောင့် သစ္စာတရားမဟောခဲ့ခြင်းဖြစ်ပေသည်။ နိဒါန်းမစုံ အချိန်မကျသေးဘဲ သစ္စာတရားဟောပါကလည်း သတ္တ၀ါတို့က နားမလည်ဘဲ မြတ်ဗုဒ္ဓအဖို့ ပင်ပန်းကြီးရုံသာ ဖြစ်ပေမည်။ မြတ်ဗုဒ္ဓသည် အခြေအနေနှင့် အချိန်အခါကို တွက်ချက် နှိုင်းချင့်တော်မူရာ၌လည်း အတော်ဆုံးဖြစ်ပေ၏။ ကွက်တိအကျဆုံးဖြစ်ပေ၏။
ယခုတဖန် မြတ်ဗုဒ္ဓသည် ရွှေဥာဏ်တော်ကြီးဖြင့် လောကကို ကြည့်လေပြီ။..ထိုရွှေဥာဏ်ကြီးမှာ သဗ္ဗညုတဥာဏ်တော်ကြီး ပင်ဖြစ်၏။ ထိုဥာဏ်တော်သည် သတ္တ၀ါအားလုံး၏ ဣနြေ္ဒ အနုအရင့် စရိုက် စသည်တို့ကို ကွဲကွဲပြားပြား မြင်နိုင်စွမ်းပေ၏။ ထို့သို့ ကြည့်သောအခါ..ဥာဏ်မျက်စိတွင် ကိလေသာ မြူမှုန် နည်းသော သတ္တ၀ါတွေ၊ များသော သတ္တ၀ါတို့ကို ဗုဒ္ဓ၏ ဥာဏ်စက္ခု၌ သန့်လျက် ကန့်လျက် ထင်ထင်ရှားရှား မြင်တော်မူလေသည်။
ဥာဏ်မျက်စိ၌ ကိလေသာ မြူမှုန့် နည်းသော သူတို့ကို ကျွတ်ထိုက်သော သူများဟု ခေါ်၏။
ဥာဏ်မျက်စိ၌ ကိလေသာ မြူမှုန့် များသော သူတို့ကို မကျွတ်ထိုက်သော သူများဟု ခေါ်၏။မြတ်ဗုဒ္ဓ၏ ရွှေဥာဏ်တော်ကြီးဖြင့် မြင်တော်မူပုံကို မြင်သာအောင် ဥပမာဖြင့် ဖော်ပြရလျင်..
ကမ်းပါးပေါ်မှရပ်ကြည့်နေသောလူတစ်ဦးသည်..
ရေပြင်ထက်၌ ပေါ်သော အချို့သော ကြာအဖူးအငုံများကိုလည်း မြင်ပေမည်။
ရေပြင်နှင့်အညီ ရှိနေကြသော ကြာအဖူးအငုံများကိုလည်း မြင်ပေမည်။
ကြည်လင်သော ရေပြင်အောက်၌ပင် ရှိနေကြသေးသော ကြာတို့ကိုလည်း မြင်ပေလိမ့်မည်။
ရေပြင်ထက်၌ ပေါ်သော ကြာအဖူအငုံများသည် နေထွက်လျင်ပင် ပွင့်အာတော့ပေမည်။..ထို့ကြောင့် ထိုကြာတို့သည်..တရားအကျဉ်းဟောလိုက်ရုံဖြင့် သစ္စာလေးတန်သိ အရိယာပုဂ္ဂိုလ်များဖြစ်မည့် သူတို့နှင့် တူပေမည်။
ရေပြင်နှင့်အညီတည်နေသော ကြာတို့သည်..တရားအကျယ်ဟောပါမှ သိအပ်မြင်အပ်မည့် ပုဂ္ဂိုလ်များနှင့် တူပေမည်။
ရေပြင်အောက်မှ ကြာများကတော့ လှပစွာ ပွင့်ဖို့ရန်အတွက် အချိန်စောင့်ရပေမည်။ နောက်ရက်များမှ ပွင့်နိုင်မည့် ကြာမျိုးပင်ဖြစ်သည်။ တရားတော်ကို ထပ်တလဲလဲ နာ..ကိုယ်တိုင်လည်း ပွားများမှ သိအပ်မြင်အပ်မည့် ပုဂ္ဂိုလ်များနှင့် တူပေမည်။…မြတ်ဗုဒ္ဓသည် ထိုကြာသုံးမျိုးနှင့် တူပေသော ပုဂ္ဂိုလ်သုံးမျိုးတို့ကို ထင်ရှားစွာ မြင်လေပြီ။ ထို့သို့ မြင်လေပြီးနောက်..
“ရှေးက သာသနာကွယ်ပြီးနောက် ယခုထက်တိုင် ထုပ်ထား နှောင်ထားသော ရတနာထုပ်နှင့်တူသော သဒ္ဓါထုပ်တွေကို အကင်းပါး ဥာဏ်ရှိသူတို့ ဖြည်ထားကြပါကုန်လော့
ငါဘုရားကား နိဗ္ဗာန်၏ တံခါးသဖွယ်ဖြစ်သော မဂ္ဂင် (၈)ပါးတံခါးကို ပိတ်၍မထားဘဲ အမြဲပင် ဖွင့်လျက်ထား၏”
ထိုသို့ အဓိပ္ပါယ်ထွက်သော စကားတော်ကို မိန့်တော်မူလေသည်။
အဓိပ္ပါယ်မှာ လေးနက်ပေ၏။ သဒ္ဓါတရားသည် လွန်စွာအရေးကြီးပေသည်။ ပထမဆုံးအနေဖြင့်ပင် အရေးပါ၏။ မြတ်ဗုဒ္ဓ၏ တရားတော်ကို သိမြင်အပ်ဖို့ရန်အတွက်…
- ယုံကြည်မှု သဒ္ဓါသည် ရှေးဦးစွာ လိုအပ်၏
- ယုံကြည်မှု သဒ္ဓါရှိမှ ဆည်းကပ်လိမ့်မည်။
- ဆည်းကပ်ပါမှလည်း တရားဆိုတာကို နာရကောင်းမှန်း အောက်မေ့ကြပေလိမ့်မည်။
- တရားတော်ကို နာကြားပါမှလည်း ယထာဘူတ အမှန်အတိုင်း ဆင်ခြင်သုံးသပ်ပေလိမ့်မည်။
- အမှန်အတိုင်း ဆင်ခြင်သုံးသပ်နိုင်ပါမှလည်း မြတ်ဗုဒ္ဓဟောသော တရားတော်တို့ကို သိအပ်မြင်အပ်ပေမည်။
သဒ္ဓါဆိုသည်မှာလည်း Religion ဆန်ဆန် အကန်းယုံကြည်မှု (belief) မျိုးမဟုတ်ပေ။ လူနာတစ်ဦးသည် ကျွမ်းကျင်တတ်မြောက်သော ဆရာဝန်ကြီး၌ ထားရှိအပ်သော (သို့မဟုတ်ပါက) တပည့်တစ်ဦးက မြတ်သောဆရာပေါ်၌ထားရှိအပ်သော ယုံကြည်မှုမျိုး (confidence) ပင်ဖြစ်ပေသည်။ ထို့ကြောင့် သဒ္ဓါကို ဘာသာပြန်ရာ၌လည်း.. belief အစား confidence ဟု ဘာသာပြန်မှ သင့်လျော်ပေမည်။ [p-7, Ven. Narada, Buddhism in Nutshell]
မြတ်ဗုဒ္ဓ၏ အထက်ပါ မိန့်တော်မူချက်ကို သဟမ္ပတိဗြဟ္မာကြီး ကြားသောအခါ..မြတ်ဗုဒ္ဓ တရားဦးဟောရန် ခွင့်ပြုလိုက်ပြီဟု..သတ်မှတ်ပြီး..လက်ယာရစ် မြတ်ဗုဒ္ဓအား ရှိခိုးကန်တော့ပြီးနောက်...ဗြဟ္မာပြည်သို့ ပြန်ကြွသွားလေတော့သည်။
အောက်ပါတရားတော်ကို အထပ်ထပ်အခါခါ နာကြားမှတ်သားပြီးမှ ကောက်နုတ်ဖော်ပြထားသည်။
ဓမ္မစကြာတရားတော် အပိုင်း ၂/၃- မင်းကွန်းဆရာတော်ဘုရားကြီးဆန်းကိုဦး
ဘုရားအလောင်းတော်မြတ်သည် မဟာသက္ကရာဇ် (၁၀၃) ကဆုန်လပြည့်နေ့ ၌ သဗ္ဗညုတဥာဏ်တော်ကိုရ၍ သုံးလောကထွတ်ထား ဗုဒ္ဓအဖြစ်သို့ ရောက်တော်မူခဲ့၏။ တနည်းအားဖြင့် BC 588 တွင် ဗုဒ္ဓအဖြစ်သို့ ရောက်တော်မူခဲ့၏။ ရောက်ဆဲ သာသနာနှစ် (၂၅၅၄) တွင် မြတ်ဗုဒ္ဓ ရှိနေခဲ့သော (၄၅)၀ါကို ပေါင်းထည့်လိုက်ပါက..(၂၅၉၉)နှစ်ရပါမည်…ထို့ကြောင့်.လွန်ခဲ့သော နှစ်ပေါင်း (၂၅၉၉) တွင်.. သမ္မာသမ္ဗုဒ္ဓ အဖြစ်ရောက်တော်မူခဲ့၏။ ဘုရားဖြစ်ပြီးတဲ့နောက် မြတ်ဗုဒ္ဓသည်..မဟာဗောဓိပင် အနီးအနား (၇)ဋ္ဌာန တို့တွင်..(၇)ရက်စီ သီတင်းသုံးတော်မူခဲ့ပါ၏။
- ပလ္လင်္ကသတ္တာဟ (ဗောဓိသတ္တာဟ)
မဟာဗောဓိ မဏ္ဍိုင်၊ အပရာဇိတပလ္လင် ထက် မြတ်ဗုဒ္ဓသည် ကဆုန်လပြည့်ကျော် (၁) ရက်နေ့ မှ (၇)ရက်နေ့ထိ သီတင်းသုံးတော်မူခဲ့၏။ ထိုကဲ့သို့ သီတင်းသုံးတော်မူစဉ် ဘုရားရှင်သည် တင်ပျဉ်ခွေ မပျက်ဘဲ (၇)ရက် လုံးလုံး ဖလသမာပတ်ချမ်းသာဖြင့် နေတော်မူ၏။ ဖလသမာပတ်ချမ်းသာဖြင့် စံတော်မူစဉ် အကြားအကြားကာလတွေမှာတော့…ပဋိစ္စသမုပ္ပါဒ် ကို အနုလုံ၊ ပဋိလုံ ဆင်ခြင်သုံးသပ်တော်မူ၏။
အနုလုံ - သံသရာစက် မပြတ် လည်ခြင်း သဘောဖြင့် ဆင်ခြင်သုံးသပ်ခြင်း
ပဋိလုံ - သံသရာစက် ပြတ်ခြင်း သဘောဖြင့် ဆင်ခြင်သုံးသပ်ခြင်း
ပဋိစ္စသမုပ္ပါဒ် ကို အသေးစိတ် ရွှေဥာဏ်တော်နှင့် ဆင်ခြင်သုံးသပ်တဲ့အခါ ဘုရားရှင်၏ စိတ်တော်ထဲမှာ နှစ်လိုအားရ ၀မ်းမြောက်တော်မူခဲ့ပါသည်။ ဆီခွက်/ဆီအိုးထဲမှာ ဆီတွေထည့်လိုက်လျှင် တဖြေးဖြေး ဆီတွေဟာ လျှံတက်ပြည့်တက်လာသလို ပါပဲ။ မြတ်ဗုဒ္ဓရဲ့…ပီတိသောမနဿ အဟုန်တွေကလည်း ကိုယ်တော်မြတ် ၀မ်းတော်တွင်းထဲမှာ မဆံ့တော့ဘဲ အစဉ်သဖြင့် ခံတွင်းတော်ရောက်ပြီး ရွှေနုတ်တော်မှတဆင့် ဥဒါန်းဆိုတဲ့စကားတော်တွေဟာ ထွက်တော်မူခဲ့၏။ မဟာဗောဓိ မဏ္ဍိုင် မှာပဲ တင်ပျဉ်ခွေ မပျက် (၇)ရက် သီတင်းသုံးတော်မူခဲ့တဲ့ ထိုဋ္ဌာနကိုပဲ ပလ္လင်္ကသတ္တာဟ ဟုခေါ်ပါ၏။ ဗောဓိသတ္တာဟ ဟုလည်း ခေါ်၏။
- အနိမိသသတ္တာဟ
ပလ္လင်္ကသတ္တာဟ ပြီးတဲ့နောက် မြတ်ဗုဒ္ဓသည်..မဟာဗောဓိပင် ရဲ့ အရှေ့မြောက် ထောင့် ယွန်းယွန်း ကုန်းမြင့်ကလေး တခု ပေါ်မှာ ရပ်တော်မူပြီး..ဗောဓိ မဏ္ဍိုင် ကို ကြည့်တော်မူ၏။ မြတ်ဗုဒ္ဓသည်.. မလှုပ်မရှား ဘဲ (၇)ရက်လုံးလုံး ထိုကုန်းမြင့်လေး ပေါ်မှနေ၍…မျက်တောင်မခတ်ဘဲ မဟာဗောဓိပင်ကို ကြည့်တော်မူခဲ့သည်။ ထိုကဲ့သို့ ရပ်တော်မူလျက် သတင်းသုံးတော်မူစဉ်က. ဋ္ဌာနကို အနိမိသသတ္တာဟ ဟုခေါ်၏။
- စင်္ကမသတ္တာဟ
အနိမိသသတ္တာဟ ပြီးတဲ့နောက် မြတ်ဗုဒ္ဓသည်..မဟာဗောဓိပင် နဲ့ အနိမိသကုန်းတော်အကြား အရှေ့/အနောက် လူးလာတွန့်ခေါက် စင်္ကြံ လျှောက်တော်မူပါ၏။ (၇)ရက်လုံးလုံး စင်္ကြံ လျှောက်တော်မူရင်း ဖလသမာပတ်ချမ်းသာနဲ့ နေတော်မူ၏။ ထိုကဲ့သို့ စင်္ကြံ လျှောက်တော်မူခဲသော ဋ္ဌာနကို စင်္ကမသတ္တာဟ ဟုခေါ်၏။
- ရတနာဃရသတ္တာဟ
စင်္ကမသတ္တာဟလွန်ပြီးတဲ့နောက်…မဟာဗောဓိပင်ရဲ့ အနောက်မြောက်ထောင့်အရပ် ဆီမှာရှိတဲ့ နတ်တို့ ဖန်ဆင်းထားတဲ့ ရတနာဃရ အိမ်တွင်..မြတ်ဗုဒ္ဓသည်..အဘိဓမ္မာ (၇)ကျမ်းကို သုံးသပ်ဆင်ခြင်တော်မူခဲ့ပါ၏။ (၇)ရက် လုံးလုံး အဘိဓမ္မာ (၇)ကျမ်းကို ဆင်ခြင်တော်မူ၏။ ထိုသို့ ဆင်ခြင်တော်မူရင်း နောက်ဆုံးရက်၊ နောက်ဆုံးကျမ်း ပဋ္ဌာန်းကျမ်းတော်ကို ဆင်ခြင်တဲ့အခါ မြတ်ဗုဒ္ဓရဲ့ သွေးတော်များသည်..ထူးကဲစွာ ကြည်လင်သန့်ရှင်းပြီး ရူပကာယမှ ရောင်ခြည်တော် (၆) ပါး ပေါ်ထွက်တော်မူ၏။ ရောင်ခြည်တော် (၆)ပါးဟာ. အရှေ့/အနောက်/၀ဲယာ/အထက်/အောက် ပါမကျန် တဖိတ်ဖိတ် တဖွားဖွား ကွန့်မြူးထွက်ပေါ်လာတော့သည်။ ထိုသို့ အဘိဓမ္မာ (၇)ကျမ်း ဆင်ခြင်သုံးသပ်ရာ ဋ္ဌာနကို ရတနာဃရသတ္တာဟ ဟုခေါ်၏။
- အဇပါလသတ္တာဟ
ရတနာဃရသတ္တာဟ ပြီးတဲ့နောက်..မြတ်ဗုဒ္ဓသည် မဟာဗောဓိပင်မှ အရှေ့ဘက် အရပ်၌ တည်ရှိသော အဇပါလ အရပ်သို့ ကြွတော်မူပါ၏။ အဇပါလအရပ်ဆိုသည်မှာ..ဆိတ်ကျောင်းသားများ၊ ပုဏ္ဏားအိုများ လာရောက် အနားယူအရိပ်ခိုရာ ညောင်ပင်ကြီးဖြစ်၏။ ထို အဇပါလညောင်ပင်ကြီး၌.. မြတ်ဗုဒ္ဓသည် (၇)ရက်လုံးလုံး ဖလသမာပတ်ချမ်းသာနဲ့ နေတော်မူ၏။ ထိုသို့ နေတော်မူစဉ် ဟုန်ဟုန်က အမည်ရှိတဲ့ ပုဏ္ဏားတစ်ယောက် ရောက်ရှိလာ၏။ မြတ်ဗုဒ္ဓအား ဘုရားရှင်စင်စစ် ဖြစ်မှန်းမသိပေ။ ထို့ကြာင့် အရိုအသေပြု ရှိခိုးခြင်းမရှိဘဲ “ကျန်းမာပါရဲ့လား” ဟု စကားဦးပြောဆို ပြီးနောက်…
“အရှင်ကို ကြည့်ရတာ အထူးကြည်ညိုဖွယ်ကောင်းလှပါသည် ဣနြေ္ဒ ကလည်း ကောင်းလှ၏၊ အသားအရေကလည်း ကြည်လင်၏်၊ အသိဥာဏ် ထူးပုံရ၏၊ မေးခွန်းတခုလောက်မေးပါရစေ” ဟု ဆိုပြီး သူသိချင်တဲ့ မေးခွန်းကို မေးလျှောက်ပါ၏။ သူမေးတဲ့ မေးခွန်းမှာ…
အဘယ်မျှသော တရားတွေနဲ့ ဗြဟ္မဏ ဖြစ်နိုင်ပါသလဲ…အဲတရားတွေဟာလည်း အဘယ်တရားများ ဖြစ်သလဲလို့ မေးလျောက်ခဲ့ပါ၏။
သူမေးတဲ့မေးခွန်းက လေးနက်မှုရှိ၍ အရေးလည်း ကြီးပါသည်။ မြတ်ဗုဒ္ဓသည်လည်း အားလုံးသောသတ္တ၀ါတို့ကို တရားဟောဖို့ အတွက် ကျင့်ကြံကြိုးကုတ် အားထုတ်လာခဲ့ရတာဖြစ်တဲ့အတွက် တရားဟောချင်စိတ်အပြည့်ရှိပြီးသားဖြစ်၏။ သို့ပေမယ့် ထိုပုဏ္ဏားအား တရားမဟောခဲ့ပေ။ သူ၏ မေးခွန်းက လေးနက်သလောက် သူဟာ တရားနဲ့ ဝေးတဲ့ သူဖြစ်၏။ ထိုသူကို ဟော၍လည်း သရဏဂုံလေးမျှပင် တည်မယ့်သူ မဟုတ်မှန်း မြတ်ဗုဒ္ဓသိတော်မူ၏။ ထိုပုဏ္ဏားသည် တရားနဲ့ဝေးတဲ့သူဖြစ်၏။ သို့ပါသောကြောင့် တရားမဟောခြင်းဖြစ်၏။ သို့ပေမယ့် မေးခွန်းက လေးနက်နေသောကြောင့် ဘာမျှမဟောဘဲ ဆိတ်ဆိတ် နေ၍လည်း မဖြစ်ပေ။ ထို့ကြောင့် ကိုယ်တော်မြတ်ဘာသာ ကိုယ်တော်မြတ် ဥဒါန်းစကားတော်ကျူးခဲ့၏။ မြတ်ဗုဒ္ဓ ရဲ့ ဥဒါန်းတော်သည် …ရာဂ/ဒေါသ/မောဟ/မာန/ဒိဋ္ဌိ ကိလေသာတွေ ကင်းတဲ့ ပုဂ္ဂိုလ်သည် ဗြဟ္မဏ မည်ပါ၏.. ဟု အဓိပ္ပါယ်ထွက်ပေသည်။ ထိုအချင်းအရာကို ကြည့်ခြင်းဖြင့် မြတ်ဗုဒ္ဓ၏ သတ္တ၀ါတို့အား သံသရာဝဋ်ဆင်းရဲမှ ကယ်တင်စေချင်သော မဟာကရုဏာတော်ကြီးမှာ ပေါ်လွင်ပေ၏။ တရားနှင့်ဝေးသောသူကိုပင် မြတ်ဗုဒ္ဓက ဥဒါန်းတော်မှတဆင့် ရတဲ့နည်းဖြင့် အဖြေကို ဟောပေးတော်မူခဲ့သေး၏။ လေးစား ကြည်ညိုဖွယ် ကောင်းလှပေသည်။ မြတ်ဗုဒ္ဓ၏ အများအကျိုးဆောင်ခြင်းမှာ အကွက်စေ့ သေချာလှပေ၏။
ထိုသို့…အဇပါလ ညောင်ပင်မှာ သီတင်းသုံးတော်မူခဲ့တဲ့ ဋ္ဌာနကို အဇပါလသတ္တာဟ ဟုခေါ်၏။
- မုစလိန္ဒသတ္တာဟ
မဟာဗောဓိပင် ရဲ့ တောင်ဘက်အရပ် ကိုက် (၃၀၀) ခန့်တွင် မုစလိန္ဒရေအိုင်ကြီးရှိ၏။ ထိုရေအိုင်ကြီး၌ နဂါးများ နေ၏။ ထိုရေအိုင်ကြီး၏ ကမ်းပါး၌လည်း ကျည်းပင်ကြီးတစ်ပင် တည်ရှိသည်။ မြတ်ဗုဒ္ဓသည်.. အဇပါလသတ္တာဟတွင် သီတင်းသုံးပြီးနောက် ထိုကျည်းပင်ကြီး ရှိရာအရပ်သို့ ကြွတော်မူ၏။ ကျည်းပင်ကြီးအရိပ်တွင် (၇)ရက်လုံးလုံးဆက်လက် သီတင်းသုံးတော်မူ၏။ ထိုသို့ နေစဉ်တွင်.. ရုတ်တရက် မိုးသက်လေပြင်း ကျရောက်လာပေသည်။ ထိုကဲ့သို့သော မိုးမျိုးမှာ လောက၌ ဘုရားရှင်တစ်ဆူပွင့်ပေါ်တိုင်း ရွာသွန်းမြဲဖြစ်၏။ ထိုအချိန်တွင် ရေအိုင်ထဲမှ..မုစလိန္ဒနဂါးမင်းသည် ကမ်းပါးသို့ တက်လာပြီး..မြတ်ဗုဒ္ဓအား လေဒါဏ် မိုးဒါဏ် ကာကွယ်ပေးပြီး ပူဇော်၏။ မုစလိန္ဒ နဂါးမင်းဟာ..ရတနာဘုံဗိမ္မာန် ဖန်ဆင်းပြီး ပူဇော်နိုင်သောစွမ်းအားရှိပေသည်။ သို့ပေမယ့်…ကိုယ်တိုင်ပြုတဲ့ ဝေယျာဝိစ္စ ကုသိုလ် ပြုချင်တာကြောင့်..ထိုင်တော်မူနေသော မြတ်ဗုဒ္ဓကို (၇) ပတ် ရစ်ပတ်ပြီး ကာကွယ် ပူဇော်ပေးခဲ့၏။ အခန်းတခု ထဲတွင် ထည့်ထားတဲ့အလား မြတ်ဗုဒ္ဓအား လုံခြုံစွာ ရစ်ပတ်ပူဇော်ခဲ့၏။ ထို့နောက်မှာ..မြတ်ဗုဒ္ဓရဲ့ ဦးခေါင်းတော်ကို မိုးစက်မိုးပေါက်များ မကျရောက်အောင် အပေါ်မှ ထီးပမာ ပါးပြင်းမိုးပြီး ပူဇော်ပေးခဲ့ပါသည်။ မုစလိန္ဒနဂါးရဲ့ အပူဇော်ခံပြီး ဖလသမာပတ်ချမ်းသာ နဲ့ (၇)ရက် စံတော်မူရာ ဋ္ဌာနကိုပဲ မုစလိန္ဒသတ္တာဟ ဟုခေါ်၏။
- ရာဇာယတနသတ္တာဟ
ထို့နောက်မှာ မြတ်ဗုဒ္ဓသည်..မဟာဗောဓိပင် တောင်ဘက် အရပ်တွင် တည်ရှိသော လင်းလွန်းပင်ကြီး အရိပ်သို့ ကြွတော်မူခဲ့၏။ ထိုလင်းလွန်းပင်ရင်း အရိပ်မှာပဲ ဖလသမာပတ်ချမ်းသာဖြင့် တင်ဖျဉ်ခွေမပျက် (၇)ရက် ဆက်လက် သီတင်းသုံး နေတော်မူ၏။
အထက်ပါ (၇)ဋ္ဌာန များတွင် (၇)ရက်စီ ..အားလုံး (၄၉) ရက် သီတင်းသုံးတော်မူခဲ့ပါသည်။ ထို (၄၉)ရက် အတွင်း မြတ်ဗုဒ္ဓသည်..အဘယ်ဆွမ်းကိုမျှ မသုံးဆောင်ခဲ့ရ၊ အလေးအပေါ့သွားခြင်းလည်း မရှိပေ၊ ကြိမ်းစက်ခဲ့ခြင်းလည်းမရှိ ခဲ့ပေ။ သောက်ရေ/သုံးရေ ကိုပင် မသုံးခဲ့ရပေ။ မြတ်ဗုဒ္ဓ မဖြစ်မီက သုံးဆောင်တော်မူခဲ့သော သုဇာတာကပ်သော ဃနာနို့ဆွမ်းသာလျင် ၀မ်းတော်ထဲ၌ရှိခဲ့ပါ၏။ (၄၉)ရက်လုံးလုံး သိုလှောင်ထားခဲ့ရသော ထိုအညစ်အကြေးအဟောင်းများကို စွန့်ဖို့ စိတ်တော်ဖြစ်ခဲ့၏။ သိကြားမင်းက..နတ်ဆေးများ ဆပ်ကပ်၏။ ထိုနတ်ဆေးများ သုံးဆောင်ပြီးတဲ့နောက် ခန္ဓာကိုယ်ရဲ့ အလေးအပေါ့အားလုံးဟာ..သန့်ရှင်းသွားခဲ့ပေ၏။ ထို့နောက်တွင် မြတ်ဗုဒ္ဓသည်.. နေရဉ္ဇရာမြစ်၌ ရေချိုးသန့်စင်ပြီး..လင်းလွန်းပင်ရှိရာသို့ ပြန်လည်ကြွတော်မူသည်။..
လင်းလွန်းပင်အောက်တွင်ပင်.. နောက်ထပ် (၇)ရက် သီတင်းသုံးတော်မူပြန်၏။ သိကြားမင်းက..ဒုတိယအကြိမ် အားဖြစ်စေဖို့ နတ်အားဆေးများ ဆပ်ကပ်ခဲ့၏။ မြတ်ဗုဒ္ဓသည် သိကြားမင်းကပ်သော နတ်အားဆေးများကို သုံးဆောင်ပြီးနောက်မှာ..လူသာမာန်များဆပ်ကပ်သော ဆွမ်းကို ဖုန်ပေးဖို့ရာ စိတ်အကြံဖြစ်တော်မူခဲ့၏။ ထိုစဉ် နတ်မင်းကြီး (၄)ပါးသည်..သပိတ်(၄)လေးကို ကိုင်ဆောင်လာပြီး..လှူဒါန်းဖို့ရာ..အဆင်သင့်ဖြစ်နေကြလေ၏။ ထိုအချိန်မှာပဲ..ဥက္ကလာပတိုင်းသား တဖုဿ နှင့် ဘလ္လိကာ ကုန်သည်ညီနောင်တို့ သည်..ဘ၀ဟောင်းက မိခင်တော်စပ်ဖူးခဲ့သော နတ်သမီးရဲ့ ကြွေးကြော် တိုက်တွန်းမှုကြောင့်..ဆွမ်းခဲဖွယ်အပြည့်အစုံ တို့ဖြင့် ဘုရားရှင်ရှိရာ လင်းလွန်းပင်ကြီးအရပ်ဆီသို့ ရောက်ရှိလာပါသည်။ မြတ်ဗုဒ္ဓသည်..သိကြားမင်းတို့ ဆပ်ကပ်သော သပိတ်ကြီး (၄)လုံးကို ဘယ်လက်ပေါ်မှာ တခုစီဆင့်ပြီးတဲ့နောက် ညာဘက်လက်တော်ဖြင့်..အပေါ်မှ ဖိချလိုက်တဲ့အခါ..အနား(၄)ရစ်ဖြင့် သပိတ် (၁)လုံးတည်း ဖြစ်သွားပါ၏။ ကုန်သည် ညီနောင်တို့ ကပ်တဲ့ ဆွမ်းတို့ကို ထိုသိပိတ်ဖြင့် အလှူခံ၏။ ထို့နောက် ကုန်သည်ညီနောင်တို့သည် .မြတ်ဗုဒ္ဓထံ၌.တရားနာပြီးတဲ့နောက်..သရဏဂုံ (၂)ပါးကို ဆောက်တည်ခဲ့၏။ မြတ်ဗုဒ္ဓသည်..ထိုကုန်သည်ညီနောင်တို့အား ဆံတော် (၈)ဆူ ပေးတော်မူခဲ့၏။
ထို ဆံတော်(၈)ဆူကို ဋ္ဌာပနာထားပြီး ရွှေတိဂုံစေတီတော်ကြီးအား တည်ထားခြင်းဖြစ်ပေသည်။

မြတ်ဗုဒ္ဓ နှင့် ကုန်သည်ညီနောင်တို့
(image: မြန်မာကျူးပစ်မှ ရယူထားပါသည်။)
အောက်ပါတရားတော်များမှ ကောက်နုတ်ဖော်ပြသည်။
၁) ဓမ္မစကြာတရားတော် (mp3)- မင်းကွန်းဆရာတော်ဘုရားကြီး
၂) သတ္တဋ္ဌာန-ခုနှစ်ပတ်ဖြစ်စဉ် ဗုဒ္ဓ၀င် (vcd)- သီတဂူဆရာတော်ဘုရားကြီး